YEHEZKIEL 8:11 - Alkitab Singog In Mongondow Masa In Tanaa

¹¹ Pitu nopuḷú in itoi in bangusa in Israel in kon tua, noitakin doman in ki Yaazanya ki adí i Sapan. Kon batúannea nokadai kon pototubáan kon dupa inta mosipun kon poyok.

YEHEZKIEL 8:11 ပူးပေါင်းရင်းမြစ်များ

DATU MITA 2 22:12

Bo ki datu in nobogoi in parenta tanaa kon i Imang Hilkia, ki Ahikam ki adí i Sapan, ki Akhbor ki adí i Mikha, ki Sapan momomais in negara, bo ki Asaya totabá i datu:

DATU MITA 2 22:14

Dá minayádon in ki Hilkia, ki Ahikam, ki Akhbor, ki Sapan bo ki Asaya nopoigum in totundú kon bobay tobatú inta ki Hulda in tangoinea. Sia in nabi inta nogutun kon ḻipú mobagu kon Yerusalem. Ki buḷoinea in ki Salum adí i Tikwa, ki ompu i Harhas; sia in mononoḻisí kon pakeang in ibada kon Baḷoi Tuhan. Naonda in ki Hulda nokodongog kon katarangan monia,

DATU MITA 2 22:3

Ki Datu Yosia in binantungan in momomais in negara tobatú inta tangoinea in ki Sapan adí i Azalya, ki ompu i Mesulam. Kon taong impuḷú bo waḷu kon pinomarentaan i Datu Yosia, ki datu in nobogoi in parenta tanaa kon momomaisnea tatua, “Bayádon kon i Imang Moḷoben ki Hilkia kon Baḷoi Tuhan, bo poigumdon kon inia mopoyaput in lapuran in kobayong doit inta ain sinipun in imang mita inta nopobayá in oaidan kon ngara tumuot kon Baḷoi Tuhan.

DATU MITA 2 22:8

Ki Sapan in nopotaau in parenta i datu kon i Hilkia, bo ki Hilkia in nongonguman kon i Sapan kon sia in nokouḻídon kon buk in hukum mita i Tuhan kon Baḷoi Tuhan. Ki Hilkia in nobogoi in buk tatua kon i Sapan, bo binaca i Sapan.

DATU MITA 2 25:22

Nopaḷut mako kon tua ki Datu Nebukadnezar in noduí kon i Gedalya ki adí i Ahikam ki ompu i Sapan, nobaḻí gubernur kon Yohuda sin momarenta kon bayongan in intau inta nogutunpa kon tua.

TAWARIKH 2 26:16

Naonda in ki Datu Uzia noropot, nobaḻídon in sia mododia, bo tua in nokopopisí kon kinorimumudannea. Iḻimimpat in sia kon parenta i Tuhan Allahnea sin sinumuot kon Baḷoi Tuhan sin motubá kon dupa kon tudu in mezbah in dupa.

TAWARIKH 2 26:19

Kon dodai intua ki Uzia simindog mako kon diug in mezbah in dupa kon Baḷoi Tuhan kokada-kadai in pakakat pototubá kon dupa. Sinumorú in sia kon imang mita tatua, bo daḻídon nomuká in takit kuḻit inta mokoondok kon pogotnea.

TAWARIKH 2 34:20

Bo ki datu in nobogoi in parenta tanaa kon i Hilkia, kon i Ahikam ki adí i Sapan, kon i Abdon ki adí i Mikha, kon i Sapan momomais in negara, bo kon i Asaya moḷoḷukad i datu,

IḶUAIAN 24:1

Noiduduimai kon tua ki Tuhan noguman kon i Musa, “Potakodon sin mamangoi tumayow kon i-Nakó, poyotakin iko i Harun, i Nadab bo i Abihu, bo pitu nopuḷú itoi in bangusa, bo dokó posumba kon i-Nakó nongkon moyayú.

IḶUAIAN 24:9

Onda intua ki Musa, ki Harun, ki Nadab, ki Abihu bo itoi pitu nopuḷú tatua notakod kon buḷud,

YESAYA 44:13

Mogogimok kon kayu in mogukur kon kayu. Gambaronnea in kapur onu in aidannea bo kurigonnea in pakakatnea bo aidannea patong in intau inta moḷunat, bo ukatonnea kon bonu in baḷoinea.

YEREMIA 19:1

Ki Tuhan in nopotabá kon inakó notaḷui kon kendi, bo nonongganut kon tongonumai in itoi in bangusa bo tongonumai in imang inta nongogurangdon mita,

YEREMIA 19:4

Tua in aidan-Ku sin bangusa tanaa in nonaḷádon kon i-Nakó. Mosia in noponajisdon in tampat tanaa pinongin noposumba in kuruban kon dewa mita inta diá kinotaauan monia, kon i mogoguyang monia bo kon datu mita in Yohuda. Mosia in nomonu doman kon tampat tanaa in dugú in intau mita inta diá kotaḷá.

