YEHEZKIEL 48:19 - Alkitab Singog In Mongondow Masa In Tanaa

¹⁹ Intau mita nongkon bayongan in suku in Israel inta nogutun kon kotá tatua motaaubí in mononggobá kon butá tatua.

YEHEZKIEL 48:19 ပူးပေါင်းရင်းမြစ်များ

YEHEZKIEL 45:6

Koḻikud in butá inta motusi tatua, musti poyotondíon in tongosilai in butá inta kobanatnea mogatut bo doyowa nopuḷú bo ḻima noribu nometer bo kooḷadnea in doyowa nopuḷú bo ḻima noribu nometer, sin pomiaan kon kotá tobatú inta motaau pogutunan i inekadon nongkon bangusa in Israel.

YEHEZKIEL 48:18

Kon dotá in pomukaan bo dotá in toyopan kon kotá tatua oyúon in lapangan inta kon batúannea ukurannea in mogatut bodoyowá nopuḷú boḻima noribu nometer. Lapangan doyowa tatua in pinaké nobaḻí ponononggobáan in intau in kotá.

YEHEZKIEL 48:20

Dá, bayongan in butá tatua, noitakin doman in butá inta ain sinantú bo butá inta pomiaan kon kotá, notonggopat ukurannea in mogatut bo doyowa nopuḷú boḻima noribu nometer kon batúan in sínea.