YEREMIA 11:6 - Alkitab Singog In Mongondow Masa In Tanaa

⁶ Bo ki Tuhan in noguman kon inakó, “Bayádon kon kotá mita kon Yohuda, bo kon daḷan mita kon Yerusalem. Potaaudon in koyow-Ku tanaa kon intau mita kon tua. Potabá in mosia monaridi bo dumudui kon sarat mita in dodandian-Ku.

YEREMIA 11:6 ပူးပေါင်းရင်းမြစ်များ

MAZMUR 15:5

bo mopoḷuan in doit bo diá moigum kon rente; inta doí motarima kon doit pomompon kon bibig sin moporugi kon intau inta diá kotaḷá. Intau inta mogaid kon natua, umuranbí mobiag moodom.

YESAYA 58:1

Ki Tuhan in noguman, “Pomaḷúdon podudui in ropotmu! Potaaudon kon umat-Ku in dosa mita monia.

YEREMIA 19:2

sin mayá moyotakin monia mayá in Ḷopá in Hinom mongin Bonawang Beling. Kon tua akuoi in musti mopotaau kon onu inta pinongoyow-Nea kon inakó.

YEREMIA 2:2

nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.

YEREMIA 3:12

Ki Tuhan in nopotabá kon inakó mayá sin mopotaau in naa kon Israel: “Ei Israel inta diá mosatia, pobuidon mangoi kon i-Nakó! Akuoi in totokbí in motabi bo diábí mononoi in torú-Ku kon i monimu.

ZAKHARIA 7:7

Tuata in siningog i Tuhan pinongin nabi mita kon tungkuḷ intua kon dodai in Yerusalem inutunanpa bo intaunea in nobiagpa notomomon. Kon dodai intua intau in diábí tongá mogutun kon ḻipú mita kon diugmai in kotá táe nodapotbí in kon dotá in toḷatan bo kon obagaanmai in tombuḷud kon dotá in toyopan.

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

SURAT I PAULUS KON JAMAAT RUM 2:13

Sin hubungan in intau takin i Allah in moyoguḻit bui, deemanbí popisí in intau tatua nonotaaudon kon hukum agama in Yahudi, táe popisíbí in sia nogaidon kon onu inta pinais kon bonu in hukum tatua.

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

YAKOBUS 1:22

Musti aidan monimu in onu inta pinoki aid i Allah, deemanbí tongá indongogan mako bo diá aidan, sin aka diá aidan yo tua in mangaḻenea moiko in nonguboḷdon kon i monimu tontaní.