YEHEZKIEL 40:5 - Alkitab Singog In Mongondow Masa In Tanaa

⁵ Bo akuoi in nokoontong kon Baḷoi i Tuhan inta iḻibu dininding. Ḷoḷaki tatua in nomangkoidon nogukur kon dinding tatua nomaké in kayu pogogukurnea inta koḷanggónea in toḷu nometer. Noniata magí dinding tatua koḷantudnea in toḷu nometer bo kobunodnea in toḷu doman nometer.

YEHEZKIEL 40:5 ပူးပေါင်းရင်းမြစ်များ

MAZMUR 125:2

Naonda bo buḷud mita mogoḻingoi kon Yerusalem, natuata in ki Tuhan moḷukad kon umat-Nea tanaa mako modapot in kopaḷutannea.

YESAYA 26:1

Kon dodai intua intau mopodondong in dondong tanaa kon butá in Yohuda “Totuu moroton in kotá naton; ki Allah tontaní in noposindog in benteng-Nea, kon naa mosaḷamat in kita.

YESAYA 60:18

Diá bidon in habar soaḷ aid diá mopia kon butámu, soaḷ korimumudan bo kogoguyaatan kon wilayahmu. Naonda bo dinding Akuoi in mogoḻiung kon inimu, bo iko in modayowbí kon i-Nakó nobaḻí Mopoposaḷamatmu.

YEHEZKIEL 41:8

Dinding dotá in ḷuainea tatua kobunodnea in doyowa bo tobotak nometer. Bangunan tatua in oyúon in ngaranea inta mopobayá in gopot mita kon dotá in utuan kon Baḷoi Tuhan, bo ngara ibanea inta mopobayá in gopot mita kon dotá in toḷatan. Kon ḻibu in Baḷoi Tuhan oyúon in teras inta kooḷadnea in doyowa bo tobotak nometer, toḷu nometer nongkon butá, bo pinotongkai in koḷantudnea in pondasi in gopot mita kon dinding in Baḷoi Tuhan. Kon sigad in teras bo bangunan mita inta pinaké in imang mita, oyúon in dangkuḷon inta kooḷadnea in mopuḷú nometer, kon dotá in koḷoigi koḷanan in Baḷoi Tuhan.

YEHEZKIEL 42:15

Naonda in nopaḷut mako in ḷoḷaki tatua nogukur kon bangunan in Baḷoi Tuhan kon dotá in bonunea, dinianea in akuoi iḻumuai nongin bonawang pomukaan, bo nogukur kon ḻibu in Baḷoi Tuhan.

YEHEZKIEL 42:20

Dá, koḷoben in butá kon Baḷoi Tuhan in notonggopat, ukurannea in tumododoyowa nogatut bo ḻima nopuḷú nometer kon pomuḷoi in sínea. Butá tatua in iḻibu dininding sin mopoyotondí in butá inta tongá posumbaan kon i Tuhan bo butá inta kon intau mita.

YEHEZKIEL 43:13

Naa in ukuran in mezbah podudui in ukuran inta pinaké kon mogukur kon Baḷoi Tuhan. Kon ḻibumai in sioḷ in mezbah oyúon in got inta koonagnea in tongobotak in meter bo kooḷadnea in tongobotak doman in meter, sínea kon dotá in ḷuai koḷantudnea in tongokoar in meter.

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

ULANGAN 3:11

Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

WAHYU 21:12

Dindingnea in moḷoben bo moḷantud, ngaranea in mopuḷú bodoyowá, bo iḷukadan in malaekat mopuḷú doman bodoyowá. Kon ngara mita tatua pinaisan in tangoi mita in mopuḷú bodoyowá suku in Israel.