YEREMIA 26:22

Táe ki Datu Yoyakin in nopotabá kon i Elnatan ki adí i Akhbor takin tongonumai in intau ibanea minayá in Mesir bo nogamá kon i Uria.

YEREMIA 26:24

Táe tanaa noidoyon kon totuḷung i Ahikam ki adí i Sapan, akuoi ki Yeremia diábí inogoi kon rayat sin ḻimodon.

YEREMIA 29:3

Akuoi in nokidia in surat tatua kon i Elasa ki adí i Sapan, bo kon i Gemarya ki adí i Hilkia inta pinotabá i Zedekia datu in Yohuda kon i Nebukadnezar datu in Babel. Nanaa in bonu in surat tatua,

YEREMIA 36:10

Bo ki Barukh in nobaca nongkon ḻitodan in buk tatua in bayongan inta ain pinogumanku, bo bayongan in intau nokidongog. Tua in binaca kon bonu in Baḷoi Tuhan kon kantor i Gemarya, ki adí i Sapan momomais in negara. Kantor tatua in kon palas kon ḻimonik, kon diug in daḷan tumuot kon Bonawang Mobagu kon Baḷoi Tuhan.

YEREMIA 44:21

“Degá kai monimu kamai dá ki Tuhan in diábí nonotaau andeka nokoḻiongdon kon kuruban mita inta pinosumba kon kotá mita in Yohuda bo kon daḷan mita in Yerusalem in mogoguyangmu, in datu mita bo in pojabatmu mita, takin rayat kon butá tanaa bo takin doman moiko tontaní?

YEREMIA 5:5

Biódon Akuoi in mayá kon intau mita moḷoben, bo moyosingog monia. Notantúbí kon kinotaauan monia onu inta kinoibog bo inta sinuntut i Tuhan Allah kon i monia.” Táe, mosia komintan doí parentaan i Tuhan, mosia in doí motoindudui kon i-Nia.

YEREMIA 52:27

Kon wilayah in Hamat. Kon tua iroriga in mosia bodongka iḻimod. Natuata in intau mita in Yohuda inakut nongkon butá monia bo pinobayá in tampat pinoḷumbúan;

YEREMIA 7:9

Moiko in monakow, moḻimod, monuaḻing, mosakusi kon uboḷ, mobogoi in sosumba kon Baal, bo mosumba kon dewa mita inta diá kinotaauan monimu.

YEHEZKIEL 20:1

Kon singgai impuḷúnea kon buḷan noginḻima, kon taong impitunea kon pinoḷumbúan kon inami, tongonumai in itoi in Israel namangoi kon inakó sin mopoigum kon topotundú i Tuhan. Naonda in mosia iḻimitú kon tayowonku,

YEHEZKIEL 8:10

Dá akuoi in sinumuot doman bo noindoi. Dinding mita in yuang tatua ginambaran in noyagi-yagimai in uḷag bo mahaḷuk mita haram ibanea, bo noyagi-yagimai doman in gambar berhala inta sinumba in intau mita in Israel.

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

DANIEL 9:8

Datu mita nami, itoi mita nami bo mogoguyang nami ain nogaid kon inta mokooyá bo ain binaradosa kon ini-Mu, o Tuhan.

PINOGIAPAN 11:16

Bo ki Tuhan noguman kon i Musa, “Sipundon nongkon sigad in bangusa mita Israel in guhanga mita in ḻipú pitu nopuḷú in kobayongnea inta ináku nobaḻí itoi in bangusa. Dia in mosia kon tayowon-Ku, bo pokisindogaidon in mosia kon diugmu.

PINOGIAPAN 11:25

Bo ki Tuhan namangoi kon bonu in goḷom bo noguman kon i Musa. Ki Tuhan nogamá kon kawasa ibanea inta inogoi-Neadon kon i Musa bo inogoi-Nea kon itoi pitu nopuḷú tatua. Naonda in Roho i Tuhan tatua mamangoi kon i monia, nomangkoidon in mosia nosingog naonda bo nabi, táe diá noonggot.

PINOGIAPAN 16:35

Bo ki Tuhan nopoangoi in tuḷú inta nomokak kon doyowa nogatut bo ḻima nopuḷú in intau inta noposumba in dupa tatua.

LUKAS 10:1

Noiduduimai kon tua, ki Yesus nomiḻí kon dumodudui-Nea ibanea pitu nopuḷú in kobayongnea bodongka nopotabá kon i monia. Mosia pinotabá tumododoyawa sin umuna kon i-Nia mayá in kotá bo tampat mita inta bayáan-Nea.