YEHEZKIEL 45:2 - Alkitab Singog In Mongondow Masa In Tanaa

² Bo pogaidan kon Baḷoi Tuhan in sinadia nongkon butá tatua tongosilai inta notonggopat, ukurannea in doyowa nogatut bo ḻima nopuḷú nometer kon batúan in sínea, bo iḻibu in lapangan kooḷadnea in doyowa nopuḷú bo ḻima nometer bo kon tuata in musti poposindogan in Baḷoi Tuhan.

YEHEZKIEL 45:2 ပူးပေါင်းရင်းမြစ်များ

YEHEZKIEL 27:28

Moḷoḷeagmu mita in kinumarak popisí in noondok karaknea in kodongogan kon pintad mita in dagat.

YEHEZKIEL 42:15

Naonda in nopaḷut mako in ḷoḷaki tatua nogukur kon bangunan in Baḷoi Tuhan kon dotá in bonunea, dinianea in akuoi iḻumuai nongin bonawang pomukaan, bo nogukur kon ḻibu in Baḷoi Tuhan.

YEHEZKIEL 43:21

Onda intua, gamádon in sapi koḷakian inta pakéon potobut kon dosa tatua, bo tubádon kon tampat inta ain sinantú, inta kon ḷuai in tampat motusi kon Baḷoi Tuhan.

YEHEZKIEL 45:1

Kon tungkuḷ in butá tatua diápa silaion mobaḻí butá budel kon batúan in suku, yo mustibí tontaníon in tongosilai kon i Tuhan. Butá tatua in kobanatnea in musti mopuḷú bodoyowá noribu bo ḻima nogatut nometer, bo kooḷadnea in mopuḷú noribu nometer. Komintan butá tatua in sinantú motusi.

YEHEZKIEL 45:3

Tongobotak in butá tatua, inta kobanatnea in mogatut bo doyowa nopuḷú bo ḻima noribu nometer, bo kooḷadnea in ḻima noribu nometer musti sadiaan kon poposindogan in Baḷoi Tuhan, tuata in butá inta totok in motusi.