YEHEZKIEL 40:16 - Alkitab Singog In Mongondow Masa In Tanaa

¹⁶ Kon dinding tumi bo dinding sigad in gopot mita tatua in oyúon in dodimpayó mita mointok. Dinding mita kon dotá in bonunea inta noitayow kon lorong, iḷambáan kurigan in pangkoi mita in palem.

YEHEZKIEL 40:16 ပူးပေါင်းရင်းမြစ်များ

DATU MITA IMITÁNEA 6:29

Bayongan in dinding kon dotá in bonu in Baḷoi i Tuhan in iḷambáan in kerub mita inta kinurig, pangkoi mita in palem, bo bungang mita inta nosokar.

DATU MITA IMITÁNEA 6:32

Dopí in ḷoḻingkop doyowa tatua iḷambáan in kerub inta kinurig, pangkoi in palem bo bungang mita inta nosokar. Dopí ḷoḻingkop, patong in kerub bo kurigan in pangkoi mita in palem, komintan inaipan in buḷawan.

DATU MITA IMITÁNEA 6:35

Dopí ḷoḻingkop mita tatua iḷambáan in kurigan kerub, pangkoi in palem bo bungang mita inta nosokar. Bayongan in kurigan tatua inaipan in buḷawan.

DATU MITA IMITÁNEA 6:4

Kon dinding in baḷoi tatua oyúon doman in bubú mita in jandela.

DATU MITA IMITÁNEA 7:4

Kon dinding koḷoigi bo koḷanan baḷoi tatua oyúon in jandela mita: toḷu nopipid kon dinding inta toḷosi in noyogintayow in toḷu nopipidan kon dinding ibanea. Bongkow in ngara mita bo jandelanea mita notonggopat.

TAWARIKH 2 3:5

Yuang inta totokanea in dininding in kayu ḷokuyú inta notompiḻí mopia bo inaipan in buḷawan nogurang. Kon gaipan in buḷawan tatua oyúon gambar in pangkoi in palem inta kinurig bo gambar in rante.

MAZMUR 92:12

Akuoi in nokoontong kon kinotaḷowan in musung mita, intau mita inta ain sinimindog nonayow kon inakó, tomayá mita monia inta moraat in dinongogkudon.

YEHEZKIEL 40:12

Kon tayowon in gopot mita poḷoḷukadan inta toto toḷu nometer mita tua, oyúon in dinding noompá inta tobotak in meter in koḷantudnea, bo kobunodnea in tobotak doman in meter.

YEHEZKIEL 40:15

Sigad nongkon bonawang kon dotá in ḷuai noidapot kon dinding in yuang moḷoben kon dotá inta noitayow kon Baḷoi Tuhan in doyowa nopuḷú boḻima nometer.

YEHEZKIEL 40:25

Dodimpayó in gopotnea mita notongkai in inta kon bonawang mita ibanea. Kobanat in lorong bonawang tatua in doyowa nopuḷú boḻima nometer, bo kooḷadnea in mopuḷú bodoyowá bo tobotak nometer.

YEHEZKIEL 40:26

Pitu notundug in tukad nopobayá ná bonawang tatua bo yuang doman moḷoben in kon popodnea, noitayow kon dangkuḷon dotá in ḷuai In Baḷoi Tuhan. Dinding mita kon dotá in bonunea inta noitayow kon lorong, iḷambáan in kurigan mita in pangkoi in palem.

YEHEZKIEL 40:29

Gopot mita poḷoḷukadan tatua, yuangnea moḷoben, bo dinding mita kon dotá in bonunea notongkai in bonawang mita ibanea. Gopot mita kon bonawang tanaa in oyúon doman in dodimpayónea mita. Lorong in bonawang tatua kobanatnea in doyowa nopuḷú bo ḻima nometer bo kooḷadnea in mopuḷú bodoyowá bo tobotak nometer.

YEHEZKIEL 40:31

Táe yuangnea moḷoben in noitayow kon dangkuḷon kon ḷuai. Dinding mita kon dotá in bonunea inta noitayow kon lorong, in iḷambáan doman in kurigan mita in pangkoi in palem. Waḷu notontagá in tukadnea tua nopobayá ná bonawang tatua.

