YEHEZKIEL 5:13 - Alkitab Singog In Mongondow Masa In Tanaa

¹³ Korasaanmubí in koḷoḷoben in torú bo pomomatoi-Ku modapot in moorop in Akuoi. Naonda intua mita mobaḻí, moyakin bidon in iko kon Akuoi, ki Tuhan, ain noguman kon inimu popisí in torú-Ku kon aidmu inta diá motoindudui.

YEHEZKIEL 5:13 ပူးပေါင်းရင်းမြစ်များ

YESAYA 1:21

Kotá inta koḻipod motoindudui, tanaa mako in nádon onda bo sundaḷ tobatú! Dungkuḷmai bayongan in intaunea in moadil bo mojujur, táe tanaa in pinogutunandon in moḷoḻimod mita.

YESAYA 1:24

Tuamai in ki Tuhan Inta Totok in Mokawasa, ki Allah in Israel in noguman: “Ei, musung-Ku mita, Akuoi in motuḻíbí kon yaat in gina-Ku kon i monimu, modapot in moiko diádon mokoposusamai kon i-Nakó bui.

YESAYA 59:17

Sia in mopomaké in koadilan bo kasaḷamatan nobaḻí ḷambung uatoi bo sapoyo uwaja. Sia in moḷongasi mopoguḻí kon kaadaan bo motuḻí kon aid diá moadil.

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 14:12

Umpakabí in mosia mopuasa, doíbí in Akuoi moindoimai kon kuani monia mokituḷung; bo umpakabí in mosia moposumba kon i-Nakó in kuruban payongon bo kuruban gandum, yo diábí mosanang in gina-Ku kon i monia. Noyotoḻikudon kon tua, yopúon-Kubí in mosia in parang, in gogoy, bo in yampoi.”

YEREMIA 15:9

Ki iná inta kinobuḻian in adí ḷoḷaki taya pitu in sinogopuḷong sin mosisí in poginaannea. Singgai kinobiagannea in nosindipdon, kinorasaannea kon sia in pinopoompámai bo pinokopo oyámai. Musungmu mita pokiḻimodan-Ku in inta nobiagpa kon sigad monimu. Akuoi, ki Tuhan, ain nosingog.”

YEREMIA 25:12

Mopaḷut mako kon tua Akuoi in mohukum kon bangusa in Babel bo datunea popisí in dosa monia. Butá in Babel in rumbunon-Ku bo bióon-Ku mako in morimumud modapot in mononoi.

OMBAḶ 4:11

Ki Tuhan in nopoumadon in torú-Nea bo nonurub kon kotá in Sion nodapot in noyompat dapot in butá.

OMBAḶ 4:22

Sion in notarimadon kon hukumannea popisí in dosa mita inta ain pinomianea; tanaa in kami in diá bidon pomayá mako i Tuhan bo diá bidon diaan pobayá in poḷumbúan. Táe iko, ei Edom, in hukumonbí i Tuhan. Dosamu mita in poontongbí.

YEHEZKIEL 13:15

Dinding tatua bo moiko inta ain nopocet in kapur in mokonanambí kon torú-Ku. Onda intua poguman-Kudon kon inimu kon dinding tatua in noinggamádon, notongkai ná moiko inta nopocet in kapur kon tua,

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

YEHEZKIEL 16:42

Baintua bo moinggamádon in rogi-Ku, bo moonowdon bui in Akuoi. Diá bidon in Akuoi tumorú andeka mointoi.

YEHEZKIEL 16:63

Ampungan-Kubí in bayongan in taḷámu, táe diábí koḻionganmu intua bo angoianbí in oyá in moguman kon onu bo onu in iko. Akuoi ki Tuhan Inta Totok in moḷantud ain nosingog.”

YEHEZKIEL 17:21

Tontaranea inta totok in mopia in matoibí kon poparangan, bo inta mokoḷagui in moiraritdon magí mako. Dá kotaauandon in umat-Ku kon Akuoi, ki Tuhan ain nosingog.”

