YEREMIA 12:4 - Alkitab Singog In Mongondow Masa In Tanaa

⁴ Modapot in toonupa in butá tanaa in moingkag, bo moingkag in bonoknea kon batúan in gobá? Ḷagapan bo mahaḷuk ibanea matoi popisí in aid moraat in bangusa nami. Mosia in mosingog kon akuoi in diábí mokoontong kon ukur monia.”

YEREMIA 12:4 ပူးပေါင်းရင်းမြစ်များ

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

MAZMUR 50:21

Tuata in inaidanmu, táe Akuoi in tongábí kibio-biómai, dá iraimumai dá Akuoi in notongkaimubí. Táe tanaa in empengon-Ku in iko, bo tua mita in poniataan-Kubí kon inimu.

YESAYA 24:4

Butá mobaḻí moingkag bo moḷaḷow, sinangkub in dunia morobonoḷ in gina. Ḷangit bo butá tumpaḷa morobonoḷ.

YESAYA 24:6

Tuamai in ki Tuhan ain nongutuk kon butá bo nohukum kon intaunea popisí in aid monia. Mosia in pinokak bo tongá topiḻik in nongkon i monia in nosaḷamat.

YEREMIA 12:11

Oo, Akuoi nokoontong kon i monia nomaḻí kon ḻipú-Ku nobaḻí tampat moingongow inta mokonakit kon gina. Komintan pinomayá mako, diá in noindoimai.

YEREMIA 14:2

“Yohuda monakit in gina kotánea mita gogiódon bo matoi. Intaunea mita umuḻidon mako kon butá bo mogamui. Yerusalem momaḷú mokituḷung.

YEREMIA 23:10

Butá naton nopuḻing in intau inta diá mosatia kon i Tuhan. Mosia in nobiag moraat bo noitaḷá in nopomaké in kawasa monia. Popisí in kutukan i Tuhan, bonok kon rawang noingkag bo sinangkub in butá nonogumatoi.

YEREMIA 4:25

Inontongku diábí in intau, ḷagapanpa in nodaitdon iḷumayug.

YEREMIA 4:28

Butá in mononogumatoi, ḷangit in simindipdon. Ki Tuhan in nosingogdon bo diá bidon momaḷui kon tomayá-Nea. Sia in nonantúdon kon singog bo diábí umundok tongákabí toḷoḷampang.

YEREMIA 5:13

Anggapdon tompot in nabi mita tatua sin koyow i Tuhan in diábí in kon i monia.”

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

YEREMIA 7:20

Akuoi, ki Tuhan Inta Totok in moḷantud, in mopoumabí in torú-Ku inta motoyang kon baḷoi pooibadaan tanaa, kon intau bo kon mahaḷuk, bo kon pangkoi mita in kayu bo kon bungai mita in boyó. Torú-Ku in tumaga-tagab naonda bo tuḷú inta diá kopiongan.”

YEREMIA 9:10

Akuoi, ki Yeremia, noguman, “Akuoi in mongombaḷ bo mononogumatoi sin rawang in bonok kon ḷopá bo kon buḷud mita inta ain noingkag totok bo diádon sinaḻiban in intau. Singog in bobiagon diádon kodongogan, manuk bo mahaḷuk mita ibanea noḷaguidon bo nobuḻi.”

YEREMIA 9:9

Umpaka dá kon bangusa ná tanaa yo diá popoḷabúan-Ku in hukuman inta patus? Tuḻían-Kubí in aid monia, Akuoi, ki Tuhan, ain nosingog!”

HOSEA 4:3

Tuamai in butá tanaa in moingkagdon, bo bayongan inta nobiag kon tua in matoidon. Bayongan in mahaḷuk kon ḷangit, kon toba bo kon dagat in moyopúbí.”

YOËL 1:18

Bobiagon mogamui bo mogagawang; diádon in rawang in bonok pongaanannea. Paanan in domba mororiga domandon.

AMOS 1:2

Naa in inta pinoguman i Amos, “Ki Tuhan in noganggor nongkon Tombuḷud in Sion, singog-Nea in modorasing nongkon Yerusalem. Rawang mita in bonok iḷumogat, bonok kon Buḷud in Karmel inimingkagdon komintan.”

HABAKUK 3:17

Umpaka pangkoi in ara diá in bungainea bo pangkoi in anggur diá in anggurnea, umpaka bungai in zaitun diá in notuoi bo bungai in gandum kon gobá mokokudai kon gina, umpakabí domba mita minatoidon komintan bo kobang in bobiagon diá in bonunea,

ZAKHARIA 1:12

Bo malaekat tatua in noguman, “Ki Tuhan Inta Totok in mokawasa, pitu nopuḷú notaong in koonggotnea Iko in sinumorú kon Yerusalem bo kotá mita kon Yohuda. Modapot in toonu degá in Iko tumorú bo diádon mongampung kon i monia?”

SURAT I PAULUS KON JAMAAT RUM 8:22

Kinotaauanbí naton kon umaaipabí in tanaa bayongan in mahaḷuk modaitpabí mogamui kon roriga, naonda bo roriga in bobay kon tungkuḷ in mononggadí.