YEREMIA 10:4 - Alkitab Singog In Mongondow Masa In Tanaa

⁴ Onda intua patong berhala tatua ḷambáan in buḷawan bo saḷaka, bodongka inirigonan in pakú sinbá diá moḷabú.

YEREMIA 10:4 ပူးပေါင်းရင်းမြစ်များ

MAZMUR 115:4

Berhala monia in pinomia nongkon buḷawan bo saḷaka, ḻima in intau in nomia.

MAZMUR 135:15

Berhala monia in nongkon buḷawan bo saḷaka, mia in intau.

YESAYA 44:12

Mononontaḷ in mogamá kon logam topongkó bo tubáannea dongka tontaḷon in bobibil. Tua in inaidannea takin bayongan in ropot kon inia. Koyogot in mogaid, gogoyon in sia, morogang bo moḷopí.

YESAYA 46:6

Intau mobuká kon dompet bo mogundak kon buḷawannea bo monimbang kon saḷakanea momaké in simbangan. Monondan in sia kon mononontaḷ kon buḷawan sin momia kon patong berhala, bo mosumba in sia kon patong inta pinomianea tontaní.

YESAYA 46:7

Patong tatua in pinakú bo inukat kon tampatnea, patong tatua in simindog mako kon tua bo diá mokopomamping. Aka intau mosambayang kon inia, diábí tubagannea, bo diábí mokoposaḷamat kon inia nongkon roriganea.

HOSEA 13:2

Dapot in tanaa intau mita in Epraim tatua in tantúpa doman mogaid kon dosa; mosia in mogaid kon patong mita saḷaka sin sumbáan – patong inta sinomayá in raian in intau bo inta pinomia in ḻima in intau. Mosia in noguman, “Posumbadon in kuruban kon patong mita tanaa!” Mokoherang, intau in mongayok kon patong in ki adí in sapi!