YEHEZKIEL 6:7 - Alkitab Singog In Mongondow Masa In Tanaa

⁷ Kon bayongan tampat oyúon in intau in kinoḻimodan, bo mosia inta mosaḷamat in monotaaudon kon Akuoibí in ki Tuhan.

YEHEZKIEL 6:7 ပူးပေါင်းရင်းမြစ်များ

DATU MITA 2 19:19

O Tuhan, Allah nami, poḷuatdon in kami nongkon intau mita in Asyur tatua, sinbá bayongan in intau kon dunia in monotaaudon kon tongábí Iko tontaní in Allah.”

IḶUAIAN 14:18

Dá kotaauandon intau In Mesir kon Akuoibí in ki Tuhan.”

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 7:5

Dá intau in Mesir monotaaudon kon Akuoi naa in Tuhan, kon dodai in Akuoi mohukum kon i monia bo modia kon Israel ḷumuai nongkon butá monia”.

YEREMIA 14:18

Aka akuoi mayá in rawang, ontongonku in mayat mita inta minatoi in parang. Kon bonu in kotá ontongonku in roriga, intau mita gogiódon matoi in gogoy. Nabi bo imang mopobayá in oaidan takin diá komangaḻean monia onu in inaidan.”

YEREMIA 18:21

Táe tanaa, Tuhan, biódon mako in adí mita monia matoi in gogoy andeka matoi kon poparangan. Biódon mako in bobay mita monia kobuḻian in buḷoi ḷoḷaki bo adí; biódon mako in ḷoḷaki mita matoi popisí in yampoi in takit bo intau moguod in matoi kon poparangan.

YEREMIA 25:33

Kon singgai tatua mayat in intau mita inta pinatoi i Tuhan in moibilabagdon magí mako kon sinangkub in butá. Mosia in diá bidon ombaḷan, diábí doman buaton sin ḷobongon, táe pomayá bidon mako kon butá naonda bo kinosipunan in apat.

OMBAḶ 4:9

Mororiga in mosia bo koonggot-koonggot matoidon, popisí in beresidon diá in kaanon; inta matoi kon poparangan, in mopia-pia kon inta matoi in gogoy.

YEHEZKIEL 11:10

Moiko in matoibí kon parang kon butámu tontaní, dá kotaauandon monimu kon Akuoibí in ki Tuhan.

YEHEZKIEL 11:12

Dá kotaauandon monimu kon Akuoibí in ki Tuhan bo moiko in hukumon popisí in iḻimimpatdon kon atorang-Ku mita bo diádon dinumudui kon parenta-Ku mita takin dinumudui kon hukum mita in bangusa mita ibanea inta kon diugmumai.”

YEHEZKIEL 12:15

Kon tungkuḷ in mosia porariton-Ku kon yua-yuak in bangusa mita ibanea kon butá mita in intau, yo kotaauandon monia kon Akuoibí in ki Tuhan.

YEHEZKIEL 12:19

Potaaudon kon bayongan in bangusa onu inta poguman-Ku, ki Tuhan Inta Totok in moḷantud kon intau in Yerusalem inta nogutunpa kon butá monia. Mosia in mogugurbí kon dodai in mongaan bo mourot in ondok kon tungkuḷ in monginum. Butá monia in mobaḻíbí moḷogat, sin bayongan in intau inta mogutun kon tua tantú ḻimimpat kon hukum.

YEHEZKIEL 13:14

Niaton-Ku umpagon in dinding inta cinet monimu in kapur tatua, poguyaaton intua modapot in dongkadon pondasinea. Dinding tatua in moiumpag bo moḻimod kon i monimu komintan. Dá kotaauandon monimu kon Akuoibí in ki Tuhan.

YEHEZKIEL 13:21

Koḷob mita in uḷu inta kainimu in mosakti in berakon-Ku, bo umat-Ku in posíon-Ku nongkon tongganut in aidmu moraat modapot in mononoi. Dá kotaauandon monimu kon Akuoibí in ki Tuhan.

