YEHEZKIEL 9:4 - Alkitab Singog In Mongondow Masa In Tanaa

⁴ “Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

YEHEZKIEL 9:4 ပူးပေါင်းရင်းမြစ်များ

KINOBAḺIAN 4:15

Táe ki Tuhan in noguman, “Diábí. Aka iko Ḻimodon, dá tontuḻínea kon tua, pitu intau takin inta noḻimod kon inimu in ḻimodon doman.” Onda intua ki Tuhan nobogoi in tomponuot kon i Kain sinbá ki inekabí in moyodungkuḷnea yo diá moḻimod kon inia.

DATU MITA 2 22:13

“Bayádon poḻibó kon i Tuhan sin kopontinganku bo kopontingan in bayongan in rayat in Yohuda soaḷ tombonu in buk tanaa. Ki Tuhan in sinumorú kon i naton sin mogoguyang naton in diá nopobayá in parenta mita inta pinais kon bonunea.”

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

MAZMUR 119:53

Akuoi in sinumorúdon totok kon intau moraat, sin mosia in nonaḷámai kon hukum-Mu.

IḶUAIAN 12:13

Dugú inta kon ḷoḻingkop in baḷoimu, tua in mobaḻí tomponuot kon baḷoi mita inta pinogutunanmu. Aka Akuoi mokoontong kon dugú tatua, moiko in taḻiban-Ku bo diábí yopúon-Ku kon dodai in Akuoi mohukum kon Mesir.

IḶUAIAN 12:23

Kon dodai in ki Tuhan modondaḷoi kon butá tanaa sin moḻimod kon intau mita in Mesir, ki Tuhan in mokoontong kon dugú inta kon oigi ḷoḻingkop doyowa bo kon ngara kon dotá in ḻimonik; dá tongá taḻiban-Nea mako natua bo diá ogoi-Nea in Malaekat Maut tumuot kon baḷoimu sin moḻimod kon i monimu.

IḶUAIAN 12:7

Dugúnea topiḻik in musti poḻepo kon oigi in ḷoḻingkop doyowa bo kon ngara kon dotá in ḻimonik kon baḷoi tampat pinongaanan monia.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEHEZKIEL 21:6

Ei intau ilo-ilow, karakdon bo pogamuidon kon tayowon in intau mita in Israel, naonda bo iko in kinodaitandon in gina bo kinobuḻian in kamang.

YEHEZKIEL 6:11

Ki Tuhan Inta Totok in moḷantud in noguman, “Konakitdon in gina! Pogamuidon! Pongombaḷdon totok popisí in bayongan in aid moraat bo mokorongó inta ain inaidan in bangusa in Israel. Mosia in matoibí popisí in parang, malarat in gogoy bo yampoi in takit.

YEHEZKIEL 9:5

Dinongogku in ki Allah in noguman kon intau mita ibanea, “Duduiaidon in sia kon bayongan siku in kotá bo ḻimodon bayongan in intau takin dika ampungan.

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

AMOS 6:6

Moiko in monginum kon anggur nongkon galas inta binonuan kinopuḻing, bo moiko in mopoinggúdon in ḷana mobondu inta totok in mopia, táe diá monakit in gina monimu kon kinorimumudan in Israel.

ZEPANYA 1:12

Kon oras tatua Akuoi in mogamá kon poḷombow, bo moḻikai kon kotá in Yerusalem. Hukumon-Kubí in intaunea mita inta diá mopandungmai tatua takin inta noorop in onu inta kon inia tontaní, bo inta norai kon Akuoi, ki Tuhan in diábí kon dodai in onda in mogaid kon nanaa andeka natua.

ZEPANYA 3:18

Popisí in moiko, dá nodondong in Sia takin pia in gina naonda bo intau inta koyogot in nononbobutungan.” Guman i Tuhan, “Bodito inta nongancam kon i monimu inggamáan-Ku bidon. Koyoyempengmu in popatan-Kudon.

MALEAKHI 3:16

Bo intau mita inta moondok kon i Tuhan in mosigumanan, Ki Tuhan in nokodongog bo nonaridi kon onu inta siningog monia. Intau mita inta nohoromat kon i-Nia bo inta notoguondok kon i-Nia, pinais in tangoinea kon bonu in buk pomomaisan inta kon tayowon-Nea.

KORINTUS 2 1:22

Tuamai totu-totuu bidon binaḻí-Nea umat-Nea in kita poḷat inogoian-Nea in Roho, pinogonú kon gina naton saḷaku jaminan kon totu-totuubí ogoi-Nea onu inta ain pinodandi-Nea.

KORINTUS 2 12:21

Moḻia-ḻiaw doman in ginaku sin dikabo naonda in akuoi mamangoi bui, popoompáan i Allah in akuoi kon tayowon monimu, bo mongombaḷ in akuoi sin nobayongdon in kon sigad monimu in nogaid kon dosa wakutu intua bo diápa doman nobaḷui, bo tantúpa doman nogaid kon oaid mita inta moraat totok bo inta diá patus aidan i intau inta mopirisaya.

GALATIA 6:17

Moiduduimai kon tua, poigumanku doman, sinbá diá tobatúmai intau in moposusamai kon inakó bui. Sin kon awakku naa in oyúonbí in tanda kon akuoi naa in dumoduduibí i Yesus.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

WAHYU 14:1

Noidudui kon tua inontongku in ki Adí in Domba sinimindog kon tudu in Buḷud Sion. Kotaki-takinnea oyúon in 144.000 intau inta kon pogot monia ain pinaisan in tangoi-Nea bo tangoi i Amá-Nea.

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.

WAHYU 9:4

Mosia tua in diábí inogoi momoguyaat kon bonok, ande kayu mita, ande pinomuḷa ibanea mako. Táe ogoibí in mosia mogaḷow kon intau mita inta diá kinompitan in meterai i Allah kon pogotnea.