YEREMIA 12:2 - Alkitab Singog In Mongondow Masa In Tanaa

² Pinomuḷa-Mu in mosia naonda bo mobobiag mita, bo mosia in monguakat, mobiag, bo momungai. Mosia in umuranbí mosingog kon inta mongopia soaḷ Iko, táe kon bonu in gina, sabanarnea in mosia in diábí in pandungnea kon ini-Mu.

YEREMIA 12:2 ပူးပေါင်းရင်းမြစ်များ

AYUB 24:12

Kon kotá mita kodongogandon in amui in intau inta dongkadon oḷaton, intau mita inta pinaḻían nokuani mokituḷung, táe ki Allah in diábí nokidongog kon sambayang monia; Sia in doíbí mopandungmai kon i monia.

AYUB 5:3

Nokoimontandon inontongku in intau bodok; kobiagannea koontongan moroton totok. Táe nodaḻídon kinutukku in pinogutunannea.

MAZMUR 37:35

Akuoi in nokoontongdon kon intau moraat tobatú inta moambungangaḷ; sia in naonda bo pangkoi in kayu inta mopia bo uakatnea in noikanom noonag.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YEREMIA 11:17

Akuoibí in inta ain noposindog in Israel bo Yohuda, Akuoi, Tuhan Inta Totok in mokawasa. Táe tanaa in Akuoi ain nonomayá kon mopoangoi in bodito kon i monia. Mosiadon tontaní inta nokopopisí kon tua komintan, sin mosia in nogaidon kon inta moraat, tuata in noposumba in kuruban kon i Baal dá sinumorú in Akuoi.”

YEREMIA 3:10

Naonda in nogaid kon tua mita, Yohuda inta diá mosatia tua nobui kon i-Nakó táe tongá ki ubo-uboḷmai, sin ginanea in diábí notuḻid. Akuoi, ki Tuhan, ain nosingog.”

YEREMIA 45:4

Ei Barukh! Akuoi, ki Tuhan, koyogot in morumbun kon onu inta ain pinosindog-Ku, bo yogot morabut kon onu inta pinomuḷa-Ku. Sinangkub in dunia in pomiaan-Kubí natua.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

HOSEA 7:14

Mosia in diábí totu-totuu mosambayang kon i-Nakó. Aka mosia mosambayang, mosia in umobatbí kon tosiugan monia, bo mogamui naonda bo onu inta inaidan in intau mita inta diá mopirisaya kon i-Nakó. Aka mosia mosambayang moigum kon gandum bo anggur, mosia in monongkekeb kon awak ná inta inaidan in intau mita inta nosumba kon dewa. Mosia in totu-totuubí kon moḷawang kon i-Nakó.!

HABAKUK 1:13

Táe naondabí sin Iko in mokotahangbí in moindoi mako kon intau mita moraat bo moḻingá tatua? Kinotaauanku kon Iko in noiḻiubí kon motusi in moindoi kon aid moraat! Kinotaauanku kon mototukabí in Iko in mokoontong kon aid diá moadil! Dá, nongonu sin Iko in tongábí kibio-biómai kon tungkuḷ in intau motoḷutui irimumud in intau moraat?

MATIUS 15:8

‘Nanaa in kai Allah: Intau mita tanaa moduí kon i-Nakó táe tongá kon bibig monia, sin gina monia in moyayú kon i-Nakó.

MARKUS 7:6

Ki Yesus in notubag, “Ei moiko intau mita mongomunapik! Noitutui totok in onu inta ain pinotaau muna i Nabi Yesaya soaḷ moiko, inta pinais nanaa, ‘Nanaa in singog i Allah, Intau mita tatua mosumba kon i-Nakó, tongábí kon singog, táe gina monia in noyayúbí kon i-Nakó.

TITUS 1:16

Mosia in mongaku kon nonotaaudon kon i Allah, táe oaid monia in diábí noidudui kon inta kinoibog i Allah. Oaid monia tua mokorongó bo diá doman motoindudui; mosia tua in intaubí mita inta diádon mokomampu mogaid kon inta mopia.