YEHEZKIEL 13:23

Tanaa in mopaḷutdon in oontongon mita diá totuu bo toḻindapmu mita uboḷ. Posaḷamaton-Ku in umat-Ku nongkon tongganut moraatmu. Dá kotaauandon monimu kon Akuoibí in ki Tuhan.”

YEHEZKIEL 13:9

Akuoi in mohukumbí kon i monimu, ei nabi mita inta nopotaau kon toḷanow mita uboḷ bo norai kon oontongon mita! Moiko in diá bidon motaau in dumudui mobogoi in kotantúan kon bonu in ponisigan in umat-Ku. Tangoimu mita in ginaresandon kon bonu in tangoi mita in inanakan Israel, bo moiko in diá bidon mobui mangoi kon butámu. Dá kotaauandon monimu kon Akuoibí in ki Tuhan Inta Totok in moḷantud.

YEHEZKIEL 14:8

Akuoi in moḷawangbí kon inia bo baḻíon-Ku in sia sonto kon ibanea. Poyayúon-Kubí in sia nongkon intau mita umat-Ku, dá kotaauandon in umat-Ku kon Akuoibí in ki Tuhan.

YEHEZKIEL 15:7

Hukumon-Kubí in mosia. Umpakabí noiḷaguidon in mosia kon tuḷú, táe tuḷúbí doman in momutú kon i monia. Dá kotaauandon monimu kon Akuoibí in ki Tuhan.

YEHEZKIEL 20:26

Pinomayá-Ku in mosia in noponajis in awak pinongin kuruban mita monia tontaní, nodapot in ki adí mita monia ḷoḷaki inta guya-guyang pinokuruban monia. Pinongin aid tatua Akuoi nohukum kon i monia sinbá kotaauan monia kon Akuoibí in ki Tuhan.

YEHEZKIEL 20:38

Momomarontak mita bo intau moraat in ḷumbúon-Ku nongkon yuakmu mita. Mosia in diaan-Kubí ḷumuai nongkon butá mita inta pinogutunan monia tanaa bo diábí ogoi-Ku in mosia mobui mangoi kon butá in Israel. Dá kotaauandon monimu kon Akuoibí in ki Tuhan.”

YEHEZKIEL 20:42

Aka moiko bo diaan-Kudon mobui kon butá in Israel, butá inta pinodandi-Ku kon mogoguyangmu, yo kotaauandon monimu kon Akuoibí in ki Tuhan.

YEHEZKIEL 20:44

Aka moiko pomiaan-Kudon natua popisí in tangoi-Ku, bo deemanbí pinodoyon kon dodiamu inta diá mopia bo aidmu inta moraat, dá kotaauandon monimu intau in Israel kon Akuoibí in ki Tuhan. Akuoi ki Tuhan Inta Totok in moḷantud ain nosingog.”

YEHEZKIEL 22:16

Iko in singkuḻeonbí in bangusa mita ibanea, dá kotaauanmudon kon Akuoibí in ki Tuhan.”

YEHEZKIEL 23:49

Ei Ohola bo Oholiba, hukumon-Kubí in moiko popisí in moiko in nonuaḻing bo nosumba kon berhala. Dá kotaauandon monimu kon Akuoibí in ki Tuhan Inta totok in moḷantud.”

YEHEZKIEL 24:24

Dá akuoi, ki Yehezkiel in mobaḻí sonto kon inimu; moiko in mogaidbí kon ná inta inaidanku tanaa. Ki Tuhan in noguman kon aka tua bo mobaḻí, yo kotaauandon monimu kon Sia tuata in ki Tuhan Inta Totok in moḷantud.”

YEHEZKIEL 24:27

Kon singgai doman tatuata iko in mokosingogdon bui bo diádon mobobó. Bo iko in moyosingogdon in intau tatua. Natuata iko in mobaḻídon tomponuot kon i monia; dá kotaauandon monia kon Akuoibí in ki Tuhan.”

