YEHEZKIEL 6:3 - Alkitab Singog In Mongondow Masa In Tanaa

³ Pokiindongogaidon in mosia bo pokitaridiai kon onu in poguman-Ku, ki Tuhan Inta Totok in moḷantud kon buḷud mita tatua, bo kon tombuḷud doman mita, kon irang mita bo kon ḷopá mita. Totuu, Akuoi in mopoangoibí in kedang sin morimumud kon pososumbaan kon berhala.

YEHEZKIEL 6:3 ပူးပေါင်းရင်းမြစ်များ

DATU MITA IMITÁNEA 14:23

Kon tudu mita in buḷud bo kon siungon in pangkoi mita in kayu inta moḷoben, noposindog in mosia kon tampat mita pososumbaan kon berhala, bo noposindog in tugu mita bo patong mita i dewi Asyera sin sumbáan.

YESAYA 27:9

Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.

YESAYA 30:25

Kon singgai benteng mita in musungmu kinopung bo intaunea mita iḻimod, batúan in buḷud bo tombuḷudnea mopoḷuaidon in tapá mita.

YEREMIA 2:20

Ki Tuhan in noguman, “Ain noonggot iko in doí mogundoi kon i-Nakó; doí dumudui andeka mosumba kon i-Nakó. Kon bayongan tudu in buḷud inta moḷantud, bo kon siungon in bayongan in pangkoi in kayu inta mobambar iko in mosumba kon dewa mita mopoḷumbá.

YEREMIA 22:29

Uḻe butáku, indongogai onu in pinoguman i Tuhan,

YEREMIA 3:23

Diábí in mangaḻenea kami in noyotakin nosumba kon berhala mita kon tudu mita in buḷud! Totuḷung kon umat in Israel in tongábí mamangoi nongkon i Tuhan Allah nami.

YEREMIA 3:6

Kon tungkuḷ in pinomarentaan i Datu Yosia, ki Tuhan in noguman nanaa kon inakó, “Inontongmudon degá in onu inta inaidan in Israel, bobay inta diá motoindudui tatua? Sia in nonaḷámai kon i-Nakó bo sinumundaḷ kon bayongan tudu in buḷud inta moḷantud bo kon siungon in bayongan pangkoi in kayu inta mobambar.

YEHEZKIEL 36:8

Táe kon inimu in poguman-Ku ei buḷud mita in Israel, pangkoi mita in kayumu in momoḻimpingbí bo mobogoi in bungai bui kon umat-Ku Israel inta diádon moonggot bo mobui.

IMAMAT 26:25

Popomuká-Ku in parang kon sigad monimu sin mohukum kon i monimu popisí in moiko ain iḻimimpat kon dodandian-Ku takin monimu. Bo aka moiko moyosipun kon kotámu sin motayak kon motototuḷung, yo popoangoi-Kudon in takit inta diábí kotompiaan, dapot in moiko pakisadon tumungkud kon musungmu.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

AMOS 7:9

Tampat mita inta pinaké in buí i Ishak poibadaan in rimumudonbí. Tampat mita motusi in intau in Israel in umpagon. Yopúon-Kubí in buí i Datu Yerobeam.”

MIKHA 6:1

Indongogaidon in tosingogon inta pinotaau i Tuhan kon Israel. Sindogdon, o Tuhan, potaaudon in onu mita inta ain inaidan in umat-Mu! Pomayádon mako bá dongogon in buḷud bo tombuḷud onu in poguman-Mu.

MIKHA 6:2

Ei buḷud mita, ei apad mita in butá, indongogaidon in onu pinotaau i Tuhan! Oyúon in pelekara-Nea takin Israel umat-Nea bo tuntuton-Neabí in mosia.