YEHEZKIEL 5:11 - Alkitab Singog In Mongondow Masa In Tanaa

¹¹ Akuoi in ki Allah inta nobiag, ki Tuhan Inta Totok in moḷantud, bo naa in tosingogon-Ku: Popisí in iko ain nongotor kon Baḷoi-Ku pinongin aidmu inta moraat bo mokorongó, dá rimumudon-Ku in iko takin diábí in ampung.

YEHEZKIEL 5:11 ပူးပေါင်းရင်းမြစ်များ

DATU MITA 2 21:4

Ki Tuhan in ain noguman kon Yerusalem in tampat koangoian-Nea bo tampat pooibadaan kon i-Nia, táe kon tua kon Baḷoi Tuhan, ki Manasye in noposindogdon in mezbah mita kon dewa mita.

DATU MITA 2 21:7

Lambang i Dewi Asyera in sinagúnea kon bonu in Baḷoi Tuhan, bokaka soaḷ tampat tatua ki Tuhan in nogumandon kon i Daud bo kon i Salomo ki adínea ḷoḷaki, “Baḷoi-Ku bo Yerusalem naa, inta ain piniḻí-Ku nongkon sigad in butá in suku in Israel inta mopuḷú bo doyowa, in tampat inta ain sinantú-ku mobaḻí tampat pooibadaan kon i-Nakó.

DATU MITA 2 23:12

Mezbah mita inta pinosindog in datu mita in Yohuda kon atop kon ḻimonik mita in gopot i Datu Ahas in irimumud. Ná doman tua in mezbah mita inta pinosindog i Datu Manasye kon bosí posiḷosi in Baḷoi Tuhan, irimumud i Yosia, bo iḷumbú kon Ḷopá in Kidron.

TAWARIKH 2 33:4

Ki Tuhan ain noguman kon modapot in mononoi Yerusalem in mobaḻíbí tampat pooibadaan kon i-Nia, táe kon tua kon Baḷoi Tuhan tatua, ki Manasye in noposindogdon in mezbah mita kon dewa mita.

TAWARIKH 2 33:7

Patong in berhala inukatnea kon bonu in Baḷoi Tuhan, bokaka tampat tatua in pinoguman bidon i Allah kon i Daud bo kon i Salomo ki adínea ḷoḷaki, “Baḷoi-Ku kon Yerusalem naa, inta ain piniḻí-Ku nongkon sigad in mopuḷú bodoyowá in butá in suku Israel, in tampat inta ain sinantú-Ku nobaḻí tampat pooibadaan kon i-nakó modapot in mononoi.

TAWARIKH 2 36:14

Koḻikud intua, Baḷoi Tuhan inta ain sinantú i Tuhan tontaní kon i-Nia, pinonajisdon in itoi mita in Yohuda, in imang mita bo in rayat, sin mosia in dinumudui nosumba kon berhala bo dinumudui kon kobobiag inta binaradosa nongkon bangusa mita inta kon diugmai monia.

AYUB 27:22

Sia in dinangatan takin diá in tabi, bo nopakisa notayak kon pogadopan.

MAZMUR 107:39

Táe mosia in sinaḷow bo dongkadon topiḻik popisí in roriga bo pinondorotan inta noḻingá.

MAZMUR 95:11

Dá Akuoi in nongibot kon bonu in torú-Ku, mosia in diábí tumuot kon butá tatua bo mokouḻí kon pogogaian takin-Ku.”

YEREMIA 10:24

Sambokdon in kami o Tuhan, táe dikabí sambokon moiḻiu in konakitnea. Dika doman mohukum kon inami aka Iko koyogot in tumorú, sin notantú bidon kon moyopú in kami komintan.

YEREMIA 16:18

Dosa bo aid monia moraat in tuḻían-Kubí pongin hukuman kodua noguntuḷ, sin mosia in noponajisdon kon butá-Ku takin berhala mita. Berhala mita tatua in diábí konyawa naonda bo mayat.”

YEREMIA 32:34

Nodapotbí in baḷoi inta pinosindog poibadaan kon i-Nakó ain pinonajis monia pinongin nogukat kon berhala mita monia inta mokorongó kon tampat tatua.

