YEHEZKIEL 7:5 - Alkitab Singog In Mongondow Masa In Tanaa

⁵ Naabí inta pinoguman i Tuhan Inta Totok in moḷantud kon bangusa in Israel, “Bodito in moyoduduibí in moiuma kon i monimu.

YEHEZKIEL 7:5 ပူးပေါင်းရင်းမြစ်များ

AMSAL 13:21

Intau binaradosa umuranbí batu-batukon mako in roriga intau mopia umuranbí motarima kon inta mokosanang.

AMSAL 24:16

Sin, umpaka intau motuḻid mopobui-buimai moḷabú, umuranbí in sia mobangon bui. Táe, aka intau moraat yo rimumudonbí in bodito.

YESAYA 21:12

Tubagku, “Doḷo-doḷom in moiangoibí táe doḷombí doman. Aka moibog moḻibó, yo angoidon bui bo poḻibó.”

YEREMIA 19:3

Akuoi in musti moguman nanaa, “Ei datu mita in Yohuda bo intau in Yerusalem! Indongogai in singog poguman-Ku kon inimu, Akuoi ki Tuhan Inta Totok in mokawasa, Allah in Israel. Akuoi in mopoangoi in bodito moḷoben kon tampat tanaa dá intau inta mokodongog in moitaḻikokog.

YEHEZKIEL 5:9

Popisí in bayongan in aidmu inta kinodoí-Ku, intaumu mita in hukumon-Ku mobogat ná inta diápa kon dodai in onda in inaidan-Ku bo diá bidon aidan-Ku bui.

YEHEZKIEL 7:12

Wakutunea in ḷagidon moiangoi, singgainea in nodiugdon! Ki inta mototaḷui bo ki inta mopopotaḷui in diábí mokouḻí kon kauntungan onu bo onu, sin hukuman i Allah in moiantug kon bayongan in intau.

YEHEZKIEL 7:2

“Ei intau inta ilo-ilow, Akuoi, ki Tuhan Inta Totok in moḷantud, in moguman nanaa kon butá in Israel: Naadon in imbuit in ouman kon sinangkub in butá tanaa!”

DANIEL 9:12

Iko in nogaid noitombutung ná inta ain pinodandi-Mu kon inami bo kon mongongawasa nami. Yerusalem ain ihukum-Mu noiḻiu kon kotá ondaka in kon dunia naa.

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.

AMOS 3:2

“Nongkon bayongan in bangusa kon dunia, tongábí moiko totobatú nion inta bangusa inta kinotaauan-Ku bo inta inindoian-Kumai. Tuamai in moḷoben in dosamu, bo notantúbí kon hukumon-Ku in moiko.”

NAHUM 1:9

Tomayá onuka in pomiaanmu moḷawang kon i Tuhan, notantúbí kon diá motuoi. Diábí in Sia motuḻí kon yaat in gina-Nea modapot in kodua noguntuḷ kon musung-Nea mita.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

MATIUS 24:21

Sin kon wakutu intua koangoian in roriga totok, roriga tatua in diápa kon dodai in onda in nobaḻí nongkon pinangkoipamai in dunia naa pinomia nodapot masa in tanaa, bo roriga tatua in diá bidon bui mobaḻí.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.