YEHEZKIEL 7:24 - Alkitab Singog In Mongondow Masa In Tanaa

²⁴ Bangusa mita inta totok in moromú in poangoi-Kubí sin mongawasa kon baḷoimu mita. Intaumu mita inta mongotoyang bo inta mongotorindog in moondokbí aka pomayá-Ku mako in bangusa mita tatua morimumud kon tampat mita pooibadaanmu.

YEHEZKIEL 7:24 ပူးပေါင်းရင်းမြစ်များ

KINOBAḺIAN 47:26

Noiduduimai kon tua binaḻídon i Yusup atorang kon butá in Mesir in soaḷ seperlima nongkon bungai in boyó musti mobaḻí kapunyaan i datu. Dapot masai in naa atorang tatua umuranpa pinaké. Tongábí butá mita in imang mita in diá nobaḻí kapunyaan i datu.

MAZMUR 106:41

Dá inogoi-Neadon in mosia kon bangusa mita pinomayá-Neadon mako in mosia kinawasa in musung.

MAZMUR 74:7

Mosia in noturub kon Baḷoi-Mu nodapot in nodait; bo noponajis in tampat pososumbaan kon ini-Mu.

MAZMUR 83:12

Pomiadon in itoi monia naonda bo ki Oreb bo ki Zeeb, pokuyungdon in mongongawasa monia naonda bo ki Zebah bo ki Salmuna,

YESAYA 5:14

Dunia in intau minatoi nobukádon noḷoben sin moḻiom kon intau mita inta noiuna kon Yerusalem takin rayat inta nononbobutungan noyotakin.

YEREMIA 12:12

Nongkon ḷoḷan in padang gurun kon buḷud, intau mita mamangoi sin mogagow. Akuoi in nopoangoi in parang sin momoguyaat kon bayongan in ḻipú dá diádon tobatúmai in mobiag modame.

YEREMIA 17:4

Moiko in pakisadon mobogoi in butá inta ain inogoi-Ku kon inimu, bo baḻíon-Ku in moiko mobantung kon musungmu kon butá inta totokbí in diá kinotaauanmu. Tua in inaidan-Ku komintan popisí in torú-Ku noiḻiudon naonda bo tuḷú inta nodokot bo diádon kopiongan.”

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 6:12

Baḷoi monia in ogoibí kon intau ibanea, natua doman in gobá bo buḷoi bobay mita monia. Intau mita kon butá tanaa in hukumon-Ku.

OMBAḶ 5:2

Kapunyaan budel nami in noiḷabú kon ḻima in intau ibanea, baḷoi mita nami in inutunan in intau ango-angoi.

YEHEZKIEL 21:2

“Ei intau ilo-ilow, kutukdon in Yerusalem. Kutukdon in tampat mita pooibadaan kon tua. Potoingatdon kon butá in Israel,

YEHEZKIEL 21:31

Popotugat-Kubí kon i monimu in torú-Ku inta modoko-dokot. Bo moiko in ogoi-Kubí kon intau mita inta moḻingá inta nobiasadon moḻimod.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

YEHEZKIEL 33:28

Butá tatua in baḻíon-Kubí padang gurun inta moingongow, bo kawasa inta pongatamai monia in moinggamádon. Buḷud mita kon Israel in moingongow bidon dá diádon in tobatúmai in intau in mokobaḻí tumaḻib kon tua.

ZEPANYA 1:13

Kapunyaan monia in agowonbí bo baḷoi mita monia in rimumudon. Mosia in mobaḷoibí, táe diábí koutunannea. Mosia in momuḷabí kon anggur táe diábí moiinum kon tubignea.”