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

OMBAḶ 2:17

Ki Tuhan in nogaidon kon onu inta pinogogondoknea inta koḻipod in sinomayá bo pinotoingat-Nea kon inaton. Kita in irimumud takin diábí in tabi, musung in pinountung-Nea binaḻí-Nea noḷunganga in gina monia in nokoontong kon kinoḷabúan naton.

OMBAḶ 2:21

Moguyang bo moguod minatoi noitongkob kon daḷan, tayowmobiag bo mongodeaga minatoi sinotad. Kon singgai Iko sinumorú, iratá-Mu in mosia takin diá in tabi.

YEHEZKIEL 11:18

Aka mosia mobui, mosia in moḷumbúdon kon bayongan in berhala inta moraat bo mokorongó inta nouḻí monia.

YEHEZKIEL 11:21

Táe intau mita inta moibog mosumba kon berhala mita inta moraat bo mokorongó in hukumon-Kubí popisí in dodia monia inta moraat tatua.” Natuata in singog i Tuhan Inta Totok in moḷantud.

YEHEZKIEL 23:28

Ki Tuhan Inta Totok in moḷantud in noguman, “Akuoi in mobogoibí kon inimu in intau mita inta mokobú bo inta kinodoímu.

YEHEZKIEL 23:38

Bo deemanbí tongá tua. Mosia in noponajis doman kon Baḷoi-Ku bo singgai in Sabat inta ain sinantú-Ku.

YEHEZKIEL 23:39

Kon singgai mosia noḻimod kon i adí-Ku mita bodongka pinosumba kon berhala mita, doyowa mogutat tatua namangoi in Baḷoi-Ku bo nopokotormai kon tua!

YEHEZKIEL 24:14

Akuoi, ki Tuhan Inta Totok in moḷantud ain nosingog. Noiangoidon in wakutunea mopoaid. Diábí koḻiongan-Ku in dosamu bo diábí doman mongampung andeka monotabi kon inimu. Iko in hukumonbí podudui in bayongan in oaidmu. Akuoi ki Tuhan Inta Totok in moḷantud ain nosingog.”

YEHEZKIEL 29:15

inta moiḻiu in yangkó kon sinangkub in dunia. Baḻíon-Ku in moiko totok in moyangkó dá moiko in diábí mokoparenta kon bangusa mita ibanea andeka dumodia kon monia.

YEHEZKIEL 33:11

Potaaudon kon i monia, kon podoyon kon i-Nakó, ki Allah inta nobiag, ki Tuhan Inta Totok in moḷantud, diábí mopia in gina-Ku, aka intau moraat matoi; ibogon-Ku in sia in monaḷámai kon dosanea mita sinbá sia in umuran mobiag. Ei bangusa in Israel, pogogaidon in mogaid kon inta moraat! Nongonu sin moibogbí in moiko matoi?

YEHEZKIEL 43:8

Dungkuḷmai in datu mita monia in momia kon ḷoḷuang mita bo oigi mita in komaḻig monia kon sí in ḷoḷuang bo oigi mita in Baḷoi-Ku, dá tongádon dinding tobatú in kon sigadnea. Mosia in nongotordon kon tangoi-Ku inta motusi pinongin aid monia inta mokorongó. Tuamai in iyopú-Ku in mosia kon bonu in torú-Ku.

YEHEZKIEL 44:7

Mosia in nongotordon kon Baḷoi-Ku, sin kon dodai in ḷongó bo dugú in kuruban pinosumba kon inakó, inogoibí monia sinumuot in intau mita ango-angoi inta diá sinoit, bo inta diá doman motoḷutui kon i-Nakó. Aid monia inta mokorongó tatua, noponiata kon mosia in iḻimimpatdon kon dodandian-Ku takin i monia.

YEHEZKIEL 5:7

Ki Tuhan Inta Totok in moḷantud in noguman, “Ei Yerusalem, Indongogaidon! Iko in diá notoindudui kon parenta-Ku mita bo hukum-Ku mita; pinomaḻidawanmu in noiḻiudon kon bangusa mita ibanea kon ḻibumumai, bo dinumuduidon kon adat kabiasaan in bangusa mita tatua.

YEHEZKIEL 7:20

Dungkuḷmai mopia in gina monia kon permata monia inta mongogaga, táe popisí in pinakédon monia nomia kon berhala mita inta mokorongó, dá binaḻí i Tuhan in kapunyaan monia nobaḻí inta mokokoningkim.

