YEREMIA 1:5 - Alkitab Singog In Mongondow Masa In Tanaa

⁵ “Kon dodai in Akuoi diápa nomia kon inimu kon bonu in sian i inámu, bo kon dodai in iko diápa pinononggadí, Akuoi ain nomiḻí kon inimu bo noduí kon inimu mobaḻí nabi kon bangusa mita.”

YEREMIA 1:5 ပူးပေါင်းရင်းမြစ်များ

MAZMUR 139:15

Kon tungkuḷ in tuḷanku mita pinomia, takin pandoi pinipid kon bonu in bobuḷadían i ináku, kon dodai in akuoi nobiag noiadop kon tua, akuoi in diábí noiadop kon ini-Mu.

MAZMUR 139:16

Iko in nokoontongbí kon inakó kon tungkuḷ in akuoi kon bonupa in bobuḷadían; komintanbí pinais kon bonu in buk-Mu; singgainea mita in sinantú bidon kon tungkuḷ in diápa tobatúmai in pinangkoi.

IḶUAIAN 33:12

Kon singgai tobatú ki Musa noguman kon i Tuhan, “Tuhan, Iko nopotabádon kon inakó modia kon bangusa tanaa mayá in butá inta pinodandi-Mu. Táe diábí pinoguman-Mu mongo ki ine in potabá-Mu motuḷung kon inakó. Tuhan, Iko noguman kon kinotaauan-Mu bo kinoibog-Mu in akuoi.

IḶUAIAN 33:17

Guman i Tuhan kon i Musa, “Onu in pinoigummu tatua duduian-Ku, sin kinotaauan-Ku in Iko bo kinoibog-Ku doman in iko.”

YESAYA 44:2

Akuoibí in ki Tuhan inta nomaḻí kon inimu, inta nomia kon inimu nongkon bonupa in sian, bo inta notuḷung kon inimu. Dika moondok, iko in mogogundoi-Ku, umat inta piniḻí-Ku inta kinotabi-ku.

YESAYA 49:1

Indongogaidon in Akuoi, ei butá mita inta moyayú tondudut kopira in tosingogonku mita. Ki Tuhan in nogoiní kon inakó kon dodai in Akuoi diápa pinononggadí, Sia in nomiḻídon kon inakó pinangkoipamai kon akuoi in bonupa in sian.

YESAYA 49:5

Kon tungkuḷ in diápa pinononggadí, akuoi inoiní i Tuhan nobaḻí mogogundoi-Nea sin mosipun kon umat in Israel, sinbá mosia in mobui mamangoi kon i-Nia. Ki Tuhan in nopobaḻí kon inakó ihoromat, ki Allah in nobaḻí ropotku.

YEREMIA 1:10

Singgai in naa Akuoi in mobogoi kon inimu in kawasa kon bangusa mita bo dodatuan mita – kawasa mogumpag bo morumbun, bo mopoḷabú bo moyopú, sin moposindog bui bo momuḷa.”

YEREMIA 1:4

Ki Tuhan in noguman kon inakó,

YEREMIA 20:15

Kinutukdon doman in intau inta nodia kon habar inta nokoḷunganga totok kon i amáku, kon dodai in pinotaau kon inia, “Iko in nokouḻí kon adí ḷoḷaki!”

YEREMIA 25:13

Babel in hukumon-Ku in bayongan in bodito inta ain sinomayá-Ku kon bangusa mita bo inta ain pinotaau-Ku pinongin i Yeremia – tuata in bayongan in bodito inta pinais kon bonu in buk tanaa.

YEREMIA 36:2

“Gamádon in ḻitodan in buk tobatú, bo paisdon kon tua in bayongan inta ain pinoguman kon inimu soaḷ Israel bo Yohuda, soaḷ bayongan in bangusa. Paisdon in bayongan tosingogon-Ku pinangkoi kon dungkuḷ totok Akuoi nosingog kon inimu kon tungkuḷ in pinomarentaan i Datu Yosia nodapot in singgai naa.

YEREMIA 50:34

Táe Akuoi in mopoposaḷamat monia inta moropot, inta moduḷu kon pelekara monia bo modia kon dodamean kon dunia. Táe kon intau in Babel popoangoi-Kubí in ropatoi bo ondok.”

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

LUKAS 1:41

naonda in dinongog i Elisabet in salam i Maria tatua, adí inta kon bonupa in siannea tua iḻimiai noropot bo dodai doman intua ki Elisabet kinawasa in Roho i Allah,

LUKAS 1:76

Bo iko, adí-Ku in tangoion nabi i Allah Inta Totok in moḷantud. Iko in pinotabá umuna kon i Tuhan sin moposadia in daḷan bayáan-Nea.

YOHANES 10:36

Yo nongonu sin singogonbí monimu kon Akuoi in mohojat kon i Allah popisí in Akuoi noguman kon Akuoi in ki Adí i Allah? Bokaka Akuoi in piniḻíbí i Amá bo pinotabá namangoi in dunia.

SURAT I PAULUS KON JAMAAT RUM 1:1

Utatku mita kon Rum inta kinotabi i Allah bo inta ain piniḻí-Nea sin baḻíondon umat-Nea. Akuoi in piniḻídon i Allah bo ain binaḻí-Nea intau inta mopotaau in Habar Mopia nongkon i-Nia.

SURAT I PAULUS KON JAMAAT RUM 8:29

Mosia inta ain piniḻí i Allah, aindon sinantú-Nea nongkon pinomangkoianmai sinbá mobaḻí motombatangan i Adí-Nea ki Yesus Kristus. Sahingga in Adí tatua mobaḻí Adí guya-guyang kon sigad in bayongan utat.

KORINTUS 1 8:3

Táe intau inta totu-totuudon motabi kon i Allah, sia tua in kotaauanbí totok i Allah.

EPESUS 1:22

Pinotungkud i Allah in bayongan yagi-yagi kon ḻimonag in kawasa i Kristus, bo ki Kristus inogoi kon jamaat saḷaku tongguḷu in bayongan yagi-yagi.