YEREMIA 15:2 - Alkitab Singog In Mongondow Masa In Tanaa

² Aka ḻibóon monia kon inimu mongo kon onda in bayáan monia, yo tubagai nanaa, ‘Ki Tuhan in noguman, inta sinantú matoi popisí in takit yo biódon mako in sia matoi in takit. Inta sinantú matoi kon poparangan yo biódon mako in sia matoi kon parang. Inta sinantú matoi popisí in gogoy yo biódon mako in sia matoi in gogoy. Inta sinantú dakopon, yo biódon mako in sia diaan saḷaku intau dinakop!’

YEREMIA 15:2 ပူးပေါင်းရင်းမြစ်များ

YESAYA 10:4

Ukurmu in tongábí ḻimodon kon parang andeka diaan nobaḻí intau inta dinakop. Táe ki Tuhan in umuranpabí tumorú bo tantú mohukum.

YESAYA 24:18

Intau inta moḷagui nongkon kodoḻiokan in moibonubí kon poyogaḷap, bo intau inta diá kodomokan in poyogaḷap moibaaḷbí kon potait. Uyan morogot in moḷabúbí nongkon ḷangit, bo apad in butá in modandúbí.

YEREMIA 14:12

Umpakabí in mosia mopuasa, doíbí in Akuoi moindoimai kon kuani monia mokituḷung; bo umpakabí in mosia moposumba kon i-Nakó in kuruban payongon bo kuruban gandum, yo diábí mosanang in gina-Ku kon i monia. Noyotoḻikudon kon tua, yopúon-Kubí in mosia in parang, in gogoy, bo in yampoi.”

YEREMIA 14:16

Intau mita inta ain notarima kon toḻindap mita monia tua in ḻimodonbí doman natua. Mayat mita monia in pogambat kon daḷan mita kon Yerusalem bo diábí in moḷobong. Natuata in ukur monia takin adí bo buḷoi monia. Baḻíon-Kubí in mosia mokonanam kon bungai in aid moraat monia.”

YEREMIA 16:4

Mosia in matoi kotugatan in yampoi in takit inta mokopatoi, bo mosia in matoi kon poparangan andeka matoi in gogoy. Diábí tobatúmai in intau in mongombaḷ andeka moḷobong kon i monia. Mayat monia in moirarit magí mako naonda bo pupuk kon butá, bo kaanon in ḷagapan bo mahaḷuk inta mokokaan kon tapú.

YEREMIA 19:7

Kon tampat tanaa pogogaion-Ku in bayongan tomayá in intau in Yohuda bo intau in Yerusalem. Mosia in pomayá-Kubí in taḷowon in musung mita monia bo ḻimodon kon poparangan. Mayat monia in pomayá-Kudon mako in kaanon in ḷagapan bo mahaḷuk mokokaan kon mahaḷuk ibanea.

YEREMIA 43:11

Ki Nebukadnezar in mamangoibí bo monaḷow kon Mesir. Bo intau mita inta ain sinantú kon matoi popisí in yampoi in takit in matoibí popisí in yampoi in takit. Mosia inta sinantú kon akuton saḷaku inta dinakop in akutonbí saḷaku intau dinakop, bo inta sinantú kon matoi kon bonu in parang in matoibí kon bonu in parang.

YEHEZKIEL 12:11

Insilangaidon kon onu inta inaidanmu tatua in nobaḻíbí tomponuot kon onu in inta mobaḻí kon i monia, tuata: mosia in mobaḻí intau inta iḷumbú bo dinakop.

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

YEHEZKIEL 33:27

Podoyon kon i-Nakó, ki Allah inta nobiag, ki Tuhan Inta Totok in moḷantud, intau mita inta nogutun kon apug in kotá tatua in matoibí ḻimodon. Mosia inta nogutun kon rawang mita in kaanonbí in mahaḷuk mita inta moraat. Mosia inta nogadop kon buḷud mita bo kon angob mita in matoibí kotugatan in yampoi in takit.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

YEHEZKIEL 5:2

Tongosilai in musti tubáanmu kon yua-yuak in kotá tatua naonda in mopaḷutdon in pongopungan. Tongosilai doman in musti tota-totadonmu in kedangmu sindaḷan moḻibu kon kotá tatua. Bo tosilai imbuitnea musti potabudonmu kon baḷangon, bo batukon-Ku in kedang-Ku.

DANIEL 9:12

Iko in nogaid noitombutung ná inta ain pinodandi-Mu kon inami bo kon mongongawasa nami. Yerusalem ain ihukum-Mu noiḻiu kon kotá ondaka in kon dunia naa.

AMOS 5:19

Kaadaannea in naonda bo intau inta noḷagui kon singa, táe noyodungkuḷ in beruang. Andeka naonda bo intau inta nobui kon baḷoi bo nopotungkud in ḻimanea kon dinding, bo sinobak in uḷag!

ZAKHARIA 11:9

Onda intua akuoi in noguman kon paanan in domba tatua, “Akuoi in doídon moḷukad kon i monimu. Inta musti matoi in biódon mako in matoi, bo inta musti moyopú, in biódon in moyopú. Bo kiagatnea in motaaudon in mosiḻimodan.”

WAHYU 13:10

“Intau inta sinantúdon domokon, mustibí in sia domokon. Bo intau inta ain sinantú matoi sibaton, yo pasti matoibí doman sibaton. Manangka intua umat i Allah musti monahang bo mosatia.”