YEHEZKIEL 48:1 - Alkitab Singog In Mongondow Masa In Tanaa

^1-7 Pinosigadan in butá kon dotá in utuan sinimiḷanggó ná pomukaan, pinangkoi kon Dagat Toyuak nopobayá in kotá in Hetlon, daḷan tumuot kon Hamat, kotá in Hazar-Enan, nodapot kon pinosigadan kon sigad in kotá in Damsyik bo kotá in Hamat. Suku mita noiduduimai naa in kon batúannea musti mokouḻí kon tongosilai nongkon butá inta inumoḷad nongkon pinosigadan kon dotá in pomukaan nopobayá ná toyopan nodapot kon Dagat Toyuak, nopipid ná noiduduimai naa nongkon utuan nopobayá ná toḷatan: Dan Asyer Naptali Manasye Epraim Ruben Yohuda

YEHEZKIEL 48:1 ပူးပေါင်းရင်းမြစ်များ

SAMUEL 2 24:2

Bo ki Daud in nogumandon kon i Yoab Tongguḷu totokan in tontaranea, “Bayádon takin porwiramu mita kon bayongan in suku Israel bo kon bayongan in butá sin mogiap kon intau. Moibog in akuoi monotaau kon kobayong monia.”

YEHEZKIEL 47:13

Ki Tuhan Inta Totok in moḷantud in noguman, “Naadon in sigad mita in butá inta sinilai kon mopuḷú bodoyowá in suku in Israel. Suku i Yusup in silainea in doyowa notonsilai.

YEHEZKIEL 47:20

Pinosigadan kon dotá in toyopan sinompid in Dagat Toyuak, bodongka nopobayá ná utuan kon tampat tobatú kon dotá in toyopan daḷan tumuot in Hamat.

YEHEZKIEL 47:23

Bayongan in intau ango-angoi mustibí ogoian in butá moyotakin in suku in Israel kon onda in pinogutunannea. Akuoi, ki Tuhan Inta Totok in moḷantud ain nosingog.”

YOSUA 19:48

Kotá mita bo ḻipú mita tatua noiukat kon bonu in butá inta inogoi kon motoḷuadí mita inta kon bonu in suku Dan sin mobaḻí kapunyaan monia.