YEHEZKIEL 6:6 - Alkitab Singog In Mongondow Masa In Tanaa

⁶ Bayongan in kotá in Israel in yompatonbí, bayongan in mezbah bo berhalanea in morimumud posirarit, pototubáan kon kamania in morimumudon magí-mako, bo bayongan onu inta inaidan monia in moinggamábí.

YEHEZKIEL 6:6 ပူးပေါင်းရင်းမြစ်များ

DATU MITA IMITÁNEA 14:23

Kon tudu mita in buḷud bo kon siungon in pangkoi mita in kayu inta moḷoben, noposindog in mosia kon tampat mita pososumbaan kon berhala, bo noposindog in tugu mita bo patong mita i dewi Asyera sin sumbáan.

MAZMUR 115:8

Igumon mako natua in ukur in intau mita inta nomia kon tua, bo bayongan in intau inta mopirisaya kon inia.

YESAYA 1:31

Naonda bo wawa nopokak tongá popisí in rosik in ḻigatu, natua doman in intau mita nongawasa in yopúon in oaid mita moraat monia tontaní, bo diábí in motaau mongampai kon korimumudan tatua.

YESAYA 2:18

Berhala mita in moinggamádon komintan.

YESAYA 27:9

Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YESAYA 6:11

Akuoi in noḻibó, “Dapot in toonu in kaadaan tanaa, Tuhan?” Tubag-Nea, “Modapot in kotá mita mogoguyaatdon bo diádon in mogogutunnea, baḷoi mita diádon inutunan, bo butá in diádon in bonunea bo moḷogatdon,

YESAYA 64:10

Kotá mita motusi-Mu in nádon onda bo padang gurun, Yerusalem in nobaḻídon butá noingkag inta noingongow.

YEREMIA 10:22

Indongogaidon! Oyúon in habar kon bangusa tobatú kon utuan nopomukádon kon doḻiok. Tontaranea in momaḻí kon kotá mita in Yohuda mobaḻí moingongow bo diádon in mogogutun. Ungkú mita in kayuon in mogadopdon kon tua.”

YEREMIA 17:3

bo kon buḷud mita kon ḷuai in kotá. Sin bayongan in tampat pososumbaan kon berhala inta ain pinosindog monimu kon sinangkub in butá bo popisí in bayongan dosa inta ain inaidan monimu, dá baḻíon-Ku in musungmu mita mogakut kon bayongan in kapunyaan bo kaoyúonanmu.

YEREMIA 2:15

Musungnea in noganggor kon inia naonda bo singa, butánea in binaḻídon noḷogat bo diá in mangaḻenea, kotánea mita in nodait kinaan in tuḷú, pinomayádon mako diá in mogogutun.

YEREMIA 34:22

Parentaan-Kubí in mosia sinbá mobuidon mangoi kon kotá tanaa, poḷat monubu, mogagow, bo monurub. Kotá mita in Yohuda in baḻíon-Ku naonda bo padang gurun inta diá inutunan in intau. Akuoi, ki Tuhan, ain nosingog.”

YEREMIA 51:18

Berhala mita tatua diá in boḻinea, patusbí rebegon bo singkuḻeon. Aka moiangoidon in wakutunea, moyopúbí in mosia.

YEREMIA 9:10

Akuoi, ki Yeremia, noguman, “Akuoi in mongombaḷ bo mononogumatoi sin rawang in bonok kon ḷopá bo kon buḷud mita inta ain noingkag totok bo diádon sinaḻiban in intau. Singog in bobiagon diádon kodongogan, manuk bo mahaḷuk mita ibanea noḷaguidon bo nobuḻi.”

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

YEREMIA 9:19

Kon Sion kinodongogan in ombaḷ, “Moputú in kita bo totok in pinokopo oyámai. Butá naton musti taḷaan naton, baḷoi mita naton norimumud posirarit.”

