YEHEZKIEL 5:10 - Alkitab Singog In Mongondow Masa In Tanaa

¹⁰ Guyanga in mokaandon kon i adínea tontaní bo adí in mokaandon kon guyanganea. Natuata in pohohukum-Ku kon i monia, bo inta mobiagpa in porariton-Ku kon bayongan in tampat.

YEHEZKIEL 5:10 ပူးပေါင်းရင်းမြစ်များ

DATU MITA 2 6:29

Tuamai in dinungúdon nami in ki adíku bo kinaan nami. Nopoikoḷomai kon singgai naonda in inigumku sinbá dungúondon nami in ki adínea, binunineadon in adí tatua!”

NEHEMIA 1:8

Oo Tuhan, toropdon in tosingogon-Mu mita inta siningog i Musa pinodoyon kon parenta-Mu, kon aka kami, umat in Israel, diá mosatia kon ini-Mu, kami in porariton-Mu kon sigad in bangusa mita ibanea.

MAZMUR 44:11

Pinomayá-Mu mako in kami in moḷagui kon musung nami, bo mosia in nogagow kon kapunyaan nami.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 9:20

Intau in Manasye bo intau in Epraim mositubuan, bo moyotakin monayow kon Yohuda. Táe ki Tuhan in sinumorúpabí bo umuran mohukum.

YEREMIA 13:14

Bo mosia in poyodatongon-Ku. Nogurang bo noguod in pomiaan-Ku natua takin diábí in ampung. Mosia in yopúon-Kubí takin diábí in tabi andeka diábí in ampung. Akuoi, ki Tuhan, ain nosingog.”

YEREMIA 19:9

Musung in moḻipungbí kon kotá tanaa, bo moḷongasi moḻimod kon intau inta nogutun kon bonunea. Pongopungan tatua in námaidon tua in kotoyangnea, nodapot in intau mita kon kotá tanaa mosikaanandon kon tumpaḷa yobayat, nodapot in ki adí mita monia tontaní.”

YEREMIA 44:12

Bo aka intau in Yohuda inta ki agatnea oyúon in tantú moibog mayá in Mesir sin mogutun kon tua, yo moyopúbí komintan in mosia. Mosia komintan, moḷoben mointok, in matoibí kon Mesir kon bonu in parang andeka popisí in gogoy. Intau in mokoningkimbí in mokoontong kon i monia bo moningkuḻe kon i monia. Tangoi monia in pakéonbí saḷaku kutukan.

YEREMIA 49:32

Ki Tuhan in noguman bui kon i Nebukadnezar, “Agowdon in unta mita bo bayongan in bobiagon monia! Intau mita inta buoknea ginonsingan nopoḷok tua in porariton-Ku magí mako. Popoangoi-Kubí in bodito kon i monia nongkon bayongan in tampat.

YEREMIA 49:36

Akuoi in mopoirupbí in tompot pobayá ná Elam nongkon bayongan in tampat, bo moporarit kon intaunea mita kon bayongan in tampat modapot in diábí tobatúmai in butá in diá koangoian in moḷoḷagui mita nongkon Elam tua.

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

YEREMIA 9:16

Mosia in porariton-Ku kon sigad in bangusa mita inta diá kinotaauan monia andeka in mogoguyang monia. Akuoi in umuranbí mopotabá in tontara inta monubu kon i monia modapot in Akuoi momutú kon i monia komintan.”

OMBAḶ 2:20

Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

OMBAḶ 4:10

Totuu motoyang in bodito tatua inta noiantug kon umatku nodapot in iná mita inta gina moaḷus in noḷagádon kon i adínea tontaní sin kaanon pomonu kon sian.

OMBAḶ 4:16

Ki Tuhan in diá bidon noindoimai kon umat-Nea; Siabí tontaní in noporarit kon i monia bo binaḻí-Nea in imang mita diádon ihoromat; itoi mita diábí in nonotabi.

OMBAḶ 4:3

Nodapot in ki iná in serigala yo mopotetébí kon i adínea, táe umat-Ku in totokbí in moḻingá naonda bo ḷagapan unta kon rawang.

YEHEZKIEL 12:14

Bayongan in mogogutun kon komaḻig, takin doman monononggina bo moḷoḷukad i datu tua in porariton-Kubí kon bayongan in tampat. Mosia in duduran-Kubí bo ḻimodon.

YEHEZKIEL 12:15

Kon tungkuḷ in mosia porariton-Ku kon yua-yuak in bangusa mita ibanea kon butá mita in intau, yo kotaauandon monia kon Akuoibí in ki Tuhan.

YEHEZKIEL 17:21

Tontaranea inta totok in mopia in matoibí kon poparangan, bo inta mokoḷagui in moiraritdon magí mako. Dá kotaauandon in umat-Ku kon Akuoi, ki Tuhan ain nosingog.”

YEHEZKIEL 20:23

Kon rawang in bungaion doman tatua nongibot in Akuoi kon porariton-Kubí in mosia kon sinangkub in dunia,

YEHEZKIEL 22:15

Porariton-Kubí in intaumu mita kon sinangkub in butá bo bangusa, bo popogogaion-Kubí in aidmu inta moraat tua.

YEHEZKIEL 36:19

Mosia in ihukum-Ku pinodoyon kon kobobiag bo dodia monia, bo pinorarit-Ku in mosia kon butá mita in intau ibanea.

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.

YEHEZKIEL 5:2

Tongosilai in musti tubáanmu kon yua-yuak in kotá tatua naonda in mopaḷutdon in pongopungan. Tongosilai doman in musti tota-totadonmu in kedangmu sindaḷan moḻibu kon kotá tatua. Bo tosilai imbuitnea musti potabudonmu kon baḷangon, bo batukon-Ku in kedang-Ku.

YEHEZKIEL 6:8

Topiḻik nongkon i monia in posaḷamaton-Kubí nongkon ponotadan tatua táe mosia in poraritonbí kon sigad in bangusa mita;

DANIEL 9:7

Oo Tuhan, aid-Mu umuranbí moitombutung bo moadil, táe kami in umuranbí mokopoangoi kon oyá kon inami tontaní, tuata in kami inta nogutun kon Yudea bo kon Yerusalem bo bayongan in intau tongobangusa nami inta ain pinorangkap-Mu kon butá mita inta nongoyayú bo inta nongodiug popisí in mosia diá motoindudui kon ini-Mu.

IMAMAT 26:29

Moiko in gogoiondon totok, modapot in ki adí mita monimu kaanondon monimu tontaní.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

AMOS 9:9

Akuoi in momarentabí bo moguab kon bangusa in Israel naonda bo intau moguab kon gandum kon bonu in digu. Sin moḷumbú kon bayongan inta diá in mangaḻenea kon sigad monia, Poyotombaukon-Kubí in mosia kon yua-yuak in bangusa mita.

ZAKHARIA 2:6

Ki Tuhan in noguman kon umat-Nea, “Akuoi in noporaritdon magí-mako kon i monimu kon bayongan in tampat. Táe tanaa intau mita inta sinokoḷumbú in poḷaguidon nongkon Babel bo pobuidon mangoi kon Yerusalem.

ZAKHARIA 7:14

Naonda bo deḷang, Akuoi in nongaitdon kon i monia dá pakisadon in mosia nogutun kon butá mita in intau. Butá inta mopia tanaa ain nobaḻí noingongow diádon in mogogutun bo noḷogatdon.”

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.

ULANGAN 32:26

Akuoi in moibogdon moyopú kon i monia komintan, sinbá mosia in diádon kotoropan bui.

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.