YEHEZKIEL 25:17

Hukumon-Kubí in mosia kobogaton totok bo mopoaid in yaat in gina-Ku modapot in moorop. Aka konanamandon monia in torú-Ku, yo kotaauandon monia kon Akuoibí in ki Tuhan.”

YEHEZKIEL 26:6

Mosia in mogagowbí poḷat moḻimod kon intau kon kotá mita kon butá in Tirus. Dá kotaauandon in intau in Tirus kon Akuoibí in ki Tuhan.”

YEHEZKIEL 28:23

Akuoi in mopoangoibí in yampoi in takit, bo mopomayádon mako in koiḻigan in dugú kon daḷanmu mita. Iko in tubuonbí in musung nongkon bayongan in tampat, bo intaumu mita in ḻimodonbí. Dá kotaauanmudon kon Akuoibí in ki Tuhan.’ ”

YEHEZKIEL 30:26

Porariton-Kubí in intau mita in Mesir kon sinangkub in dunia. Dá kotaauandon monia kon Akuoibí in ki Tuhan.”

YEHEZKIEL 32:15

Aka Mesir baḻíon-Kudon padang gurun inta moingongow, bo yompaton-Kudon in bayongan inta nogutun kon tua, yo kotaauandon monia kon Akuoibí in ki Tuhan.

YEHEZKIEL 35:15

ná kinososanang in gina monimu kon dodai in nokoontong kon Israel kapunyaan-Ku nobaḻí noingongow. Buḷud mita in Seir, nodapot in sinangkub in butá in Edom in mobaḻíbí moingongow. Dá bayongan in intau in monotaaudon kon Akuoibí in ki Tuhan.’ ”

YEHEZKIEL 38:23

Natuata in aid-Ku moponiata kon bayongan in bangusa kon Akuoi in moḷantud bo motusi. Dá kotaauandon monia kon Akuoibí in ki Tuhan.”

YEHEZKIEL 6:13

Mayat mita in posiraritdon kon sigad in berhala mita bo kon diugmai in mezbah mita, moiukat mako kon batúan in tombuḷud inta moḷantud, bo kon tudu in buḷud mita, kon siungon in pangkoi in kayu inta mobambar bo kon batúan in pangkoi in kayu inta moḷoben; impoḷok mako in singog, kon ondakabí in potubáanmai monia kon kuruban ogoi kon berhala monia. Dá kon batúan in intau monotaaudon kon Akuoibí in Tuhan.

YEHEZKIEL 6:6

Bayongan in kotá in Israel in yompatonbí, bayongan in mezbah bo berhalanea in morimumud posirarit, pototubáan kon kamania in morimumudon magí-mako, bo bayongan onu inta inaidan monia in moinggamábí.

YEHEZKIEL 6:8

Topiḻik nongkon i monia in posaḷamaton-Kubí nongkon ponotadan tatua táe mosia in poraritonbí kon sigad in bangusa mita;

YEHEZKIEL 7:4

Akuoi in diá bidon motabi andeka mongampung kon inimu. Akuoi in mohukumbí kon inimu podudui in bayongan in aid moraat inta ain inaidanmu. Dá kotaauanmudon kon Akuoibí in Tuhan.”

YEHEZKIEL 7:9

Akuoi in diábí motabi andeka mongampung kon inimu. Akuoi in mohukumbí kon inimu podudui in bayongan in aid moromú inta ain inaidan monimu. Dá kotaauandon monimu kon Akuoibí in ki Tuhan bo Akuoibí in nohukum kon i monimu.”

YEHEZKIEL 9:7

Ki Allah in noguman kon i monia, “Kotoraidon in Baḷoi-Ku tanaa! Puḻingaidon in palasnea mita in mayat mita. Pangkoiaidon!” Dá nomangkoi domandon in mosia noḻimod kon intau mita kon bonu in kotá.