YEHEZKIEL 6:5 - Alkitab Singog In Mongondow Masa In Tanaa

⁵ Baḻíon-Ku in mayat mita in intau in Israel posirarit; bo tuḷan mita monia in ponangket-Ku kon diugmai in mezbah mita tatua.

YEHEZKIEL 6:5 ပူးပေါင်းရင်းမြစ်များ

DATU MITA 2 23:14

Tugu mita in dewa bo patong i dewi Asyera in inumpag, bo butá inta pinoposindogan in tugu mita bo patong mita tatua, binumbunan i Yosia in tuḷan mita in intau.

DATU MITA 2 23:16

Onda intua ki Yosia in nobobui bo nokoontong kon tongonumai in poḷoḷobongan kon tudu in buḷud. Dá nopotabá in sia kon intau nongokai kon poḷoḷobongan, bo nopoḷuai in tuḷannea mita bodongka sinubá kon mezbah inta koyogot in sinubá tatua. Natuata in pinononajisnea kon mezbah tatua. Dá nobaḻídon in onu inta ain pinoguman koḻipod i nabi Tuhan kon dodai in ki Datu Yerobeam simindog mako kon diug in mezbah tatua kon pinorayaan tobatú. Nopaḷut mako kon tua ki Datu Yosia in nokoontong kon poḷoḷobongan tobatú bui.

MAZMUR 53:5

Guman i Tuhan, “Diá degá moratak in intau mita moraat tatua? Mosia in nobiag in onu inta inagow kon umat-Ku, bo diá kon dodai in onda in nosambayang kon i-Nakó.”

YEREMIA 7:32

Tuamai, moiangoibí in wakutunea tampat tatua in diá bidon tangoion Topet andeka Ḷopá in Hinom, táe Ḷopá Bidon Pororataan. Butá tatua in mobaḻí bidon butá poḷoḷobongan sin diádon in tampat ibanea.

YEHEZKIEL 43:7

“Ei intau ilo-ilow, naa in ḷoḻitúan pomomarentaan-Ku. Kon naa in pogutunan-Ku kon yua-yuak in umat in Israel bo momarenta kon i monia modapot in mononoi. Pinomayá mosia, andeka datu mita monia, diá bidon in mongotor kon tangoi-Ku inta motusi pongin mosumba kon berhala andeka pongin moḷobong kon minatoi datu mita monia kon tampat tanaa.