YEREMIA 10:18 - Alkitab Singog In Mongondow Masa In Tanaa

¹⁸ Kon tanaa ki Tuhan in mopogambatdon in bayongan bangusa in Yohuda kon poḷumbúan; moiko komintan in daiton-Neabí rimumudon. Tuata in koyow nongkon i Tuhan.

YEREMIA 10:18 ပူးပေါင်းရင်းမြစ်များ

YESAYA 22:17

Oḷatka, ḷumbúon-Ku in iko koyayúon. Iko in tagangan-Ku bo ḻitodon-Ku bo ḻitoion-Ku ná bal pobayá ná ḻipú inta moḷoben. Kon tua iko in matoi kon diug in kereta mita inta pongatamumai. Iko in noporomúmaidon kon tangoi in motoḷuadí i tuangmu.

YEREMIA 16:13

Tuamai, moiko in poguntunon-Ku nongkon butá tanaa bo ḷumbúon-Ku kon butá inta totokbí in diá kinotaauanmu bo in mogoguyangmu. Kon tua moiko in moibada singgai doḷom kon ilah mita ibanea, bo Akuoi in diá bidon motabi kon inimu.’ ”

YEREMIA 22:26

Iko bo ki inámu in poguntunon-Kubí bo ḷumbúon kon butá inta deeman butámu tontaní, bo kon tua in kopatoian monimu.

YEREMIA 23:20

Torú-Nea in diábí mooyong aka diápa mobaḻí in inta sinomayá-Nea motuoi. Kon singgai moiduduimai umat i Tuhan in momangaḻebí totok kon tua.”

YEHEZKIEL 6:10

Dá kotaauandon monia kon Akuoibí in ki Tuhan bo bayongan in tompoingat inta inogoi-Ku in deemanbí gogondok inta diá in mangaḻenea.”

ZEPANYA 1:17

Ki Tuhan in noguman, “Akuoi in mopoangoibí in bodito mobayong kon umat intau, dá mosia in mongokapdon naonda bo intau bilog. Mosia in binaradosadon kon i-Nakó, bo tanaa in dugú monia in moibutakdon naonda bo tubig, bo mayat mita monia in mobongkogdon kon tudu in butá.”

ZAKHARIA 1:6

Pinongin in nabi mogogundoi-Ku mita tatua, pinotaau-Ku in parenta mita bo tompoingat-Ku mita kon mogoguyangmu. Táe diá pinandungmai monia dá mosia in musti mobaba kon bungainea. Bo nomanasaḷ in mosia bo ináku monia kon Akuoi, ki Tuhan Inta Totok in mokawasa, nohukumdon kon i monia pinodoyon kon taḷá monia, bo noitombutung kon onu inta ain sinantú-Ku.”

ULANGAN 28:52

Mosia in monububí kon bayongan kotá kon butá inta inogoi i Tuhan Allahmu kon inimu dá dindingnea mita inta moḷantud bo kinoropot inta binaḻí monimu ḷamboi tua in mouuibi.

SAMUEL 1 25:29

Aka oyúon in intau monubu kon i Tuangku bo monungkuḷ moḻimod kon i Tuangku, dá ki Tuangku in notantú bidon kon ḷukadan i Tuhan Allah naonda bo kapunyaan inta iḷukadan i toginea. Táe musung i Tuangku in pogambatdon i Tuhan koyayúon, pogambat-Nea naonda bo koyayú in kogambatan in katipol.