YEHEZKIEL 41:18 - Alkitab Singog In Mongondow Masa In Tanaa

¹⁸ in pangkoi in palem bo kerub, tobatú in pangkoi in palem kon sigad in kerub doyowa. Kerub tatua in doyowa in pogotnea,

YEHEZKIEL 41:18 ပူးပေါင်းရင်းမြစ်များ

DATU MITA IMITÁNEA 6:35

Dopí ḷoḻingkop mita tatua iḷambáan in kurigan kerub, pangkoi in palem bo bungang mita inta nosokar. Bayongan in kurigan tatua inaipan in buḷawan.

DATU MITA IMITÁNEA 7:29

Dopí mita tatua iḷambáan in kurigan in singa, sapi bo kerub. Kon bongkownea mita – kon ḻimonik bo kon ḻimonag in gambar mita in singa bo sapi tatua – noibambé in kurigan in bungang mita.

DATU MITA IMITÁNEA 7:36

Oigi mita pogogopod bo dopí mita tatua iḷambáan in gambar in kerub, singa, bo pangkoi in palem kon ondaka in tampat inta nokosong, sinakinan in bungang mita inta pinoḻibu.

TAWARIKH 2 3:5

Yuang inta totokanea in dininding in kayu ḷokuyú inta notompiḻí mopia bo inaipan in buḷawan nogurang. Kon gaipan in buḷawan tatua oyúon gambar in pangkoi in palem inta kinurig bo gambar in rante.

TAWARIKH 2 3:7

Sia in nopogaip doman in buḷawan tatua kon dinding mita in Baḷoi Tuhan tatua, saḷabakunea mita, ngara mita in ḷoḻingkop bo ḷoḻingkopnea mita. Dindingnea mita in kinurigan gambar in kerub.

YEHEZKIEL 1:10

Batúan in mahaḷuk tatua in kopogot opat inta noyo-noyoposi; pogot in intau in kon muna, pogot in singa in kon dotá in koḷanan, pogot in bantong in kon dotá in koḷoigi, bo pogot in boniá in kon tumi.

YEHEZKIEL 10:14

Batúan in kerub tatua opat in pogotnea inta noyoposi. Pogotnea muna in pogot in bantong, induanea pogot in intau, intoḷunea pogot in singa, bo inggopatnea pogot in boniá.

YEHEZKIEL 10:21

Kerub mita tatua kon batúannea opat in pogotnea, doyowa nogapang in koḻikip, bo oyúon doman in inta ná ḻima in intau kon ḻimonag in koḻikip mita tatua.

YEHEZKIEL 40:16

Kon dinding tumi bo dinding sigad in gopot mita tatua in oyúon in dodimpayó mita mointok. Dinding mita kon dotá in bonunea inta noitayow kon lorong, iḷambáan kurigan in pangkoi mita in palem.

YEHEZKIEL 40:22

Bo yuangnea doman moḷoben, dodimpayónea mita, bo kurigan mita in kayu palem in notongkai doman in inta kon dotá in pomukaan. Pitu in tukad in nopobayá in bonawang tatua, bo kon popodnea oyúon in yuang moḷoben inta noitayow kon dangkuḷon dotá in ḷuai in Baḷoi Tuhan.

YEHEZKIEL 41:17

Bayongan in dinding kon dotá in bonunea iḷambáan in noyagi-yagimai in kurigan

YEHEZKIEL 41:20

pinangkoi kon taḷog nodapot kon ḻimonikan in ngara.

YEHEZKIEL 41:25

Ngara mita in Tampat Inta Totok in Motusi iḷambáan in kurigan mita in pangkoi in palem bo kerub mita, naonda bo kon dindingnea mita. Kon tayowon in yuang kon muna inta kon dotá in ḷuainea oyúon in toipoi nongkon kayu.

WAHYU 7:9

Nopaḷut mako kon tua akuoi in nokoontongpa bui kon intau inta modamaḷ totok, diádon tobatúmai in intau in mokoiyap kon kobayongnea tua. Mosia tua in intau mita inta nongkon bayongan bangusa, suku, negara bo bahasa. Mosia in sinimindog kon tayowon in tampat pomomarentaan tatua bo kon tayowon i Adí in Domba. Mosia komintan nogiḷambung in jubah nobudó bo kokada-kadai doman tanga in kayu palem.