YEREMIA 1:8 - Alkitab Singog In Mongondow Masa In Tanaa

⁸ Dika moondok kon i monia, sin Akuoi in moyotakinmu bo moḷukad kon inimu. Akuoi ki Tuhan ain nosingog!”

YEREMIA 1:8 ပူးပေါင်းရင်းမြစ်များ

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 51:7

Indongogaidon in Akuoi ei bangusa-Ku, kinotaauanbí monimu onu in totuu; totundú-Ku in noitagú kon bonu in ginamu. Dika moondok aka moiko singkuḻeon in intau, dika moḻia-ḻiaw in gina aka moiko singkuḻeon monia.

YEREMIA 1:17

Posadiadon, Yeremia! Bayádon bo potaaudon kon i monia, bayongan inta pinoki aid-Ku kon inimu. Dika moondok kon i monia, sinbá diá baḻíon-Ku in iko totok in moondok aka moyogintayowan mako monia.

YEREMIA 20:11

Táe Iko, o Tuhan, in kon dotáku; Iko in totok in moropot bo motorindog. Mosia inta mogaḷow bo mondorot kon inakó in moḷabúbí bo kodaitan in daya. Mosia in mooyábí modapot in mononoi, diádon in notuoi in bayongan tomayá monia. Koempengan monia tua in umuranbí toropon.

YEREMIA 30:11

Akuoi in mamangoibí bo moiko in posaḷamaton-Kubí. Bangusa mita, inta pinoporaritan-Ku kon i monimu komintanbí yopúon-Ku, táe moiko in diábí pomiaan-Ku natua. Memang moiko in diábí moiḷagui kon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan ain nosingog.”

YEREMIA 39:11

Ki Datu Nebukadnezar ain nopotabá kon i Nebuzaradan, itoi in tontaranea, nopoḷuai in parenta ná noiduduimai naa:

YEREMIA 42:11

Dikadon moondok kon i datu in Babel tatua. Akuoi in naa kon yua-yuakmu sin motuḷung bo moḷuat kon i monimu nongkon kawasanea.

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

DANIEL 3:25

Tubag i datu, “Táe nongonu sin taya opatbí in inontongku in intau nodondaḷoi kon yua-yuak in tuḷú tatua? Mosia in diábí noitogot bo beresibí diá nongonumai. Bo taya opat tatua pogot monia in naonda bo dewa.”

MATIUS 10:26

“Manangka intua donaaidon moiko moondok kon i monia. Sin diábí in tobatúmai inta noiḻingkop, in diá bukatan, bo diábí doman in tobatúmai inta noibuni in diá popotaau.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

OUMAN IN RASUL MITA 18:10

Sin Akuoi in umuranbí kotaki-takinmu. Bo diábí tobatúmai in motaau momogutú kon inimu, sin noantó bidon in intau kon naa in mopirisaya kon i-Nakó.”

OUMAN IN RASUL MITA 26:17

Tondíon-Ku in iko kon sigad in intau mita in Israel bo intau mita inta deeman Yahudi. Potabá-Ku in iko mayá kon i monia

OUMAN IN RASUL MITA 4:13

Intau mita kon tua inta nosidang kon i Petrus bo kon i Yohanes noherang totok in nokoontong kon kobobarani nayadua, bokaka kinotaauanbí monia kon taya dua tua in intaubí inta diá nosikoḷa. Bain tua bo kinotoropan monia kon taya dua tua in dumoduduibí i Yesus.

OUMAN IN RASUL MITA 4:29

Bo tanaa mako Tuhan, indoiaika in mosia mongancambí kon inami. Poigumon nami kon ini-Mu Tuhan, ogoiaipa in kabaranian in bobantung-Mu mita tanaa in mopoyaput in Pirman-Mu mita.

EPESUS 6:20

Lantaran Habar Mopia tuata, akuoi in nobaḻí totabá bo tanaa in binonu kon ponjara. Sambayangaibí sinbá mobarani in akuoi in mosingog kon soaḷ Habar Mopia tatua, ná inta patus singogonku.

ULANGAN 31:6

Moiko in musti morigon in gina bo mobarani! Dika moondok kon i monia, sin ki Tuhan Allahmu tontaní inta motuḷung kon i monimu. Diábí pokuyangon-Nea in gina ande monaḷámai kon i monimu.”

ULANGAN 31:8

Ki Tuhan tontaní in mokapit bo motuḷung kon inimu. Diábí pokuyangon-Nea in ginamu bo diábí doman taḷaan-Nea in iko, tuamai dikadon moondok ande mogagawang.”

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”