YEHEZKIEL 7:4

Akuoi in diá bidon motabi andeka mongampung kon inimu. Akuoi in mohukumbí kon inimu podudui in bayongan in aid moraat inta ain inaidanmu. Dá kotaauanmudon kon Akuoibí in Tuhan.”

YEHEZKIEL 7:9

Akuoi in diábí motabi andeka mongampung kon inimu. Akuoi in mohukumbí kon inimu podudui in bayongan in aid moromú inta ain inaidan monimu. Dá kotaauandon monimu kon Akuoibí in ki Tuhan bo Akuoibí in nohukum kon i monimu.”

YEHEZKIEL 8:15

Ki Tuhan in noḻibó kon inakó, “Ei intau inta ilo-ilow, inontongmu intua? Nobarongpabí in moiḻiu in mokorongó.”

YEHEZKIEL 8:16

Dinia-Nea in akuoi kon dangkuḷon kon bonu in Baḷoi Tuhan. Kon diug in ngara tuotan kon yuang motusi, kon sigad in mezbah bo lorong, doyowa nopuḷú bo ḻima in intau. Mosia in nonoḻikud kon yuang motusi, bo dinumokó sinumayow kon pomukaan bo nosumba kon mata in singgai inta momuká.

YEHEZKIEL 8:18

Mosia in mokonanambí kon torú-Ku inta motoyang! Diábí ampungan-Ku in mosia. Umpakabí mosia momaḷú in mosambayang kon i-Nakó, momaḷúkabí moropot totok, yo doíbí in Akuoi mokidongogmai!”

YEHEZKIEL 9:10

Akuoi in diá bidon motabi kon i monia. Poaid-Kubí kon i monia in onu inta ain pinopoaid monia kon intau ibanea.”

YEHEZKIEL 9:5

Dinongogku in ki Allah in noguman kon intau mita ibanea, “Duduiaidon in sia kon bayongan siku in kotá bo ḻimodon bayongan in intau takin dika ampungan.

IMAMAT 15:31

Ki Tuhan nopotabá kon i Musa moponorop kon bangusa Israel sinbá monarukira mongo kon dodai onda mosia monajis bo diá monajis, sinbá mosia diá moponajis kon Ḷoḷaigan i Tuhan inta kon yua-yuak in ḷoḷaigan monia. Aka mosia moponajis in Ḷoḷaigan tatua, yo matoi in mosia.

AMOS 8:7

Ki Tuhan, Allah in bangusa in Israel, ain nongibot, “Akuoi in diábí mokoimontanmai in mokoḻiong kon aid monia inta moraat.

ZAKHARIA 11:6

Akuoi in diá bidon motabi kon i inekabí kon butá tanaa. Akuoi tontaní in moposarakan kon bayongan in intaunea mita kon pongawasa mita. Mosia tua in morimumud kon butá tanaa, bo Akuoi in diá bidon mogagow bui nongkon kawasa monia.”

MALEAKHI 3:17

Ki Tuhan Inta Totok in mokawasa in noguman, “Mosia in mobaḻí umat-Ku. Kon singgai Akuoi mopobayá in oaidan-Ku, mosia in mobaḻí umat inta totok in kinotabi-Ku. Kotabi-Kubí in mosia, naonda bo guyanga ḷoḷaki motabi kon i adínea inta nogaid dinumudui kon ibognea.

SURAT I PAULUS KON JAMAAT RUM 11:12

Popisí in intau Yahudi kotaḷá bo doí dumudui kon kinoibog i Allah, dá intau mita ibanea in binarakatan i Allah. Apa doman hubungan in bangusa Yahudi bo i Allah in motompiadon bui; tantú lebebí moḷoben in barakat ogoi i Allah kon i monia!

SURAT I PAULUS KON JAMAAT RUM 11:21

Sin aka ki Allah bo diá motabi in moḷumbú kon intau mita in Yahudi inta pinoumpama tanga taakan tua, yo dikabí kai monimukamai oyúonbí in tabi-Nea in moḷumbú kon i monimu!

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

IBRANI 6:13

Sin wakutu in ki Allah nodandi kon i Abraham, nongibot in Sia kon totu-totuubí mobaḻí in onu in pinodandi-Nea tatua. Bo lantaran diábí in moḷantu-ḷantud nongkon i-Nia, dá nongibot in Sia pinodoyon kon tangoi-Nea tontaní.