YEHEZKIEL 5:17 - Alkitab Singog In Mongondow Masa In Tanaa

¹⁷ Koḻikud in malarat in gogoy yo popoangoi-Kubí doman in yampoi in takit, aid moromú bo parang sin moḻimod kon intaumu, bo mahaḷuk mita inta mokokaan kon intau sin moḻimod kon i adí mita monia. Akuoi, ki Tuhan, ain nosingog.”

YEHEZKIEL 5:17 ပူးပေါင်းရင်းမြစ်များ

DATU MITA 2 17:25

Kon tungkuḷ in mosia momangkoidon mogutun kon tua diábí in mosia mohoromat kon i Tuhan; tuamai in ki Tuhan nopoangoi in singa mita sin modomok kon tongosilai in intau nongkon i monia.

IḶUAIAN 23:29

Mosia komintan in diábí untunon-Ku tongá kon bonu in totaong, sinbá butá tatua diá moibiar mako natua, bo mahaḷuk mokokaan kon intau diádon mongawasa kon tua.

YEREMIA 15:3

Akuoi, ki Tuhan, ain nonantú kon hukuman opat norupa inta mokoondok in mobaḻíbí kon i monia: mosia in matoi kon poparangan, mayat monia in uguton in ungkú, kaanon in ḷagapan, bo indaitan in mahaḷuk turá.

YEHEZKIEL 14:15

Dika-dika poangoi-Ku in mahaḷuk moraat sin modomok kon intau mita kon butá tatua, dá butá tatua in totokdon in mokoanib bo diádon tobatúmai in intau in mokobaḻí tumaḻib kon tua.

YEHEZKIEL 14:19

Dika-dika popoangoi-Ku in yampoi in takit kon butá tatua, bo pobuká-Ku in torú-Ku kon inia modapot in intau andeka mahaḷuk yo moyopú.

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

YEHEZKIEL 17:21

Tontaranea inta totok in mopia in matoibí kon poparangan, bo inta mokoḷagui in moiraritdon magí mako. Dá kotaauandon in umat-Ku kon Akuoi, ki Tuhan ain nosingog.”

YEHEZKIEL 17:24

Bayongan in pangkoi in kayu kon butá in monotaaudon kon Akuoibí in ki Tuhan. Pangkoi in kayu inta moḷantud in pupuḷon-Ku; pangkoi in kayu inta moompá in baḻíon-Ku moḷantud moiḷontú. Pangkoi in kayu inta motoḷubú in ingkagan-Kudon; bo pangkoi in kayu inta noingkag in poponubú-Kudon bo momungai. Akuoi, ki Tuhan, ain nosingog, bayongan inta siningog-Ku in mobaḻíbí.”

YEHEZKIEL 21:3

kon Akuoi, ki Tuhan, in noguman nanaa, ‘Akuoi naa in musungmu. Rabuton-Kubí in kedang-Ku bo moḻimod kon i monimu komintan, inta moraat andeka inta mopia.

YEHEZKIEL 21:32

Moiko in modaitbí kaanon in tuḷú. Dugúmu in moibutakbí kon butámu tontaní, bo diábí in tobatúmai in intau in mokotoropa kon inimu. Akuoi ki Tuhan ain nosingog.’ ”

YEHEZKIEL 22:14

Mokobaḻípa andeka moropotpa degá in iko in mobuat kon ḻimamu naonda in hukumon-Ku mako in iko? Akuoi, ki Tuhan Inta Totok in moḷantud ain nosingog bo Akuoi in mogaidon kon onu in siningog-Ku.

YEHEZKIEL 23:47

Biódon mako in mosia anduron in batu bo duduran in kedang. Biódon mako in ki adí mita monia in sibaton bo baḷoi mita monia in turubon.

YEHEZKIEL 26:14

Taḷaan-Ku in dongka bidon batu noḷogat, pogogiladan kon landará in mododomok mita kon toyá. Kotá tatua in diá bidon posindogon bui. Akuoi ki Tuhan Inta Totok in moḷantud ain nosingog.”

YEHEZKIEL 28:23

Akuoi in mopoangoibí in yampoi in takit, bo mopomayádon mako in koiḻigan in dugú kon daḷanmu mita. Iko in tubuonbí in musung nongkon bayongan in tampat, bo intaumu mita in ḻimodonbí. Dá kotaauanmudon kon Akuoibí in ki Tuhan.’ ”

YEHEZKIEL 30:12

Ingkagan-Kubí in Ongkag in Nil bo mobogoi kon sinangkub in Mesir kon intau mita moraat. Intau mita ango-angoi potabá-Kubí moyompat kon sinangkub in butá tatua. Akuoi ki Tuhan, ain nosingog.”

YEHEZKIEL 33:27

Podoyon kon i-Nakó, ki Allah inta nobiag, ki Tuhan Inta Totok in moḷantud, intau mita inta nogutun kon apug in kotá tatua in matoibí ḻimodon. Mosia inta nogutun kon rawang mita in kaanonbí in mahaḷuk mita inta moraat. Mosia inta nogadop kon buḷud mita bo kon angob mita in matoibí kotugatan in yampoi in takit.

YEHEZKIEL 37:14

Akuoi in mopoirupbí in tompot poginaan kon bonu in awak monia sinbá mobiag bui in mosia, bo ogoi-Kudon bui in mosia in mogutun kon butá monia tontaní. Dá kotaauandon monia kon Akuoibí in ki Tuhan. Akuoi ki Tuhan ain nosingog bo notantúbí kon mogaid kon tua.”

YEHEZKIEL 38:22

Sia in hukumon-Kubí in yampoi in takit bo mosiḻimodan. Uyan morogot bo uyan in eis, tuḷú bo balerang in popobutak-Kubí kon inia bo kon tontaranea bo kon mobayong in bangusa inta dinumugang kon inia.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

YEHEZKIEL 5:16

Daiton-Ku poguyaaton in tongkaaḷ in kaanonmu bo mopomayá mako in intaumu mita gogoyon. Korasaanbí monia naonda in sian mopomporí popisí in gogoyon, naonda bo piot moḷanit noiturak bo nomatoi kon inimu.

YEHEZKIEL 6:1

Ki Tuhan in noguman kon inakó,

YEHEZKIEL 6:12

Mosia komintan in mokonanambí kon bungai in torú-Ku. Intau mita inta moyayú kon poḷumbúan in motakit bo poḷat matoi; inta modiug in matoi kon poparangan; bo kiagatnea in matoi in gogoy.

IMAMAT 26:22

Popoangoi-Ku kon yua-yuak monimu in mahaḷuk mita moraat. Mahaḷuk mita tatua modomok kon i adí mita monimu, momatoi kon biagmu bo mokaan kon i monimu komintan, dá moiko in moyakagdon totok, bo daḷan mita kon butá monimu moingongowdon totok.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

ULANGAN 32:24

Mosia in matoibí popisí in morintonow bo gogoyon, bo popisí doman in takit inta mokoondok. Pomayá-Kudon mako in mosia domokon in mahaḷuk moraat, bo tobakon in uḷag mobisa.

WAHYU 6:8

Bo inontongku in tobatú kabaḷo inta nobilai. Ki inta sinumakoi tua tangoinea in ki Maut. Bo dumuduianmai kon inia in dodatuan popatoi. Tokoar in kawasa kon dunia naa in pinosarakan kon i monia, sinbá mosia in motaau moḻimod popototoi kon parang, malarat bo popototoi kon takit mita bo popototoi kon mahaḷuk mita inta mokokaan kon intau.