YEREMIA 10:9 - Alkitab Singog In Mongondow Masa In Tanaa

⁹ Sia in inaipan in saḷaka bo buḷawan inta dinia nongkon Spanyol bo kotá in Upas, tua komintan aidbí in ḻima in mongongurig bo mononontaḷ kon buḷawan. Pakeangnea in nongkon kaeng nokamumu nogurang bo kaeng nokamumu noguod, pinomia in mogogaboḷ mita kinopia totok.

YEREMIA 10:9 ပူးပေါင်းရင်းမြစ်များ

DATU MITA IMITÁNEA 10:22

Mobayong doman in kapaḷ moḷoben i Salomo inta ḷumeag moyotakin in kapaḷ mita i Datu Hiram. Toḷu notaong in komintan kapaḷ mita tatua mobui modia kon buḷawan, saḷaka, gading, boḷai bo ḷagapan merak.

TAWARIKH 2 9:21

Nobayong doman in kapaḷ moḷoben i Salomo inta ḷumeag kon daga-dagatannea moyotakin in kapaḷ mita i Datu Hiram. Toḷu notaong in komintan kapaḷ mita tatua in mobui modia mangoi kon buḷawan, saḷaka, gading, boḷai bo ḷagapan merak.

MAZMUR 115:4

Berhala monia in pinomia nongkon buḷawan bo saḷaka, ḻima in intau in nomia.

MAZMUR 72:10

Datu mita in Tarsis bo ḻibuton mita in modiabí kon sosumba kon inia. Datu mita in Arab bo in Etiopia in mamangoi modia kon iba.

YESAYA 23:6

Pogamuidon, bo poḷaguidon bayá in Spanyol, ei intau inta nogutun kon bingkí in dagat!

YESAYA 40:19

Sia in deemanbí ná patong mita inta pinomia in mongongurig, patong inta inoḻitan in buḷawan bo pinoḻitú kon saḷaka.

YEHEZKIEL 27:12

Iko in nopotaḷui in pakakat mita in daganganmu inta mobayong totok tua kon Spanyol, bo inta nobaḻí uboḻinea kon inimu in saḷaka, uatoi, tangat mobudó bo tangat morondí.

YEHEZKIEL 27:7

Ḻeag bo tomponuotmu in nongkon linen in Mesir, inta sinujian in noyagi-yagimai. Moaḷus totok in bahan mita in ḷoḷaiganmu, didit nongkon Siprus nokamumu in batangannea.

DANIEL 10:5

Akuoi in iḷumangag, bo inontongku in intau tobatú inta nogiḷambung nongkon linen bo baan nongkon buḷawan taakan.

HOSEA 8:6

Sapi buḷawan inta sinumba kon Samaria tatua in miabí in ḻima in intau in Israel! Tua in deemanbí Allah, bo mustibí rimumudon!

YUNUS 1:3

Táe ki Yunus in tongábí minayá in kotá ibanea sin yumayú kon i Tuhan. Sia in minayá in Yope, noikoḷatbí nokouḻí kon kapaḷ inta mopobayá in Spanyol. Naonda in noguboḻi mako kon tondan in takoiannea, sinumakoidon in sia kon kapaḷ, bo dongka iḷumeag noyotakin in intau mita in kapaḷ nopobayá in Spanyol, sin yumayú kon i Tuhan.