YEHEZKIEL 8:6 - Alkitab Singog In Mongondow Masa In Tanaa

⁶ Ki Allah in noguman kon inakó, “Ei intau inta ilo-ilow, inontongmu onu in yogot nobaḻí? Taridiai in aid mita inta mokorongó inta inaidan in intau in Israel, inta nokopopisí kon Akuoi noiyayú kon Baḷoi-Ku! Igai, bain poontong-Ku kon inimu in inta moiḻiu in mokorongó.”

YEHEZKIEL 8:6 ပူးပေါင်းရင်းမြစ်များ

TAWARIKH 2 29:5

bo noyosingog in sia takin i monia kon tua. Sia in noguman, “Moiko intau mita in Lewi, musti mopotondí in awak monimu kon i Tuhan, bo mopotusi in Baḷoi Tuhan, Allah in mogoguyangmu. Bayongan inta mokonajis kon baḷoi tatua mustibí poyayúon.

MAZMUR 78:60

Sia in nonaḷámai kon ḷoḷaigan-Nea kon Silo, tampat pogogutunan-Nea kon sigad in intau.

AMSAL 5:14

Dongka kinotaauanmai akuoi ain noḷabú kon tayowon in intau mobarong.”

YEREMIA 11:18

Ki Tuhan in nopotaau kon inakó in tomayá moraat in musungku mita kon inakó.

YEREMIA 23:11

Ki Tuhan in noguman, “Nabi bo imang doí tumoḷutui kon i-Nakó. Nodapot in kon Baḷoi-Ku kinouḻían-Kudon in mosia nogaid kon inta moraat.

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”

YEREMIA 3:6

Kon tungkuḷ in pinomarentaan i Datu Yosia, ki Tuhan in noguman nanaa kon inakó, “Inontongmudon degá in onu inta inaidan in Israel, bobay inta diá motoindudui tatua? Sia in nonaḷámai kon i-Nakó bo sinumundaḷ kon bayongan tudu in buḷud inta moḷantud bo kon siungon in bayongan pangkoi in kayu inta mobambar.

YEREMIA 32:34

Nodapotbí in baḷoi inta pinosindog poibadaan kon i-Nakó ain pinonajis monia pinongin nogukat kon berhala mita monia inta mokorongó kon tampat tatua.

YEREMIA 7:17

Iko in nokoontongdon tontaní kon onu in inaidan monia kon kotá mita in Yohuda bo kon daḷan mita kon Yerusalem!

YEREMIA 7:30

Intau in Yohuda ain nogaid kon inta moraat. Berhala mita monia inta kinorongó-Ku tua ain inukat monia kon bonu in Baḷoi-Ku, nodapot in nokonajisdon kon tua.

YEHEZKIEL 10:18

Bo sindar mopouḻi-uḻinag inta nobaḻí tomponuot koangoian i Tuhan nonaḷámai kon ngara tumuot kon Baḷoi Tuhan bo nomamping kon ḻimonik in kerub mita tatua.

YEHEZKIEL 10:19

Akuoi in nokoontong kon kerub mita tatua nosongká kon koḻikipnea bo nonaḷámai kon butá bo minayá, bo rodanea mita in dinumudui. Bo nogogai in mosia kon diug in bonawang in Baḷoi Tuhan inta kon dotá in pomukáan, bo sindar inta mopouḻi-uḻinag tatua umuran kon ḻimonik monia.

YEHEZKIEL 11:22

Kerub mita tatua in momangkoidon ḷumayug bo roda mita tatua in dinumudui doman. Sindar mokotuḷow inta nobaḻí tomponuot koangoian i Allah in Israel in oyúon kon ḻimonikan monia.

YEHEZKIEL 11:23

Onda intua sindar mokotuḷow tatua nonaḷámaidon kon Yerusalem bo nomamping kon buḷud kon dotá in pomukaan kon kotá tatua.

YEHEZKIEL 14:6

Potaaudon doman kon intau in Israel kon Akuoi, ki Tuhan Inta Totok in moḷantud in noguman kon i monia, ‘Potobatdon nongkon dosamu mita, bo taḷaaidon in berhalamu mita inta mokototuka tatua.’

YEHEZKIEL 18:12

Sia in monombuḻitokmai kon intau bogá, mogagow, mogamá kon pakakat mita inta nobaḻí tontogot in boboḻian kon inia. Sia in mayá kon kuil mita in intau inta diá nonotaau kon i Tuhan bo nosumba kon berhala inta mokorongó.

YEHEZKIEL 43:8

Dungkuḷmai in datu mita monia in momia kon ḷoḷuang mita bo oigi mita in komaḻig monia kon sí in ḷoḷuang bo oigi mita in Baḷoi-Ku, dá tongádon dinding tobatú in kon sigadnea. Mosia in nongotordon kon tangoi-Ku inta motusi pinongin aid monia inta mokorongó. Tuamai in iyopú-Ku in mosia kon bonu in torú-Ku.

YEHEZKIEL 47:6

Bo intau tatua in noguman kon inakó, “Ei intau ilo-ilow, taridiai totok kopia in naa komintan.” Onda intua dinianea bui in akuoi notaḷug kon ongkag,

YEHEZKIEL 5:11

Akuoi in ki Allah inta nobiag, ki Tuhan Inta Totok in moḷantud, bo naa in tosingogon-Ku: Popisí in iko ain nongotor kon Baḷoi-Ku pinongin aidmu inta moraat bo mokorongó, dá rimumudon-Ku in iko takin diábí in ampung.

YEHEZKIEL 8:13

Bo ki Tuhan in noguman kon inakó, “Iko in mokoontong kon i monia mogaid kon inta moiḻiu in mokorongó.”

YEHEZKIEL 8:14

Dá dinia-Nea in akuoi minayá in bonawang dotá in utuan kon Baḷoi Tuhan bo pinoontong-Nea kon inakó in bobay mita inta mongombaḷmai kon kinopatoian i Dewa Tamus.

YEHEZKIEL 8:7

Bo dinia-Nea in akuoi minayá in ngara tumuot kon bosínea kon ḷuai bo sinaridian-Nea in bubú tobatú kon dinding.

YEHEZKIEL 8:9

Guman-Nea kon inakó, “Tuotdon bo indoiaidon in aid mita mokotor bo inta mokorongó inta inaidan monia tua.”

HOSEA 5:6

Mosia in minayá notayak kon i Tuhan kodia-dia in domba bo sapi sin pokuruban, táe tua komintan in diábí in mangaḻenea. Sin ki Tuhan in nonaḷámaidon kon i monia, bo diábí mouḻí monia in Sia.