YEREMIA 12:3 - Alkitab Singog In Mongondow Masa In Tanaa

³ Táe Iko, o Tuhan, nonotaau kon inakó. Iko in nokoontong kon onu in inaidanku, bo kinotaauan-Mu naonda in porasaan in ginaku kon ini-Mu. Diadon in intau mita moraat tatua ḷumuai, diádon in mosia naonda bo domba mayá in pororataan. Ḷukadai in mosia modapot in porataan kon i monia.

YEREMIA 12:3 ပူးပေါင်းရင်းမြစ်များ

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

MAZMUR 11:5

Ki Tuhan in nonungkuḷ kon intau mopia bo intau moraat, dinoí-Nea in intau inta moḻingá.

MAZMUR 139:23

Tarididon in akuoi o Allah, doḷopdon in ginaku, tungkuḷaidon bo pokotaaudon in raianku.

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

MAZMUR 26:1

Mazmur i Daud. Ogoiaipa in inta moadil in akuoi, o Tuhan, sin akuoi in nobiag takin notuḻid in gina. Akuoi in nongamang kon i Tuhan, bo diábí in ḻia-ḻiaw in gina tongopiḻikmai.

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

YEREMIA 15:15

Bo akuoi in noguman, “Tuhan, Iko in nomangaḻe. Toropdon bo tuḷungaipa kaasí in akuoi. Tuḻíaidon in mosia inta nogaḷow bo inta nomogutú kon inakó. Dika moiḻiu in sabar kon i monia modapot in mosia bain mokoḻimod kon inakó. Toropdon kon popisí in Iko dá akuoi in siningkuḻe.

YEREMIA 17:16

Táe, o Tuhan, diábí kon dodai in onda in akuoi nondodak sinbá Iko mopoantug in bodito kon i monia. Akuoi in diábí doman nopoigum sinbá onagon in bodito in mosia. Kinotaauan-Mu intua, Tuhan. Kinotaauan-Mu onu in siningogku.

YEREMIA 17:18

Igumon mako intau inta nogaḷow bo nondorot kon inakó, pokopooyáan-Mumai bo poangoian-Mu in ondok. Táe dikabí intua poaid kon inakó, o Tuhan. Poangoidon in bodito kon i monia modapot in mosia morimumud moputú.

YEREMIA 20:12

Táe, o Tuhan Inta Totok in mokawasa, takin aid moadil sinungkuḷan-Mu in intau; Kinotaauan-Mu in gina bo raian monia. Tuamai in ogoipa in akuoi moindoi kon ini-Mu motuḻí kon aid moraat in musung sin pelekaraku tanaa in poposarakankubí kon ini-Mu.

YEREMIA 48:15

Moab bo kotánea mita in irimumudon, bo intau mita moguodnea inta mongopia ain iḻimod. Akuoi in nosingogdon. Akuoi in datu, Tuhan Inta Totok in mokawasa.

YEREMIA 50:27

Ḻimodon komintan in tontaranea! Patoi in mosia! Moboditodon in bangusa in Babel! Notompodon in wakutunea mosia in hukumon!” (

YEREMIA 51:4

Kekebanbí modaḷom in mosia bo matoi kon daḷan mita in kotá monia.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

YAKOBUS 5:5

Moiko ain nobiag nooyúon totok bo kinorasaandon monimu in kasanangan dunia naa. Moiko in naondadon bo koyogot in mopoḷongó in awak sin ratáan kon singgai porataan.

PETRUS 2 2:12

Táe aid in intau mita tatua in moiḻiudon totok! Mosia tua in naonda bo mahaḷuk inta pinononggadí sin domokon bo ḻimodon. Mosia tua in diábí morai, tongábí mogaid podudui in onu inta kinoibog monia aidan, sahingga in onu inta diá kinomangaḻean monia totokdon in singkuḻeon monia. Dá oaid bidon monia tontaní in mokobodito kon i monia tua naonda bo mahaḷuk mita inta mongoromú.