YEHEZKIEL 9:2 - Alkitab Singog In Mongondow Masa In Tanaa

² Noyododai noitukat magí in intau taya onom nongkon dotá in ḷuai in bonawang Utuan Baḷoi i Tuhan, kon batúannea nodia kon pakakat in parang. Noyotakin monia oyúon in intau in nogiḷambung in pakeang linen inta nodia kon pakakat pomomais. Mosia in sinumuot bo sinimindog kon diug in mezbah porunggu.

YEHEZKIEL 9:2 ပူးပေါင်းရင်းမြစ်များ

DATU MITA 2 15:35

Táe nokomanasaḷan tampat mita pososumbaan kon dewa in diábí irumbunnea dá rayat in umuranbí doman moposumba in kuruban bo notubá kon dupa kon tua. Ki Yotam naa inta noposindog in Bonawang kon dotá in Utuan kon Baḷoi Tuhan.

TAWARIKH 2 27:3

Ki Yotambí inta noposindog in Bonawang Utuan kon Baḷoi Tuhan, bo noginrigon kon dinding in Yerusalem kon butá inta sinangoian Opel.

TAWARIKH 2 4:1

Ki Datu Salomo nokiaid in mezbah tobatú nongkon bitú inta kobanat bo kooḷadnea in tumososiow nometer, bo koḷantudnea in 450 nosenti.

IḶUAIAN 40:29

bo kon tayowon ngara tatua inukatneadon in mezbah sin potuduan kon kuruban tubáan. Kon tudu in mezbah tatua pinosumbaneadon in kuruban sinubá bo kuruban sosumba.

YEREMIA 1:15

Akuoi in mopotabá kon bayongan in bangusa kon dotá in utuan mamangoi mongawasa kon Yerusalem. Dinding mita in kotá tanaa takin ḷoḻingkop in bonawangnea bo bayongan in kotá kon Yohuda in agowonbí monia.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 26:10

Naonda in pojabat mita in pomarenta in Yohuda nokodongog kon onu inta ain nobaḻí, mosia in iḻimikatdon in iḻumuai nongkon komaḻig in datu bo minayá in Baḷoi Tuhan, bo iḻimitú kon Bonawang Mobagu.

YEREMIA 4:6

Tundúdon in daḷan mayá in Sion, Buḷud i Tuhan, ḷagidon poḷagui dika tongá kibio-biómai. Ki Tuhan in koyogotdon in mopoangoi in bodito bo korimumudan moḷoben nongkon utuan.

YEHEZKIEL 10:2

Onda intua ki Allah in noguman kon intau inta nogiḷambung in linen tatua, “Tuotdon kon sigad in roda mita inta kon ḻimonag in kerub mita tatua, bo gamádon in toyangkom baga in tuḷú. Bo potabudon in baga tatua kon ḻimonik in kotá.” Sia in dinumudui, bo sinaridianku.

YEHEZKIEL 8:3

Sia in nopotonggó in naonda bo ḻima, bo norambun kon buokku. Onda intua kon bonu in oontongon tatua, akuoi sinintak in Roho i Allah kinoḷantud namonik in ḷangit bo dinia kon Baḷoi Tuhan kon Yerusalem, kon ngara tumuot kon dangkuḷon inta kon bonunea kon dotá in utuan. Kon tua oyúon in patong berhala inta ain nokopomuká kon torú i Allah.

YEHEZKIEL 9:11

Onda intua intau inta nogiḷambung in ḷambung linen tatua nobui bo nopotaau kon i Tuhan, kainia, “Bayongan in parenta i Tuhan ain inaidan.”

YEHEZKIEL 9:3

Bo sindar mokotuḷow inta nobaḻí tomponuot koangoian i Allah in Israel, nonindar nongkon kerub mita, bodongka nomamping nongkon tampatnea inta muna bo minayá in ngara tumuot in Baḷoi Tuhan. Dá ki Tuhan in nogoiní kon intau inta nogiḷambung in ḷambung linen tatua, kai-Nia,

DANIEL 10:5

Akuoi in iḷumangag, bo inontongku in intau tobatú inta nogiḷambung nongkon linen bo baan nongkon buḷawan taakan.

DANIEL 12:6

Tobatú in noḻibó kon inta sinimindog modiu-diug kon uḷuan in ongkag, “Toonu degá in kopaḷutan in inta mokoherang mita tanaa.?”

IMAMAT 16:4

Moiduduimai kon tua ki Harun musti monarukira kon atorang mita tanaa. Kon tungkuḷ in sia diápa tumuot kon Yuang inta Totok in Motusi sia musti moinggúpa muna bodongka momaké in pakeang imang, inta ḷambung, soḷana mopoḷok, baan bo bogot in uḷu, inta komintan nongkon kaeng linen.

AMOS 9:1

Akuoi in nokoontong kon ki Tuhan in sinimindog kon diug in mezbah. Sia in nomarenta nanaa, “Bongkugdon koropot totok in ubung mita in oigi in Baḷoi-Ku sinbá bayongan in dangkuḷonnea modandú. Popoumpagdon in oigi mita tatua kon intau mita. Mosia inta diá matoi in ḻimodon-Ku kon poparangan. Diábí tobatúmai in intau in mokoḷagui, diábí tobatúmai in moipaḷuput.

WAHYU 15:6

Bo malaekat taya pitu takin roriga pitu tatua iḷumuai nongkon Baḷoi i Allah. Mosia in nogiḷambung in ḷambung nobudó inta moaḷus totok bo mopouḻi-uḻinag. Bo dodob monia pinakéan in sabuk inta pinomia nongkon buḷawan.