YEREMIA 10:6 - Alkitab Singog In Mongondow Masa In Tanaa

⁶ Ki Tuhan inta momulia, Iko in diábí in popotongkaian, tangoi-Mu in moḷantud bo nopuḻing in kawasa.

YEREMIA 10:6 ပူးပေါင်းရင်းမြစ်များ

SAMUEL 2 7:22

Iko in totu-totuubí kon mokawasa, o Tuhan Allah! Tongábí Iko in Allah, diábí in notongkai-Mu. Kinotaauanbí nami intua sin ain pinotaau nongkon tungkuḷpabí intua.

TAWARIKH 1 16:25

Sin moḷobenbí in ki Tuhan bo dinayow totok; Sia in mustibí koondok moiḻiu kon bayongan in dewa.

NEHEMIA 4:14

Naonda in inontongku kon rayat in moondok, noguman in akuoi kon i monia, bo kon mototundú mita bo itoi mita, “Dika moondok kon musung! Toropdon in ki Tuhan inta moropot bo inta motoyang, bo poḷongasidon moyotakin sin kopontingan i utatmu mita, bo kon adí mita bo kon i buḷoi bo baḷoimu!”

NEHEMIA 9:32

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!

MAZMUR 145:3

Sin ki Tuhan in moḷantud bo totok in dinayow, koḷoḷoben-Nea in diábí kodoḷopan.

MAZMUR 147:5

Totuubí kon moḷoben bo motoyang in ki Tuhan naton, kobobijaksana-Nea in diábí in imbuitnea.

MAZMUR 35:10

Takin ḻimbatú in gina akuoi in moguman, “Tuhan, diábí in motaau popotongkaian kon ini-Mu! Iko in nopoḷuat kon inta moyangkó nongkon i inta moropot, inta nobogá bo nororiga nongkon i inta nondorot kon inia.”

MAZMUR 48:1

Mazmur in inanakan i Korah.

MAZMUR 96:4

Sin Moḷobenbí in ki Tuhan, bo totokbí in dinayow, mustibí koondok moiḻiu kon bayongan in dewa.

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

IḶUAIAN 8:10

Tubag i datu tatua, “Sambayangaidon akuoi in ikoḷom.” Guman i Musa, “Aidankubí onu in poigumon i Tuangku. Dá kotaauandon i Tuangku kon diábí in ki Allah ibanea ná ki Tuhan, ki Allah nami.

IḶUAIAN 9:14

Sin tanaa Akuoi in mopoangoidon bui in bodito inta deemandon tongá kon pogawai mita bo rayat, táe kon inimu domandon, sinbá kotaauanmu kon diábí in mokoḻiu monik kon i-Nakó in kon dunia naa.

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

YESAYA 40:18

Dá ki ine in popotongkaianmu kon i Allah? Ki ine in inanggapmu notombatangan-Nea?

YESAYA 40:25

Ki ine in inanggapmu notombatangan i Allah Inta Totok in mokudus? Ki ine i popotongkaianmu kon i-Nia?

YESAYA 46:5

Ki ine in popotongkaianmu kon i-Nakó? Oyúon degá in motaau potongkaion kon i-Nakó?

YESAYA 46:9

Toropdon in inta nongobaḻí dungkuḷmai; Akudon kon Akuoi in Allah, bo diábí in ibanea mako, Akuoi in Allah, bo diábí in ná Akuoi.

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

YEREMIA 32:18

Iko in nopoontong in tabi-Mu inta mononoi kon ribuan in intau, táe Iko in mohukum doman kon intau popisí in dosa in guranganea. Iko in Allah inta momulia bo motorindog; tangoi-Mu in Tuhan Inta Totok in mokawasa.

DANIEL 4:3

Totuu moḷoben in mujizat inta pinomia-Nea! Totuu motoyang in inta mokoherang inta inaidan-Nea! Ki Allah in mobaḻíbí datu modapot in mononoi. Sia in mongawasa modapot in kopaḷutannea.”

DANIEL 4:34

Naonda in pitu notaong inta sinantú tatua noitaḻibdon, iḷumangag in akuoi kon ḷangit, bo nosadardon bui in ginaku. Dá dinayowku in ki Allah Inta Totok in moḷantud. Inuntu bo pinomuliaku in Sia inta nobiag mononoi tua. “Ki Allah in mobaḻí datu modapot in mononoi. Sia in nongawasa modapot in kopaḷutannea.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

KORINTUS 1 8:6

Táe kita in nopirisayabí kon tongábí tobatú in ki Allah. Inta nomaḻí kon bayongan bonu in dunia naa. Bo tongábí mobiag kon kopontingan-Nea in kita. Ki Tuhan in tongábí doman tobatú, tuata in ki Yesus Kristus. Pinongin i-Nia tua bayongan in yagi-yagi binaḻí, bo lantaran doman Sia dá nobiag in kita.

ULANGAN 32:31

Musung in Israel nonotaau kon pogogadopan monia diábí ná ki Allah inta mogogoḻiung in Israel.

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.