YEHEZKIEL 12:19

Potaaudon kon bayongan in bangusa onu inta poguman-Ku, ki Tuhan Inta Totok in moḷantud kon intau in Yerusalem inta nogutunpa kon butá monia. Mosia in mogugurbí kon dodai in mongaan bo mourot in ondok kon tungkuḷ in monginum. Butá monia in mobaḻíbí moḷogat, sin bayongan in intau inta mogutun kon tua tantú ḻimimpat kon hukum.

YEHEZKIEL 16:39

Ogoi-Ku in iko kon inta kinotabimu mita tatua, bo umpagon monia in tampat mita pinosundaḷan bo pinosumbaanmu kon berhala. Bayongan in pakeang bo ḷambámu in agowonbí monia, modapot in mopilang in iko.

YEHEZKIEL 30:13

Ki Tuhan Inta Totok in moḷantud in noguman, “Akuoi in morimumudbí kon berhala mita bo dewa mita kon Mempis. Diá bidon in datu kon Mesir. Bayongan intau inta nogutun kon tua in baḻíon-Kubí moondok komintan.

YEHEZKIEL 5:14

Iko in mobaḻídon apug mita inta diá in baragunanea bo bangusa mita inta kon ḻibumumai in morebeg kon inimu; bayongan in intau inta moitaḻib in yumayúbí kon inimu.

YEHEZKIEL 6:4

Mezbahnea mita in umpagonbí bo pototubáan mita kon kamania in ḷotakon. Bayongan in intau kon tua in ḻimodon kon tayowon in berhalanea.

YEHEZKIEL 6:7

Kon bayongan tampat oyúon in intau in kinoḻimodan, bo mosia inta mosaḷamat in monotaaudon kon Akuoibí in ki Tuhan.

HOSEA 10:2

Intau mita inta ginanea motombogá tatua, tanaa in musti mobaba kon bungai in dosanea. Ki Allah in morimumudbí kon mezbah monia, bo mogumpag kon tugu mita in berhala monia.

HOSEA 10:8

Kuil mita kon tombuḷud mita kon Betel tampat in intau in Israel mosumba kon berhala, in rimumudon. Dugi bo bonok in mobiagbí kon mezbah monia. Bo mosia in momaḷúbí kon buḷud mita, “Bumbunaidon in kami!” bo kon tombuḷud mita, “Dantugaidon in kami!”

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

MIKHA 1:7

Patongnea mita inta mongomahaḷ in rimumudon, bo bayongan in pakakat inta ogoi kon bobay mita inta mopobayá in oaidannea kon kuil in tubáan, takin bayongan in berhalanea in yompaton. Tua mita in nouḻí monia kon pinoibadaannea kon i dewa in koḷumbaan. Tanaa bayongan intua akutondon in musungnea mita sin posumbadon mobaḻí sukur kon dewa mita monia.”

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

MIKHA 5:13

Tugu mita i Dewi Asyera kon butámu in umpagon-Ku, bo kotámu mita inta oyúon in poḷoḷukadan in rimumudon-Ku.

HABAKUK 2:18

Kinutukdon in iko! Iko in noguman kon kayu topongkó, “Pobangondon!” andeka kon batu moḷoben tobatú, “Sindogdon!” Degá patong tobatú motaau moguman kon inimu? Umpakabí patong tatua inoḻitan in buḷawan andeka saḷaka, táe diábí in nyawa kon inia. Onubí in mangaḻenea in patong berhala? Tua in tongábí mia in intau. Inta mouḻímu kon inia in tongábí komintan uboḷ. Diábí in mangaḻe in pirisaya in mogogaid kon berhala kon onu inta pinomianea tatua, inta diá motaau mosingog tua.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

SAMUEL 1 5:4

Táe nopoikoḷomai kon singgai, doḷo-doḷom, bui inontong monia kon patong tatua in noumpagdon bui kon tayowonmai in Poti Dodandian tatua. Yo tanaa uḷu bo kokaḷ in patong tatua noputoḷ bo noigambat kon tayowon in ḷoḻingkop; tongádon awak in patong tatua in notompiapa. (