YEHEZKIEL 47:2 - Alkitab Singog In Mongondow Masa In Tanaa

² Onda intua ḷoḷaki tatua in nodia kon inakó iḻumuai sinumaḻib in bonawang utuan bo nokapit kon inakó minayá in bonawang dotá in pomukaan. Ongkag mointok tatua noiḻig nongin bingkínea kon dotá in toḷatan bonawang tatua.

YEHEZKIEL 47:2 ပူးပေါင်းရင်းမြစ်များ

YEHEZKIEL 40:35

Imbuitnea ḷoḷaki tatua nodia kon inakó minayá in bonawang utuan. Sia in nogukur kon bonawang tatua bo ukurannea in notongkai in bonawang mita ibanea.

YEHEZKIEL 44:2

ki Tuhan in noguman kon inakó, “Bonawang tanaa in mustibí umuran moiḻingkop mako bo diábí motaau in bukatan. Diábí tobatúmai in intau in motaau tumuot kon tua, sin Akuoi, ki Tuhan Allah in Israel, ain sinumuot kon Baḷoi-Ku nongin bonawang tanaa. Dá, bonawang tanaa in mustibí umuran ḻingkopan.

YEHEZKIEL 44:4

Onda intua ḷoḷaki tatua nodia kon inakó minayá in bonawang kon dotá in utuan inta noyogintayowan in Baḷoi Tuhan. Sinaridianku mako, bo inontongku in Baḷoi Tuhan tatua kinokoḷubungan in sindar mopouḻi-uḻinag inta nobaḻí tomponuot kon kinoangoian i Tuhan. Bo inumobat in akuoi bo nosundud,

YEHEZKIEL 47:1

Ḷoḷaki tatua in nodia kon inakó nobui kon ngara tumuot kon Baḷoi Tuhan. Inontongku in tubig noiḻig nongkon ḻimonag in ngara tatua nopobayá ná pomukaan, ná doman Baḷoi Tuhan inta noitayow kon dotá in pomukaan. Tubig tatua in noiḻig nongkon ḻimonag in ngara in Baḷoi Tuhan kon dotá in toḷatan nongin sí dotá in toḷatan nongkon mezbah.

YEHEZKIEL 47:3

Sindaḷan nopogukur in tungkud pogogukurnea, ḷoḷaki tatua in nodia kon inakó nosiḻig dinumudui in tubig tatua nopobayá ná pomukaan ḻima nogatut nometer in koyayúnea, bodongka pinotabánea in akuoi iḷumoḷan. Kon tampat tatua kodaḷom in tubignea tongá komangoi in poguḻingkitan in sioḷ.