YEREMIA 18:2 - Alkitab Singog In Mongondow Masa In Tanaa

² “Bayádon kon baḷoi in intau mogogaid kon kuyon butá; kon tua potaau-Ku kon inimu in koyow-Ku.”

YEREMIA 18:2 ပူးပေါင်းရင်းမြစ်များ

YESAYA 20:2

Toḷu notaong noiuna, ki Tuhan nopotabá kon i Yesaya ki adí i Amos noḷongkut kon aip in sioḷ bo daing tuḷok inta pinakénea. Sia in dinumudui bo minayá nomilang bo diá nomaké in aip in sioḷ.

YEREMIA 13:1

Ki Tuhan nopotabá kon inakó notaḷui kon bintoḷ nopoḷok nongkon lenan bo pinaké, táe diábí motaau in akuoi mopoḷodok intua kon tubig.

YEREMIA 18:1

Ki Tuhan in noguman kon inakó,

YEREMIA 18:3

Dá minayádon in akuoi kon baḷoi in intau mogogaid kon kuyon butá bo inontongku yogot in sia mogaid nopomaké in pakakat poḷoḷamag.

YEREMIA 23:22

Aka kuma kinotaauan monia onu in kon bonu in raian-Ku, yo notantú bidon kon mosia in nopotaaudon kon umat-Ku in bayongan inta ain siningog-Ku. Dá umat-Ku in mogogaidon in mogaid kon dosa mita bo dodia monia inta moraat.

AMOS 7:7

Akuoi in nokouḻí bui kon oontongon ibanea nongkon i Tuhan. Inontongku in Sia sinimindog kon bingkímai in dinding tobatú inta pinosindog takin nopomaké in tontogot pogogukur noisindog notuḻid. Ḻima-Nea in kokada-kadai in tontogot tatua sin moindoi mongo dinding tatua noisindog notuḻid andeka diá.

OUMAN IN RASUL MITA 9:6

Táe tanaa mako in poguman-Ku kon inimu pobangondon bo tuotdon in kotá. Bain kon tua bo poguman-Ku kon inimu mongo onu in pokiaid-Ku kon inimu.”

IBRANI 1:1

Dungkuḷmai in noyagi-yagimaidon daya i Allah in mosingog kon mogoguyang naton, singog-Nea tatua in pinoyaput pinongin nabi mita.