YEREMIA 12:10 - Alkitab Singog In Mongondow Masa In Tanaa

¹⁰ Nobayong in mongongawasa ango-angoi in nomoguyaatdon kon gobá in anggur-Ku bo noruntai kon gobá-Ku mita. Ḻipú-Ku inta mogaga binaḻí monia padang gurun inta moingongow.

YEREMIA 12:10 ပူးပေါင်းရင်းမြစ်များ

YEREMIA 23:1

Ki Tuhan Allah in Israel noguman, “Moboditodon in moiko ei itoi mita inta nomutú bo noporarit in umat-Ku! Moiko in sabanarnea in mustibí momiag kon umat-Ku, táe diábí inaidan monimu intua; pinomayábí mako monimu in noirarit bo noḷagui. Tanaa Akuoi in mohukum kon i monimu popisí in aidmu moraat.

YESAYA 63:18

Nongonu sin pinomayá-Mubí mako in musung moritak magí mako kon Baḷoi-Mu, bo intau mita moporaa-raatmai kon tombuḷud-Mu inta motusi?

YEREMIA 6:3

mongongawasa mita in mononḷoḷaiganbí kon tua takin tontaranea. Kon ḻibumai in kotá tatua mosia in moposindogbí in ḷoḷaigan mita monia, kon batúannea momiḻí kon tampat inta kinoibognea.

YEREMIA 3:19

Ki Tuhan in noguman, “Israel, Akuoi in moibog motarima kon inimu mobaḻí ki adí-Ku, bo mobogoi kon inimu in butá inta mokosanang, butá inta totuu mopia kon sinangkub in dunia. Ibogon-Ku iko in monangoi kon i-Nakó ki Amá, bo diádon moḷagui bui kon i-Nakó.

WAHYU 11:2

Táe donaaidon ukuron in palas kon dotá in ḷuai Baḷoi i Allah tatua, sin tua in inogoi bidon kon intau mita inta diá nonotaau kon i Tuhan. Mosia in mamangoi morita-ritak mako kon kotá motusi tatua kon bonu in opat nopuḷú bodoyowá nobuḷan.

LUKAS 21:14

Tuamai mokopotantú kon gina bo dikabí mohawatir in morai mongo onu in potubag monimu aka poḻibo-ḻibóan monia.

YEREMIA 39:3

bo Yerusalem inagow. Dá bayongan in pojabat mita in datu in Babel namangoi bo minayá iḻimitú kon Bonawang Toyuak. Kon sigad monia tua oyúon in ki Nergal-Sarezer, Samgar Nebo, Sarsekim tongguḷu in tombonu in komaḻig, ki Nergal-Sarezer Rabmag bo porwira mita ibanea.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YESAYA 43:28

Imangmu mita in nopokotordon in baḷoi-Ku. Dá Israel in inogoi-Ku sin poompáanmai, buí i Yakub in pinomayá-Kudon mako iyompat.”

YEREMIA 9:10

Akuoi, ki Yeremia, noguman, “Akuoi in mongombaḷ bo mononogumatoi sin rawang in bonok kon ḷopá bo kon buḷud mita inta ain noingkag totok bo diádon sinaḻiban in intau. Singog in bobiagon diádon kodongogan, manuk bo mahaḷuk mita ibanea noḷaguidon bo nobuḻi.”

YEHEZKIEL 34:2

“Ei intau ilo-ilow, torúaidon in datu mita in Israel, bo potaaudon in onu inta potaau-Ku, ki Tuhan Intau Totok in moḷantud kon i monia, ‘Moboditodon in moiko, ei gombala mita in Israel. Moiko in tongábí morai kon kopontinganmu tontaní, deemanbí kopontingan in dombamu mita.

DANIEL 8:13

Onda intua dinongogku in malaekat tobatú in noguman kon malaekat ibanea mako, “Modapot degá in toonu in bayongan inta inontong kon oontongon tatua mobaḻí? Modapot in toonu in dosa moḷoben tatua monoḻiu kon sosumba muḷoi in singgai? Modapot in toonu in tontara in soroga bo baḷoi pooibadaan tatua runtaion?”

ZAKHARIA 7:14

Naonda bo deḷang, Akuoi in nongaitdon kon i monia dá pakisadon in mosia nogutun kon butá mita in intau. Butá inta mopia tanaa ain nobaḻí noingongow diádon in mogogutun bo noḷogatdon.”

YESAYA 3:14

Ki Tuhan in mobaḻí hakim kon itoi mita in umat-Nea. Naa in ponapud i Tuhan kon i monia: “Moiko inta nogagow kon bungai in anggur kon gobá mita; baḷoimu nopuḻing in pakakat inta inagow monimu kon intau bogá.

YEREMIA 25:38

Naonda bo singa iḻumuai nongkon bubúnea, natuata in ki Tuhan iḻumuai sin mohukum kon umat-Nea. Koḻingáan in parang bo torú i Tuhan in nomaḷuidon kon butá tanaa nobaḻí padang gurun.

YEHEZKIEL 34:5

Popisí in diádon kogombaḷa, dá domba mita tatua in noiraritdon bo nobaḻídon kokaanon in mahaḷuk moraat.