YEREMIA 15:9 - Alkitab Singog In Mongondow Masa In Tanaa

⁹ Ki iná inta kinobuḻian in adí ḷoḷaki taya pitu in sinogopuḷong sin mosisí in poginaannea. Singgai kinobiagannea in nosindipdon, kinorasaannea kon sia in pinopoompámai bo pinokopo oyámai. Musungmu mita pokiḻimodan-Ku in inta nobiagpa kon sigad monimu. Akuoi, ki Tuhan, ain nosingog.”

YEREMIA 15:9 ပူးပေါင်းရင်းမြစ်များ

YESAYA 47:9

Táe tongábí tokokiap monag, tongo singgai, doyowa tua in mobaḻí moyododai. Umpaka iko mopomaké in sihir bo sinotaau, yo ki buḷoimu bo ki adímu in gamáanbí doman.

YEREMIA 19:7

Kon tampat tanaa pogogaion-Ku in bayongan tomayá in intau in Yohuda bo intau in Yerusalem. Mosia in pomayá-Kubí in taḷowon in musung mita monia bo ḻimodon kon poparangan. Mayat monia in pomayá-Kudon mako in kaanon in ḷagapan bo mahaḷuk mokokaan kon mahaḷuk ibanea.

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

YEREMIA 44:27

Ḷongasion-Kubí sinbá mobodito in moiko bo diá mosanang, modapot in moiko matoi komintan, pinomayá matoi in parang andeka popisí in yampoi in takit.

YEREMIA 50:12

Táe moiko in mobaḻíbí bangusa inta totok in diá in mangaḻenea kon sigad in bangusa mita. Kotámu tontaní inta moḷoben tua in singkuḻeonbí bo pokopooyáanmai. Butámu in mobaḻí padang gurun inta moḷogat bo moingkag.

YEREMIA 6:4

Mosia in mogumanbí, “Igai, posadiadon monubu kon Yerusalem! Koḻigai in kita monubu singgai in naa!” Táe onda intua mosia in moguman doman, “Ado, nolatdon! Singgai moungkoḷomdon, oḻinow mita in kobanat-kobanatdon.

YEREMIA 7:19

Táe totuubí, deemanbí Akuoi in pinoyaat monia in gina, táe awakbí monia tontaní nodapot in mosia in nooyá.

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

OMBAḶ 4:10

Totuu motoyang in bodito tatua inta noiantug kon umatku nodapot in iná mita inta gina moaḷus in noḷagádon kon i adínea tontaní sin kaanon pomonu kon sian.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

YEHEZKIEL 5:13

Korasaanmubí in koḷoḷoben in torú bo pomomatoi-Ku modapot in moorop in Akuoi. Naonda intua mita mobaḻí, moyakin bidon in iko kon Akuoi, ki Tuhan, ain noguman kon inimu popisí in torú-Ku kon aidmu inta diá motoindudui.

SAMUEL 1 2:5

Intau inta koḻipod nobotug sin nobarong in kaanon, tanaa in nobaḻídon intau totondanan mogaid tongá bá mokouḻí kon kaanon. Intau inta koḻipod ginogoi, tanaa in noguḻídon, tugatdon in kaanon. Buḷoi inta bantó, mopiadon in ginanea in tanaa, pitu in adí pinononggadíneadon! Táe ki iná inta mobayong in ki adínea, sinaḷáandon, biniódon mako natua.