YEHEZKIEL 7:20 - Alkitab Singog In Mongondow Masa In Tanaa

²⁰ Dungkuḷmai mopia in gina monia kon permata monia inta mongogaga, táe popisí in pinakédon monia nomia kon berhala mita inta mokorongó, dá binaḻí i Tuhan in kapunyaan monia nobaḻí inta mokokoningkim.

YEHEZKIEL 7:20 ပူးပေါင်းရင်းမြစ်များ

DATU MITA 2 21:4

Ki Tuhan in ain noguman kon Yerusalem in tampat koangoian-Nea bo tampat pooibadaan kon i-Nia, táe kon tua kon Baḷoi Tuhan, ki Manasye in noposindogdon in mezbah mita kon dewa mita.

DATU MITA 2 21:7

Lambang i Dewi Asyera in sinagúnea kon bonu in Baḷoi Tuhan, bokaka soaḷ tampat tatua ki Tuhan in nogumandon kon i Daud bo kon i Salomo ki adínea ḷoḷaki, “Baḷoi-Ku bo Yerusalem naa, inta ain piniḻí-Ku nongkon sigad in butá in suku in Israel inta mopuḷú bo doyowa, in tampat inta ain sinantú-ku mobaḻí tampat pooibadaan kon i-Nakó.

TAWARIKH 2 2:9

sinbá moposadia in mosia kon kayu inta mobarong totok. Sin Baḷoi Tuhan inta bain posindogonku tua in mustibí moḷoben bo mogaga totok.

TAWARIKH 2 36:14

Koḻikud intua, Baḷoi Tuhan inta ain sinantú i Tuhan tontaní kon i-Nia, pinonajisdon in itoi mita in Yohuda, in imang mita bo in rayat, sin mosia in dinumudui nosumba kon berhala bo dinumudui kon kobobiag inta binaradosa nongkon bangusa mita inta kon diugmai monia.

EZRA 3:12

Nobayong in kon sigad in imang mita, intau mita in Lewi bo tongguḷu mita in inanakan inta ain nogoguyang in nokoimontandon nokoontong kon Baḷoi Tuhan inta muna. Naonda in mosia nokoontong kon pinogukatan kon pondasi in Baḷoi Tuhan tanaa, nongombaḷdon totok in mosia. Táe intau mita ibanea inta kon tua in nonggoḷokap sin noḷunganga in gina,

MAZMUR 48:2

Totuubí moḷantud in ki Tuhan bo totok in dinayow kon kotá i Allah naton, kon tombuḷud inta motusi.

MAZMUR 50:2

Nongkon Sion, kotá inta totok in mogaga, Ki Allah in noitukat takin nonindar.

YESAYA 30:22

Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”

YESAYA 64:11

Baḷoi i Allah inta motusi bo momulia tampat in mogoguyang nami modayowmai kon ini-Mu, aindon kinaan in tuḷú; bayongan tampat inta kinoibog nami aindon nobaḻí goguyaatnea.

YEREMIA 7:14

Baḷoi-Ku inta pongata monimu, bo tampat inta inogoi-Ku kon mogoguyangmu bo kon inimu naa in pomiaan-Ku naonda bo Silo dungkuḷmai.

YEREMIA 7:30

Intau in Yohuda ain nogaid kon inta moraat. Berhala mita monia inta kinorongó-Ku tua ain inukat monia kon bonu in Baḷoi-Ku, nodapot in nokonajisdon kon tua.

OMBAḶ 1:10

Bayongan in kapunyaannea ain inagow in musungnea mita. Nodapot in sia in nokoontongbí tontaní in sinuotan monia kon bonu in Baḷoi i Allah, aid tobatú inta kinodoí i Tuhan aidan in intau inta deeman umat-Nea.

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

OMBAḶ 2:7

Ki Tuhan in doídon in mezbah-Nea inta motusi, bo nonaḷámaidon kon Baḷoi-Nea tontaní; pinomayá-Neadon mako in musung nogumpag kon dindingnea mita. Kon tampat pinoibadaan bo pinoramean naton koḻipod, musung in monggoḷokap popisí in nountung.

YEHEZKIEL 11:18

Aka mosia mobui, mosia in moḷumbúdon kon bayongan in berhala inta moraat bo mokorongó inta nouḻí monia.

YEHEZKIEL 16:16

Tongosilai in pakeangmu pinakému pinoḷambá kon tampat pososumbaanmu kon berhalamu. Iko in nobaḻí sundaḷ bo nobogoi in awakmu kon bayongan in ḷoḷaki.

YEHEZKIEL 16:19

Inogoian-Ku in iko in kaanon torigu inta totok in mopia, biluk bo ḷana in zaitun inta nodarit. Táe tua mita pinosumbamubí kon berhala mita tatua sin moposanang in gina monia. Akuoi ki Tuhan Inta Totok in moḷantud ain nosingog.

YEHEZKIEL 23:38

Bo deemanbí tongá tua. Mosia in noponajis doman kon Baḷoi-Ku bo singgai in Sabat inta ain sinantú-Ku.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

YEHEZKIEL 5:11

Akuoi in ki Allah inta nobiag, ki Tuhan Inta Totok in moḷantud, bo naa in tosingogon-Ku: Popisí in iko ain nongotor kon Baḷoi-Ku pinongin aidmu inta moraat bo mokorongó, dá rimumudon-Ku in iko takin diábí in ampung.

YEHEZKIEL 7:22

Akuoi in mamangoibí aka Baḷoi-Ku poguyaaton bo kotoron in mogogagow mita.

YEHEZKIEL 9:7

Ki Allah in noguman kon i monia, “Kotoraidon in Baḷoi-Ku tanaa! Puḻingaidon in palasnea mita in mayat mita. Pangkoiaidon!” Dá nomangkoi domandon in mosia noḻimod kon intau mita kon bonu in kotá.

HAGAI 2:3

“Oyúon degá in kon sigad monimu in nokotoropa kon naonda in kogogaga in Baḷoi-Ku tungkuḷ intua? Tanaa in naonda in kaadaannea, podudui kon inimu? Totokbí in diá mokosanang kon gina!

HAKIM MITA 8:24

Tongá noiduduimai kon tua ki Gideon noguman nanaa, “Tongá tobatú in igumonku; nganti-nganting inta inagow monimu kon musung, ogoidon komintan kon inakó.” (Intau in Midian nobiasa mogi nganti-nganting buḷawan; ná doman intau ibanea inta nogutun kon padang gurun.)

HAKIM MITA 8:27

Nongkon buḷawan mita tatua, ki Gideon nomia kon patong berhala, bo pinosindognea kon ḻipúnea inta kon Opra. Bayongan in intau in Israel minayá intua sin nosumba kon patong berhala tatua, nodapot in mosia diádon noindoimai kon i Allah. Bo soaḷ tatua in nobaḻí naonda bo poyogaḷap tobatú kon i Gideon bo motoḷuadínea.