YEHEZKIEL 8:10 - Alkitab Singog In Mongondow Masa In Tanaa

¹⁰ Dá akuoi in sinumuot doman bo noindoi. Dinding mita in yuang tatua ginambaran in noyagi-yagimai in uḷag bo mahaḷuk mita haram ibanea, bo noyagi-yagimai doman in gambar berhala inta sinumba in intau mita in Israel.

YEHEZKIEL 8:10 ပူးပေါင်းရင်းမြစ်များ

IḶUAIAN 20:4

Dika in moiko momia kon i monimu in patong inta batangannea ná onuka inta kon ḷangit, kon butá ande kon bonu in tubig inta kon ḻimonag in butá.

YESAYA 44:13

Mogogimok kon kayu in mogukur kon kayu. Gambaronnea in kapur onu in aidannea bo kurigonnea in pakakatnea bo aidannea patong in intau inta moḷunat, bo ukatonnea kon bonu in baḷoinea.

YEREMIA 16:18

Dosa bo aid monia moraat in tuḻían-Kubí pongin hukuman kodua noguntuḷ, sin mosia in noponajisdon kon butá-Ku takin berhala mita. Berhala mita tatua in diábí konyawa naonda bo mayat.”

YEREMIA 3:9

bo beresibí diá inagían in oyá. Sia in nonuaḻing popisí in nosumba kon batu bo pangkoi in kayu, dá butá tanaa in nobaḻídon nonajis.

YEREMIA 44:21

“Degá kai monimu kamai dá ki Tuhan in diábí nonotaau andeka nokoḻiongdon kon kuruban mita inta pinosumba kon kotá mita in Yohuda bo kon daḷan mita in Yerusalem in mogoguyangmu, in datu mita bo in pojabatmu mita, takin rayat kon butá tanaa bo takin doman moiko tontaní?

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

YEHEZKIEL 11:12

Dá kotaauandon monimu kon Akuoibí in ki Tuhan bo moiko in hukumon popisí in iḻimimpatdon kon atorang-Ku mita bo diádon dinumudui kon parenta-Ku mita takin dinumudui kon hukum mita in bangusa mita ibanea inta kon diugmumai.”

YEHEZKIEL 23:14

Koonggot-koonggot koromú-koromúdon in ki Oholiba. Totokbí in moibog in sia kon gambar mita inta kinurig kon dinding, bo inta cinet in nopura ná dugú. Gambar mita tatua in nobaḻí lambang itoi mita in tontara in Babel takin nogibaan in baan mogaga bo bogot in uḷu inta oyúon in ḷambe-ḷambénea.

YEHEZKIEL 8:11

Pitu nopuḷú in itoi in bangusa in Israel in kon tua, noitakin doman in ki Yaazanya ki adí i Sapan. Kon batúannea nokadai kon pototubáan kon dupa inta mosipun kon poyok.

YEHEZKIEL 8:9

Guman-Nea kon inakó, “Tuotdon bo indoiaidon in aid mita mokotor bo inta mokorongó inta inaidan monia tua.”

SURAT I PAULUS KON JAMAAT RUM 1:23

Deemanbí ki Allah inta mononoi in sumbáan monia, táe patongbí inta ná batangan in mahaḷuk mita inta mato-matoipabí; umpamanea: intau, ḷagapan, mahaḷuk mita inta opat in sioḷnea, bo mahaḷuk mita inta ḷumandai in mayá.

ULANGAN 14:3

“Dika mokaan kon mahaḷuk inta pinoniata i Tuhan kon haram.

ULANGAN 4:16

Dá ḷukadaidon sinbá moiko diá modapot in baradosaan sin mogaid kon patong inta sumbáan monimu tontaní naondaka in batangannea, ḷoḷaki ande bobay,

ULANGAN 4:23

Toropdon kopira! Dika mokoḻiong kon dodandian inta pinomia i Tuhan Allahmu takin i monimu. Duduiaidon in parenta-Nea; dika mokoimontanmai in iko momia kon patong naondaka in batangannea sin sumbáan,

ULANGAN 4:25

Ná doman tua aka moiko moonggotdon in mogutun kon butá tatua bo mononggadí dapot in mononggompu, yo dika baradosaan popisí in momia kon patong naondaka in batangannea sin sumbáan monimu. Oaid natua in oaidbí moraat kon tayowon i Tuhan Allahmu bo mokopopisídon kon i-Nia tumorú.