YEREMIA 1:7 - Alkitab Singog In Mongondow Masa In Tanaa

⁷ Táe ki Tuhan in notubag, “Dika moguman kon noguodpa in iko. Aka Akuoi in mopotabá kon inimu mayá kon i ineka, yo iko in mustibí mayá, bo bayongan inta pokiguman-Ku kon inimu, mustibí potaaumu kon i monia.

YEREMIA 1:7 ပူးပေါင်းရင်းမြစ်များ

DATU MITA IMITÁNEA 22:14

Táe ki Mikha in notubag, “Pinodoyon kon i Tuhan inta nobiag, akuoi in tongábí mopotaau kon onu inta pinotaau i Tuhan kon inakó!”

DATU MITA IMITÁNEA 3:7

Oo Tuhan, Allahku, Iko noduí kon inakó nobaḻí datu nonoḻiu kon i amáku, umpaka akuoi noguodpa totok bo diá nonotaau mongo naonda in pomomarenta.

TAWARIKH 2 18:13

Táe ki Mikha in notubag, “Podoyon kon i Tuhan inta nobiag, akuoi in tongábí moguman kon onu inta pinoguman i Allah kon inakó!”

IḶUAIAN 6:29

Táe ki Musa in notubag, “Tuhan, kinotaauan-Mudon kon akuoi naa in diá motoḻindat mosingog. Dá umpaka yo ki datu moibog mokidongog kon inakó?”

YEREMIA 26:2

Ki Tuhan in noguman kon inakó, “Bayádon sindog kon palas in Baḷoi-Ku bo posingogdon kon intau mita in Yohuda inta namangoi moibada kon tua. Potaaudon kon i monia komintan in bayongan inta pinoki potaau-Ku kon inimu. Dika gaatan tongopiḻikmai.

YEREMIA 43:1

Koyow in Tuhan Allah in Israel, inta musti potaauku kon rayat in nodaitkudon pinotaau.

YEREMIA 7:27

Onda intua ki Tuhan in noguman, “Tuamai, ei Yeremia, umpakabí iko mopotaau kon tua mita kon umat-Ku, yo mosia in diábí mokidongogmai kon singogmu mita. Umpaka iko mogoiní kon i monia, mosia in doíbí tumubag.

YEHEZKIEL 2:7

Potaaubí in bayongan in koyow-Ku kon i monia, pinomayá moibog in mosia mokidongog andeka doí. Toropdon kon mosia tua in momomarontak mita.

YEHEZKIEL 3:27

Bain, aka Akuoi mosingog bui kon inimu bo mopobui in ropotmu mosingog bui, yo iko in mustibí mopotaau kon onu inta poguman-Ku, Tuhan Inta Totok in moḷantud kon i monia. Tongosilai kon i monia in mokodongogbí, táe tongosilai doman in diábí mokidongog, sin mosia in totuubí kon bangusa momomarontak.”

AMOS 7:15

Táe ki Tuhan in nogamá kon inakó nongkon pogogaidanku, bo nopotabá kon inakó nopotaau in koyow-Nea kon intau in Israel.

YUNUS 3:2

Kai-Nia, “Bayádon kon Niniwe, kotá moḷoben tatua, bo potaaudon kon intaunea mita in koyow inta poguman-Ku kon inimu.”

PINOGIAPAN 22:20

Doḷom tua ki Allah namangoi kon i Bileam bo noguman, “Intau mita tatua namangoi sin mopoigum sinbá iko in mayá moyotakin monia. Dá posadiadon sin mayá. Táe tongádon aidai inta pinoki aid kon inimu.”

PINOGIAPAN 22:38

Ki Bileam notubag, “Yo, naa akuoi ain namangoi. Táe diábí in hakku moguman kon onuka koḻikudbí in onu in pokiguman i Allah kon inakó.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

OUMAN IN RASUL MITA 20:27

Sin diábí kon dodai in onda in akuoi moḷagui mopohabar in bayongan tomayá i Allah kon i monimu komintan, sin tuabí in oaidanku.