YEHEZKIEL 20:21

Táe tayowmobiag mita tatua in doí doman nokidongogmai kon i-Nakó. Iḻimimpat in mosia kon hukum-Ku mita bo nonaḷámai kon parenta-Ku mita, inta nopodandi kon intau inta dumudui kon tua in umuranbí mobiag. Mosia in noporaa-raatmaidon kon singgai in Sabat. Tuamai in nosadiadon in Akuoi mopoḷuai in torú-Ku kon i monia kon rawang in bungaion tatua bo moḻimod kon i monia komintan.

YEHEZKIEL 20:8

Táe mosia in noḷawang kon i-Nakó bo doí nokidongog kon i-Nakó. Mosia in doíbí noḷumbú kon patong mita inta mokorongó tatua bo diá doman moibog in mogogai in mosumba kon berhala mita in Mesir. Kon tungkuḷ in mosia kon tuapa, Akuoi in nosadiadon kon mopoḷuai in torú-Ku kon i monia.

YEHEZKIEL 21:17

Akuoi in monggoḷakapbí doman, bo moinggamádon in torú-Ku. Akuoi, ki Tuhan ain nosingog.”

YEHEZKIEL 21:22

Noniata magí dá piot inta kinogamáan in ḻimanea koḷanan pinaisan in Yerusalem! Dá mangaḻenea kon tua ki datu in musti monubu kon kotá in Yerusalem, mopobaḷú in kokow in parang bo mopotabá in tontaranea kon moposadia in pakakat mita podumpak, posindogon kon bonawang mita in Yerusalem, momontuyung kon butá baḻíon dinding pongopungan bo mongaḻi kon got mita.

YEHEZKIEL 23:25

Tuamai in tumorú in Akuoi kon inimu, pomayá-Ku mako in mosia in momia kon inta moḻingá kon inimu. Ngiung bongoḷanmu in pongkóonbí monia bo ki adímu mita in gamáanbí bo tubáan kobia-biagpa.

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

YEHEZKIEL 43:8

Dungkuḷmai in datu mita monia in momia kon ḷoḷuang mita bo oigi mita in komaḻig monia kon sí in ḷoḷuang bo oigi mita in Baḷoi-Ku, dá tongádon dinding tobatú in kon sigadnea. Mosia in nongotordon kon tangoi-Ku inta motusi pinongin aid monia inta mokorongó. Tuamai in iyopú-Ku in mosia kon bonu in torú-Ku.

YEHEZKIEL 6:10

Dá kotaauandon monia kon Akuoibí in ki Tuhan bo bayongan in tompoingat inta inogoi-Ku in deemanbí gogondok inta diá in mangaḻenea.”

YEHEZKIEL 6:12

Mosia komintan in mokonanambí kon bungai in torú-Ku. Intau mita inta moyayú kon poḷumbúan in motakit bo poḷat matoi; inta modiug in matoi kon poparangan; bo kiagatnea in matoi in gogoy.

YEHEZKIEL 7:3

Ki Tuhan in noguman, “Ei Israel, tanaa in noiangoidon in kopaḷutanmu. Iko in mokonanamdon kon torú-Ku. Iko in sisigan-Ku podudui in aidmu inta moromú.

YEHEZKIEL 7:8

Diádon moonggot bo moiko in mokonanamdon kon torú-Ku inta motoyang. Moiko in sisigan-Ku podudui in aidmu. Tuḻían-Kubí kon inimu in bayongan in aidmu inta moromú.

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

HOSEA 10:10

Akuoi in monububí kon intau mita inta binaradosa tatua, bo mohukum kon i monia. Bangusa mita in moyodugangbí sin monayow kon i monia, bo mosia in hukumon popisí in dosa monia inta mobayong tatua.

ZAKHARIA 6:8

Onda intua malaekat tatua noguman kon inakó, “Kabaḷo inta minayá in Babel tatua in nopoonow kon torú i Tuhan.”

ULANGAN 28:63

Ná pia in gina i Tuhan nobogoi in kobiagan motompia kon inimu bo modugang kon kobayongmu, yo natua doman in kososanang in gina-Nea moyompat bo moyopú kon i monimu. Moiko in poḷuaiondon nongkon butá inta diádon moonggot in ḻitúan monimu.

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.