YEHEZKIEL 5:14 - Alkitab Singog In Mongondow Masa In Tanaa

¹⁴ Iko in mobaḻídon apug mita inta diá in baragunanea bo bangusa mita inta kon ḻibumumai in morebeg kon inimu; bayongan in intau inta moitaḻib in yumayúbí kon inimu.

YEHEZKIEL 5:14 ပူးပေါင်းရင်းမြစ်များ

NEHEMIA 2:17

Táe onda intua noguman in akuoi kon i monia, “Indoiai in kaadaan naton inta moyoyiga tanaa! Yerusalem in dongkadon utag mita bo bonawangnea mita in kinaandon komintan in tuḷú. Koḻigai bá posindogondon bui naton in dinding mita in kotá in Yerusalem sinbá diádon in kita poonagonmai.”

YEREMIA 19:8

Akuoi in mopoantugbí in bodito inta motoyang kon kotá tanaa dá modapot in bayongan in intau inta moitaḻib kon tua in moitaḻikokogbí bo mokoningkim.

YEREMIA 23:40

Akuoi in mopomiabí kon i monia mooyá bo mokooyá modapot in mononoi bo ukur monia tua in diábí koḻiongan in intau.”

YEREMIA 42:18

Ná doman in Akuoi, ki Tuhan Allah in Israel nopobutak in torú bo rogi-Ku kon intau inta nogutun kon Yerusalem, yo natua doman in Akuoi mopobutak in rogi-Ku kon i monimu inta mayá in Mesir. Intau in mokoningkimbí in mokoontong kon i monimu; singkuḻeonbí in moiko, bo tangoimu in pakéonbí saḷaku kutukan. Moiko in diá bidon mokoontong bui kon butámu tontaní.”

OMBAḶ 1:4

Kon singgai mita moḷoben diá in tobatúmai in intau in mamangoi kon Baḷoi i Allah. Mongodeaga mita inta mododondong kon tua mororiga, bo imang mita in morongombaḷ. Diábí in intau kon bonawang mita, Kotá in Sion kinawasa in robonoḷ in gina.

OMBAḶ 1:8

Yerusalem in nopokotordon in awaknea tontaní pinongin nogaid kon nobayong in dosa mokorongó. Bayongan inta dungkuḷmai in nohoromat kon inia, tanaa in noningkuḻedon kon inia popisí in nokoontong kon kinopilangannea. Sia in nongombaḷ, popisí in kinobuḻiandon in pogot.

YEHEZKIEL 12:20

Kotá mita inta tanaa nopuḻing in intau in rimumudon bo gobá mita in tudunea in mobaḻídon ḷogat. Dá kotaauandon monia kon Akuoibí in ki Tuhan.”

YEHEZKIEL 16:57

bo aidmu moraat diápa kinotaauan? Tanaa in notongkaineadon in iko; iko in kosinganmaidon in intau in Edom, in intau in Pilistin bo in topodiugmumai mita ibanea inta moyaat in gina kon inimu.

YEHEZKIEL 23:32

Ki Tuhan Inta Totok in moḷantud in noguman, “Bonu in palo i guya-guyangmu musti inumonmu. Moḷoben in palo tatua bo moonag. Bonunea in nopuḻing in rebeg bo singkuḻe, inta musti tarimaanmu nongkon bayongan in intau.

YEHEZKIEL 33:28

Butá tatua in baḻíon-Kubí padang gurun inta moingongow, bo kawasa inta pongatamai monia in moinggamádon. Buḷud mita kon Israel in moingongow bidon dá diádon in tobatúmai in intau in mokobaḻí tumaḻib kon tua.

YEHEZKIEL 36:34

Dungkuḷmai intau mita inta mayá mongin rawangmu mita in nokoontong kon totuudon noḷogat in butá tatua, táe ogoi-Kudon bui in moiko mononggobá kon butá tatua.

YEHEZKIEL 6:6

Bayongan in kotá in Israel in yompatonbí, bayongan in mezbah bo berhalanea in morimumud posirarit, pototubáan kon kamania in morimumudon magí-mako, bo bayongan onu inta inaidan monia in moinggamábí.

DANIEL 9:16

Iko in noduḷudon kon inami in dungkuḷmai, tuamai in dikadon bui tumorú kon Yerusalem, kotá-Mu tontaní, tombuḷud-Mu inta motusi. Popisí in dosa nami bo aid moraat in mogoguyang nami, dá bayongan in intau kon diugmai nami in mopoompámai kon Yerusalem bo kon umat-Mu.

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

ULANGAN 28:37

Kon butá mita tampat pinoporaritan i Tuhan kon i monimu, intau mita in mokoningkimdon in mokoontong kon i monimu; moiko in pomiaandon monia ibo-ibog bo poḷat kosingan.