YEREMIA 1:12 - Alkitab Singog In Mongondow Masa In Tanaa

¹² “Totuu,” guman i Tuhan, “Akuoi in moḷukad sinbá bayongan inta singogon-Ku in moniata.”

YEREMIA 1:12 ပူးပေါင်းရင်းမြစ်များ

YESAYA 55:11

natua doman in tosingogon inta siningog-Ku diábí mobui kon i-Nakó takin diá in mangaḻenea, táe mokoaid kon onu inta kinoibog-Ku, bo mokodapot kon bayongan inta imakusud-Ku.

YEREMIA 1:13

Bo ki Tuhan in bui noḻibó kon inakó, “Onupa doman in inontongmu?” Akuoi in notubag, “Kon dotá in utuan inontongku oyúon in kuyon inta bonunea in yogot mogoḷa-goḷak bo gogiódon moibutak mangoi.”

YEREMIA 24:3

Bo ki Tuhan in noguman kon inakó, “Yeremia, onu in inontongmu?” Akuoi in notubag, “Bungai in ara, Tuhan. Inta mongopia in totok in mopia, bo inta nongoburuk in totokdon in diá mopia dá diádon motaau kaanon.”

YEREMIA 31:28

Ná koḻipod Akuoi noḷukad kon i monia sinbá kon singgai moiduduimai Akuoi in morabut, morumbun bo morimumud kon i monia, natua doman Akuoi in moḷukad kon i monia sinbá Akuoi in moginrigon bo moposindog kon i monia bui.

YEHEZKIEL 12:25

Akuoi, ki Tuhan Inta Totok in moḷantud in mosingog kon bangusa in Israel, bo bayongan inta siningog-Ku in notantú bidon kon mobaḻí, bo diá bidon baḷú-baḷuian bui. Indongogaidon, ei intau mita momomarontak! Tungkuḷ in nobiagpa in iko yo aidan-Kudon in bayongan inta pinotoingat-Ku kon inimu. Akuoi, ki Tuhan Inta Totok in moḷantud ain nosingog.”

YEHEZKIEL 12:28

Tuamai, potaaudon kon i monia kon Akuoi, ki Tuhan Inta Totok in moḷantud, in noguman: Bayongan inta siningog-Ku in notantú bidon kon mobaḻí, bo diá bidon baḷú-baḷuian in wakutunea. Akuoi, ki Tuhan Inta Totok in moḷantud ain nosingog!”

AMOS 8:2

Ki Tuhan in noḻibó, “Onu in inontongmu, Amos?” Akuoi in notubag, “Karansi uatoi tobatú inta kon bonu-bonu in bungai in ayop inta ain nongogurang.” Ki Tuhan in noguman, “Wakutunea in nogurangdon kon umat-Ku Israel. Akuoi in diá bidon momaḷui bui kon tomayá-Ku bo notantúbí kon mohukum kon i monia.

LUKAS 10:28

Dá kai Yesus doman, “Totuu in tubagmu nion! Aidaidon intua komintan, dá iko in mokouḻíbí kon kobiagan mononoi.”

LUKAS 20:39

Nokodongogmai kon tua, tongonumai in mototundú mita kon agama in noguman nanaa, “Tubag i Pak Guru tua in mopia totok.”

ULANGAN 18:17

Tuamai in ki Tuhan noguman kon inakó, ‘Onu in inigum monia tua in mobijaksanabí.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

ULANGAN 5:28

Nokodongogmai kon natua, ki Tuhan noguman kon inakó, ‘Dinongog-Kudon onu in siningog in bangusa tatua, bo totuubí in tosingogon monia.