YEHEZKIEL 5:2 - Alkitab Singog In Mongondow Masa In Tanaa

² Tongosilai in musti tubáanmu kon yua-yuak in kotá tatua naonda in mopaḷutdon in pongopungan. Tongosilai doman in musti tota-totadonmu in kedangmu sindaḷan moḻibu kon kotá tatua. Bo tosilai imbuitnea musti potabudonmu kon baḷangon, bo batukon-Ku in kedang-Ku.

YEHEZKIEL 5:2 ပူးပေါင်းရင်းမြစ်များ

YEREMIA 13:24

Akuoi in moporaritbí kon i monimu naonda bo baḻeká inirup in tompot nongkon padang gurun.

YEREMIA 15:2

Aka ḻibóon monia kon inimu mongo kon onda in bayáan monia, yo tubagai nanaa, ‘Ki Tuhan in noguman, inta sinantú matoi popisí in takit yo biódon mako in sia matoi in takit. Inta sinantú matoi kon poparangan yo biódon mako in sia matoi kon parang. Inta sinantú matoi popisí in gogoy yo biódon mako in sia matoi in gogoy. Inta sinantú dakopon, yo biódon mako in sia diaan saḷaku intau dinakop!’

YEREMIA 24:10

Akuoi in mopoangoibí kon i monia in parang, gogoy, bo yampoi in takit dá mosia komintan in matoi bo diá in kotaḷáan kon butá tanaa inta ain inogoi-Ku kon i monia bo kon mogoguyang monia.”

YEREMIA 39:1

Kon buḷan impuḷúnea kon taong noginsiow kon pinomarentaan i Zedekia datu in Yohuda, ki Nebukadnezar datu in Babel takin bayongan in tontaranea namangoi bo nonubu kon Yerusalem.

YEREMIA 39:2

Kon singgai in siownea buḷan inggopatnea taong impuḷú bo mita kon pinomarentaan i Datu Zedekia, dinding in kotá dinangatan in musung,

YEREMIA 9:15

Tuamai, indongogaidon onu in aidan-Ku, Tuhan Inta Totok in mokawasa, Allah in Israel: umat-Ku in ogoian-Ku pinomuḷa mopait sin kaanon bo rasum sin inumon.

YEREMIA 9:16

Mosia in porariton-Ku kon sigad in bangusa mita inta diá kinotaauan monia andeka in mogoguyang monia. Akuoi in umuranbí mopotabá in tontara inta monubu kon i monia modapot in Akuoi momutú kon i monia komintan.”

YEHEZKIEL 12:14

Bayongan in mogogutun kon komaḻig, takin doman monononggina bo moḷoḷukad i datu tua in porariton-Kubí kon bayongan in tampat. Mosia in duduran-Kubí bo ḻimodon.

YEHEZKIEL 17:21

Tontaranea inta totok in mopia in matoibí kon poparangan, bo inta mokoḷagui in moiraritdon magí mako. Dá kotaauandon in umat-Ku kon Akuoi, ki Tuhan ain nosingog.”

YEHEZKIEL 5:10

Guyanga in mokaandon kon i adínea tontaní bo adí in mokaandon kon guyanganea. Natuata in pohohukum-Ku kon i monia, bo inta mobiagpa in porariton-Ku kon bayongan in tampat.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

YEHEZKIEL 5:3

Tonggagatai in topiḻik in buok tatua, bakutdon kon bonu in ḻitodan in jubahmu.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

AMOS 9:4

Aka mosia dakopon in musung, yo pokiḻimod-Kubí in mosia. Niaton-Kubí yompaton in mosia, bo diábí in motuḷung kon i monia.”

ZAKHARIA 13:8

bo kon sinangkub in butá 2/3 in intaunea in matoibí.