YEHEZKIEL 7:12 - Alkitab Singog In Mongondow Masa In Tanaa

¹² Wakutunea in ḷagidon moiangoi, singgainea in nodiugdon! Ki inta mototaḷui bo ki inta mopopotaḷui in diábí mokouḻí kon kauntungan onu bo onu, sin hukuman i Allah in moiantug kon bayongan in intau.

YEHEZKIEL 7:12 ပူးပေါင်းရင်းမြစ်များ

AMSAL 20:14

Mototaḷui in tantúbí mogamui kon momahaḷ in boḻinea. Táe naonda in motaḷui mako, mopiabí in ginanea kon boḻi inta nouḻínea.

YESAYA 21:12

Tubagku, “Doḷo-doḷom in moiangoibí táe doḷombí doman. Aka moibog moḻibó, yo angoidon bui bo poḻibó.”

YEREMIA 7:20

Akuoi, ki Tuhan Inta Totok in moḷantud, in mopoumabí in torú-Ku inta motoyang kon baḷoi pooibadaan tanaa, kon intau bo kon mahaḷuk, bo kon pangkoi mita in kayu bo kon bungai mita in boyó. Torú-Ku in tumaga-tagab naonda bo tuḷú inta diá kopiongan.”

YEHEZKIEL 12:23

Yo, potaaudon kon i monia kon Akuoi, ki Tuhan Inta Totok in moḷantud, in motubag nanaa: Peribahasa tatua in popatan-Ku, dá diádon singogon bui kon Israel. Mobaḻí toḻiunea in pogumandon kon i monia kon wakutunea in noidapotdon, bo bayongan in inta pinoguman in mobaḻídon.

YEHEZKIEL 7:10

Singgai koboditoan in bangusa in Israel in noiangoidon. Aid motogat in mongawasa. Koḷoḷatúan in motompodon.

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.

ZEPANYA 1:14

Singgai pohakiman i Tuhan in nodiugdon, oo totokdon in nodiug, sedang bo ḷagi bidon moiangoi. Singgai tatua in nopuḻing in robonoḷ in gina, nodapot in tontara mita inta totok in motorindogpa in kumokowbí totok popisí in kobuḻiandon in kamang!