YEHEZKIEL 42:9 - Alkitab Singog In Mongondow Masa In Tanaa

^9-10 Kon ḻimonagan in gopot mita inta kon popod kon dotá in pomukaan kon baḷoi tanaa, bo kon popod in dinding, oyúon in ngara inta mopobayá in dangkuḷon kon dotá in ḷuai. Kon dotá in toḷatan nongkon Baḷoi Tuhan, oyúon in baḷoi inta notongkai, noiukat diá noyayú kon baḷoi inta kon dotá in toyopan.

YEHEZKIEL 42:9 ပူးပေါင်းရင်းမြစ်များ

YEHEZKIEL 44:5

bo ki Tuhan in noguman kon inakó, “Ei intau ilo-ilow, taridiai kopia onu inta inontongmu bo inta dinongogmu. Akuoi in mopotaaudon kon inimu in bayongan in atorang bo hukum soaḷ baḷoi-Ku tanaa. Paisdon kopia mongo ki ine mako in ogoi tumuot kon bonu in Baḷoi-Ku bo ki ine doman mako in diá ogoi tumuot.

YEHEZKIEL 46:19

Onda intua ḷoḷaki tatua nodia kon inakó nongin ngara kon diug in bonawang, mopobayá in gopot mita motusi inta noitayow kon utuan. Gopot mita tatua in sinadia kon imang mita. Ḷoḷaki tatua in notundú kon yuang kon popodnea kon dotá in toyopan,