YEHEZKIEL 41:19 - Alkitab Singog In Mongondow Masa In Tanaa

¹⁹ tobatú in pogot in intau inta sinumayow kon pangkoi in palem kon dotá in koḷoigi, bo pogot in singa in sinumayow kon pangkoi in palem inta kon dotá in koḷanan. Kurigan mita tatua in oyúonbí kon bayongan in Baḷoi Tuhan,

YEHEZKIEL 41:19 ပူးပေါင်းရင်းမြစ်များ

DATU MITA IMITÁNEA 7:29

Dopí mita tatua iḷambáan in kurigan in singa, sapi bo kerub. Kon bongkownea mita – kon ḻimonik bo kon ḻimonag in gambar mita in singa bo sapi tatua – noibambé in kurigan in bungang mita.

YEHEZKIEL 1:10

Batúan in mahaḷuk tatua in kopogot opat inta noyo-noyoposi; pogot in intau in kon muna, pogot in singa in kon dotá in koḷanan, pogot in bantong in kon dotá in koḷoigi, bo pogot in boniá in kon tumi.

YEHEZKIEL 10:14

Batúan in kerub tatua opat in pogotnea inta noyoposi. Pogotnea muna in pogot in bantong, induanea pogot in intau, intoḷunea pogot in singa, bo inggopatnea pogot in boniá.

YEHEZKIEL 10:21

Kerub mita tatua kon batúannea opat in pogotnea, doyowa nogapang in koḻikip, bo oyúon doman in inta ná ḻima in intau kon ḻimonag in koḻikip mita tatua.