YEHEZKIEL 47:3 - Alkitab Singog In Mongondow Masa In Tanaa

³ Sindaḷan nopogukur in tungkud pogogukurnea, ḷoḷaki tatua in nodia kon inakó nosiḻig dinumudui in tubig tatua nopobayá ná pomukaan ḻima nogatut nometer in koyayúnea, bodongka pinotabánea in akuoi iḷumoḷan. Kon tampat tatua kodaḷom in tubignea tongá komangoi in poguḻingkitan in sioḷ.

YEHEZKIEL 47:3 ပူးပေါင်းရင်းမြစ်များ

YEHEZKIEL 40:3

Akuoi in dinia-Nea kon tua bo inontongku in ḷoḷaki tobatú inta mopouḻi-uḻinag naonda bo porunggu sinimindog kon diug in bonawang. Nokadai mako in sia kon tontogot pogogukur nongkon linen bo kayu pogogukur.

YEHEZKIEL 47:2

Onda intua ḷoḷaki tatua in nodia kon inakó iḻumuai sinumaḻib in bonawang utuan bo nokapit kon inakó minayá in bonawang dotá in pomukaan. Ongkag mointok tatua noiḻig nongin bingkínea kon dotá in toḷatan bonawang tatua.

YEHEZKIEL 47:4

Onda intua sia nogukur kon ḻima nogatut nometer bui, bo kon tua tubignea in nodapot kon duḷud. Sia in nogukur bui kon ḻima nogatut nometer, bo tubignea kon tua in noidapotdon in ogotan.

ZAKHARIA 2:1

Kon oontongon noiduduimai akuoi in nokoontong kon ḷoḷaki tobatú inta nokadai kon meter pogogukur.

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

LUKAS 24:49

Sin onu inta ain pinodandi i Amá kon i monimu, Akuoibí in mobogoi. Táe moiko in musti umuran mogoḷat kon kotá tanaa modapot ogoiandon i Allah in kawasa in moiko.”

OUMAN IN RASUL MITA 2:33

Sia biningkat bo inogoian in tampat pomomarentaan inta moḷantud, bo inogoian i Allah in kawasa, bo notarima kon Roho i Allah inta ain pinodandi tua, bo Roho doman tatua in inogoi-Nea kon inami naa, tuata inta inontong bo dinongog monimu kon naa,

OUMAN IN RASUL MITA 2:4

Mosia tua in komintandon kinawasa in Roho i Allah. Dá nomangkoidon in mosia nosingog nomaké in bahasa in intau ibanea. Mosia in nosingog podudui in singog inta inogoi in Roho i Allah singogon.

WAHYU 11:1

Nopaḷut mako kon tua akuoi inogoian in kayu topongkó naonda bo tungkud pogogukur, takin koyow, “bayádon ukur in Baḷoi Tuhan bo meja pogogukatan kon sosumba, bo iapdon in mosia inta noibada kon bonunea.

WAHYU 21:15

Kon Malaekat inta noyosingogku tatua oyúon in tungkud pogogukur inta pinomia nongkon buḷawan sin pogogukur kon kotá, kon ngaranea mita bo kon dindingnea.