YEHEZKIEL 7:26 - Alkitab Singog In Mongondow Masa In Tanaa

²⁶ Bodito bo habar diá mopia in umuranbí mamangoi. Moiko in mopoigumbí sinbá nabi mita moibogpa monoḻindap, táe diádon kotaauan monia. Ná doman tua in imang mita diádon koonu bo onu in tundúon kon umat, bo itoi mita in kodaitandon in tonggina.

YEHEZKIEL 7:26 ပူးပေါင်းရင်းမြစ်များ

MAZMUR 74:9

Nabi mita bo tomponuot mita inta mokoherang diádon koontongan bui, bo diádon tobatúmai in intau in nonotaau mongo dapot in toonu in nanaa.

YESAYA 47:11

Táe iko in koantuganbí in bodito, totaau in sihirmu diábí mokopoḷagui kon inia. Iko in angoionbí in bodito, bo diábí mokotongod in monayow. Koyopúan in daḻídon moiangoi, bo diábí muna kinoraianmu.

YEREMIA 18:18

Intau in moguman, “Igai moyopopog in kita moḷawang kon i Yeremia. Deemanbí tongá sia in motaau mosingog kon i Allah. Umuranbí oyúon in imang inta motaau mobogoi in topotundú, oyúon in intau mobijaksana in motaau mobogoi in tonggina; bo oyúon in nabi in motaau mopotaau kon i naton in koyow mita nongkon i Allah. Igai pongaduon naton in sia kon pongadilan bo diádon mokidongog kon tosingogonnea mita.”

YEREMIA 21:2

“Poigumdon kon topotundú kon i Tuhan sin kopontingan naton, sin ki Nebukadnezar datu in Babel takin tontaranea in koyogotdon mongopung kon kotá naton. Dika-dika bo ki Tuhan in mogaidbí kon inta mokoherang kon inaton, bo momakisa kon i Nebukadnezar mopotabá umundok in tontaranea.”

YEREMIA 37:17

Onda intua ki Datu Zedekia nopotabá kon intau sin modia kon inakó pobayá in komaḻig kon inia. Kon tua inumuni uni in sia noḻibó kon inakó mongo oyúon in koyow nongkon i Tuhan. “Oyúon,” tubagku. Bo akuoi in noguman, “Ki Tuang datu in ogoi kon i datu in Babel.”

YEREMIA 4:20

Bodito in mamangoi diá moobo-obot morimumud kon sinangkub in butá. Daḻídon in ḷoḷaiganku pinoguyaat, daingnea mita in binisi-bisí.

OMBAḶ 2:9

Bonawangnea mita in kinobumbunandon in butá, bayongan in bonoboinea mita noputoḷ; datu bo pojabat in pomarenta dinia kon pinoḷumbúan. Hukum i Tuhan in diádon bui sinundú; nabi in diádon notarima kon tongkoyow nongkon i Tuhan.

YEHEZKIEL 11:2

Ki Allah in noguman kon inakó, “Ei intau inta ilo-ilow, naa in intau mita inta monomayá kon inta moraat kon kotá tanaa bo nobogoi in tonggina inta mokopoḷaḻe.

YEHEZKIEL 12:22

“Ei intau inta ilo-ilow, nongonu sin intau in Israel in moibo-ibogbí mosingog kon peribahasa tanaa: ‘Wakutu in mobaḷui, táe onu inta pinoguman mita in diápabí doman mobobaḻí’?

YEHEZKIEL 14:1

Tongonumai in intau nongkon itoi mita in bangusa in Israel namangoi kon inakó sin moḻibó kon onu in ibog i Tuhan.

YEHEZKIEL 21:7

Aka ḻibóon monia mongo nongonu sin mogamuibí in iko, yo pogumandon kon morobonoḷ in ginamu popisí in habar inta moiduduimai. Habar tatua in mokoondok kon gina monia, moḷungkoyó in ḻima monia, duḷud monia mourot, modaitdon in ibog monia mobiag. Totuu kon wakutunea in moiangoidon, bo tua mita in mobaḻíbí. Akuoi ki Tuhan Inta Totok in moḷantud ain nosingog.”

YEHEZKIEL 22:26

Imang mita in Israel iḻimimpat kon hukum-Ku mita bo nokokotor kon pakakat mita inta ain sinantú-Ku kon i-Nakó. Diá bidon pinoyoposi monia onda in motaau bo onda in diá motaau. Mosia in diá doman notundú kon rayat mopoyoposi kon onu in modarit bo onda in nonajis podudui in atorang in agama. Mosia in diá bidon mopandungmai kon singgai in Sabat. Aid monia natua in pinoningkuḻebí in bangusa Israel kon i-Nakó.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

YEHEZKIEL 8:1

Kon singgai iḻimanea kon buḷan inggonomnea kon taong inggonomnea kon sempo in pinoḷumbúan kon inami, itoi mita in intau mita inta iḷumbú kon Yohuda in namangoi kon baḷoiku bo iḻimitú takinku. Bo daḻídon in kawasa i Tuhan Inta Totok in moḷantud nongawasa kon inakó.

IMAMAT 26:18

Aka naonda in mokouḻí mako kon hukuman tatua bo diápa doman in moiko mokopotoindudui kon i-Nakó, yo hukuman kon i monimu dugangan-Ku in kobogatnea kopitu nongkon tua.

IMAMAT 26:21

Aka moiko umuranpa doman monoḻikud kon i-Nakó bo doí mokopotoindudui kon i-Nakó, dá hukumanmu in dugangan-Ku bui inta kobogatnea kopitu ná tatua.

IMAMAT 26:24

dá bouton-Kudon in moiko bo hukumon-Ku in moiko inta kobogat in hukuman tatua kopitu ná inta ain pinopoaid-Ku muna.

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

MIKHA 3:6

“Ei nabi, motoyongdon in wakutumu; mata in singgaimu koyogotdon in tumoyop. Moiko in diá bidon bui mokouḻí kon oontongon inta moponiata kon tomayá-Ku mita. Moiko in diá bidon bui mokotoḻindap kon onu bo onu.”

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

MALEAKHI 2:9

Dá baḻíon-Kubí doman in moiko poompáanmai in umat in Israel sin moiko in diá notoindudui kon koibog-Ku, bo popisí in moiko mopoyo-poyoposi kon intau kon dodai in motundú kon umat-Ku.”

ULANGAN 32:23

Tantú-Kubí popoangoi in bodito, Popiot-Ku in bayongan piot-Ku kon i monia.

SAMUEL 1 3:1

Kon dodai intua, ki Samuel inta mongoadípa tua nogundoi kon i Tuhan kon bonu in totundú i Eli. Kon tungkuḷ intua moḷawádon totok in oyúon in koyow bo oontongon nongkon i Tuhan.