YEHEZKIEL 8:12 - Alkitab Singog In Mongondow Masa In Tanaa

¹² Ki Allah in noguman kon inakó, “Ei intau inta ilo-ilow, inontongmu degá onu in inaidan in itoi mita in Israel takin inumado-adop? Mosia in noibada kon bonu in yuang inta nopuḻing in berhala sin kan Akuoi in nonaḷámaidon kon butá tanaa bo diádon noindoimai kon aid monia.”

YEHEZKIEL 8:12 ပူးပေါင်းရင်းမြစ်များ

DATU MITA 2 17:9

bo nogaid kon inta diá inogoi i Tuhan Allah monia aidan. Noposindog in mosia in tampat pososumbaan kon dewa kon bayongan in kotá monia, pinomayá kon kotá mointok andeka kon kotá moḷoben.

MAZMUR 10:11

Kainiakamai, “Kinoḻiongandon i Allah bo diá bidon inindoian mako; bo moiduduimai in diábí doman ontongon-Nea in akuoi!”

MAZMUR 14:1

Kon i itoi in mododondong. Mazmur i Daud. Intau dondunguḷ in mosingog kon bonu in gina, “Diábí in ki Allah.” Aid monia in moraat bo moḻingá diá in mogaid kon inta mopia.

MAZMUR 73:11

Guman monia, “Diábí kinotaauan i Allah, Ki Inta Totok in moḷantud diábí nomangaḻe.”

YESAYA 29:15

Moboditodon in intau inta moḷongasi mobuni kon tomayánea kon i Tuhan! Mogaid in mosia takin umuni-uni, bo kai monia kamai diábí tobatúmai in nokoontong andeka nonotaau kon onu inta ain inaidan monia.

YESAYA 47:10

Kainimu iko in moaman aka mogaid kon inta moraat, kainimu kamai dá aidmu tatua in diábí sinontongan mako. Iko in pinoḷaḻe in kabijaksanaan bo sinotaaumu, kainimu kamai diábí in ná iko.

YEHEZKIEL 14:1

Tongonumai in intau nongkon itoi mita in bangusa in Israel namangoi kon inakó sin moḻibó kon onu in ibog i Tuhan.

YEHEZKIEL 20:1

Kon singgai impuḷúnea kon buḷan noginḻima, kon taong impitunea kon pinoḷumbúan kon inami, tongonumai in itoi in Israel namangoi kon inakó sin mopoigum kon topotundú i Tuhan. Naonda in mosia iḻimitú kon tayowonku,

YEHEZKIEL 8:11

Pitu nopuḷú in itoi in bangusa in Israel in kon tua, noitakin doman in ki Yaazanya ki adí i Sapan. Kon batúannea nokadai kon pototubáan kon dupa inta mosipun kon poyok.

YEHEZKIEL 8:13

Bo ki Tuhan in noguman kon inakó, “Iko in mokoontong kon i monia mogaid kon inta moiḻiu in mokorongó.”

YEHEZKIEL 8:15

Ki Tuhan in noḻibó kon inakó, “Ei intau inta ilo-ilow, inontongmu intua? Nobarongpabí in moiḻiu in mokorongó.”

YEHEZKIEL 8:17

Ki Tuhan in noguman kon inakó, “Ei intau inta ilo-ilow, inontongmu degá intua? Intau mita in Yohuda tanaa in diá moorop aka tongá mogaid kon inta mokorongó tatua bo mogaid kon inta diádon monotaau kon intau kon sinangkub in butá. Nodapotbí in inaidan monia intua komintan kon naa, kon bonu in Baḷoi-Ku bo nokodugang kon torú-Ku bui. Indoiaika naonda in mosia moningkuḻe kon i-Nakó pinongin aid inta totok in mokotor tanaa!

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.

ZEPANYA 1:12

Kon oras tatua Akuoi in mogamá kon poḷombow, bo moḻikai kon kotá in Yerusalem. Hukumon-Kubí in intaunea mita inta diá mopandungmai tatua takin inta noorop in onu inta kon inia tontaní, bo inta norai kon Akuoi, ki Tuhan in diábí kon dodai in onda in mogaid kon nanaa andeka natua.

EPESUS 5:12

Sin onu inta inaidan monia inta inumuni-uni tua, umpaka tongá ouman yo mokooyádon.)

ULANGAN 27:15

Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’