YEHEZKIEL 7:16 - Alkitab Singog In Mongondow Masa In Tanaa

¹⁶ Tongosilai in kotaḻibanbí bo moḷagui mayá in buḷud. Kon tua mosia in nádon onda bo ḷagapan mita paḷoma inta binuntun nongkon ḷopá mita; komintanbí mogongot popisí in dosa mita monia.

YEHEZKIEL 7:16 ပူးပေါင်းရင်းမြစ်များ

EZRA 9:15

Tuhan, Allah in Israel Iko in moadil, umpaka natua pinomayá-Mubí mako in kami in nobiag. Kami in mongaku kon taḷá nami kon ini-Mu; diádon in kami mokobaḻí in tumayow kon ini-Mu.”

MAZMUR 55:2

O Allah, indongogaipa kaasí in sambayangku, dika toḻikudan in oigumku.

YESAYA 1:9

Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

YESAYA 37:31

Intau in Yohuda inta nobiagpa in mobiagbí mooyúon naonda bo pinomuḷa inta nodaḷom totok in uakatnea bo nobogoi in bungainea.

YESAYA 38:14

Singogku in motoyokdon bo moyangkó, naonda bo ḷagapan tarangkuku mogamui. Mataku in moḷopí popisí in ḷumangag kon ḷangit, Tuhan, poḷuatdon in akuoi nongkon roriga tanaa.

YESAYA 59:11

Kami in inangoian in ondok bo morobonoḷ in dodob; kami in motayak kon inta moadil, táe diá onda; kami in moharap kon kasaḷamatan táe diá in mangaḻenea.

YESAYA 59:12

Totuu mobayong in aid moraat nami kon ini-Mu; dosa mita nami mopotaḷá kon inami. Kami in totu-totuudon nonotaau kon aid nami moraat; bo nonotaau kon dosa mita nami.

YEREMIA 3:21

Kon tudu in buḷud mita kinodongogan in dowawá; tua in singog in umat in Israel inta nongombaḷ bo noigum totok, popisí in mosia ain binaradosa, bo nokoḻiongdon kon i Tuhan Allah monia.

YEREMIA 31:9

Mosia in mayá takin moḷabú in ḷuá, Ḻipoion-Ku bo kapiton-Ku in mosia. Diaan-Ku in mosia mongin tampat mita inta mobayong in tubig, mongin daḷan motondodai inta diá in kopintudan. Kon i Israel, Akuoi in naonda bo ki amá; Epraim in ki adí-Ku ḷoḷaki guya-guyang.”

YEREMIA 44:14

Bo intau in Yohuda inta ki agatnea, inta ain minayá in Mesir sin mogutun kon tua, diábí tobatúmai in mokoḷagui andeka mobiag. Diábí tobatúmai in kon sigad monia in mobuipa mangoi kon Yohuda, umpakabí tua in totok in koibog monia. Totuu, diábí in mobui koḻikudbí in inta moḷoḷagui.”

YEREMIA 44:28

Tongábí tongonumai in intau in mosaḷamat bo mobui kon Yohuda nongkon Mesir. Dá bayongan in intau in Yohuda kon Mesir in mokoontongbí mongo tosingogon monia andeka tosingogon-Ku in mobaḻí.

YEREMIA 9:19

Kon Sion kinodongogan in ombaḷ, “Moputú in kita bo totok in pinokopo oyámai. Butá naton musti taḷaan naton, baḷoi mita naton norimumud posirarit.”

YEHEZKIEL 14:22

Aka kuma bo oyúon in mokoḷagui bo moposaḷamat kon i adínea mita, taridiaidon in mosia aka mosia mamangoi kon inimu. Indoiai naonda in moraat monia, dá kotaauandon monimu kon noitugatbí in aid-Ku mohukum kon Yerusalem.

YEHEZKIEL 34:6

Dá domba-Ku mita in minayádon in tombuḷudannea mita inta moḷantud bo kon buḷud mita. Mosia in noibaya-bayá mako kon sinangkub in butá, diábí tobatúmai in intau in nopandungmai bo notayak kon i monia.

YEHEZKIEL 36:31

Kotoropanbí monimu in dodiamu inta moraat bo aidmu inta diá patus tua, bo morongódon bui in moiko kon awakmu tontaní popisí in dosamu mita bo aidmu inta diá mopia tua.

NAHUM 2:7

Kinodomokandon in bokí, dayang-dayangnea mita in kumarak bo mogamui, mosia in mogamui naonda bo ḷagapan tarangkuku, bo morukimai kon dodob popisí in morobonoḷ in gina.

ZEPANYA 1:14

Singgai pohakiman i Tuhan in nodiugdon, oo totokdon in nodiug, sedang bo ḷagi bidon moiangoi. Singgai tatua in nopuḻing in robonoḷ in gina, nodapot in tontara mita inta totok in motorindogpa in kumokowbí totok popisí in kobuḻiandon in kamang!