YEHEZKIEL 40:33

Gopotnea mita poḷoḷukadan, dindingnea mita dotá in bonunea bo yuangnea moḷoben ukurannea in notongkai ná inta kon bonawang mita ibanea. Kon gopot mita tatua bo kon yuangnea moḷoben oyúon in dodimpayó mita. Kobanat in lorong bonawang tatua in doyowa nopuḷú boḻima nometer bo kooḷadnea in mopuḷú bodoyowá bo tobotak nometer.

YEHEZKIEL 40:34

Yuangnea moḷoben in noitayow kon dangkuḷon kon ḷuai. Dinding mita kon dotá in bonunea inta noitayow kon lorong, iḷambáan in kurigan mita in pangkoi in palem. Waḷu notontagá in tukad in nopobayá in bonawang tatua.

YEHEZKIEL 40:36

Bo gopotnea doman mita poḷoḷukadan, dindingnea mita kon dotá in bonunea bo yuangnea moḷoben in notongkai doman in inta kon yuang mita ibanea. Kon gopotnea mita bo kon yuangnea moḷoben oyúon in dodimpoi mita. Kobanat in lorongnea tatua in doyowa nopuḷú boḻima nometer bo kooḷadnea in mopuḷú bodoyowá botobotak nometer.

YEHEZKIEL 40:37

Yuangnea kon muna doman noitayow kon dangkuḷon kon ḷuai. Dinding mita kon dotá in bonunea inta noitayow kon lorong, iḷambáan in kurigan mita in pangkoi in palem. Waḷu notontangga in tukad mopobayá ná bonawang tatua.

YEHEZKIEL 40:7

Kon tumimai in ngara tatua oyúon in lorong tobatú bo kon sínea posiḷosi tumototoḷu in gopot poḷoḷukadan. Bayongan in gopot tatua notongkai in koḷobennea; notonggopat, koḷanggó in batúan sínea toḷu nometer. Dinding mita pinonigad kon batúan in gopot notongkai doman in kobunodnea, tumododoyowa nometer bo tobotak. Lorong tatua in sinimiḷanggó doman bui bo nopobayá ná yuang moḷoben inta noitayow kon Baḷoi Tuhan. Ḷoḷaki tatua in nogukur kon yuang moḷoben tatua bo noniata magí kooḷadnea in opat nometer; noiukat kon popod in bonawang, kon dotá in bonunea, inta totok in nodiug kon Baḷoi i Tuhan. Dinding mita inta kon dotá inta noitayow kon Baḷoi Tuhan, tometer in kobunodnea.

YEHEZKIEL 41:18

in pangkoi in palem bo kerub, tobatú in pangkoi in palem kon sigad in kerub doyowa. Kerub tatua in doyowa in pogotnea,

YEHEZKIEL 41:25

Ngara mita in Tampat Inta Totok in Motusi iḷambáan in kurigan mita in pangkoi in palem bo kerub mita, naonda bo kon dindingnea mita. Kon tayowon in yuang kon muna inta kon dotá in ḷuainea oyúon in toipoi nongkon kayu.

YEHEZKIEL 41:26

Kon dindingnea posibotak oyúon in dodimpayónea mita, bo dindingnea in iḷambáan in kurigan mita in kayu palem.

YEHEZKIEL 41:3

Onda intua sinumuot in sia kon gopot kon dotá in bonunea. Inukurnea in lorong inta nopobayá ná tatua: kobanatnea in tometer, kooḷadnea in toḷu nometer, bo dindingnea posibotak kobunodnea in toḷu botobotak nometer.

YEHEZKIEL 42:3

Sí tobatú in baḷoi tatua in noitayow kon dangkuḷon inta kooḷadnea in mopuḷú nometer tatua, bo sínea ibanea noitayow kon taḷog batu kon dangkuḷon kon ḷuai. Baḷoi tatua in toḷu noḷandakan; kon pomuḷoi in ḷandakan in mointo-intok nongkon ḷandakan inta kon ḻimonagannea.

YOHANES 5:2

Kon Yerusalem kon diug in tampat inta sinangoian “Ngara in Domba” oyúon in tobatú tabang, inta aka kon bonu in bahasa Ibrani sinangoian Betesda. Kon tua ḻima in tampat pobobarasanangan.

KORINTUS 1 13:12

Sin onu in inontong naton tanaa, ná bí onda bo oḻinow kon posilag inta diá totok motarang. Táe kon singgai moiduduimai ontongonbí naton motarang. Tanaa akuoi in diápa nonotaau kon rupa-rupa, táe kon singgai moiduduimai kotaauankubí, ná ki Allah nonotaau kon bayongan in yagi-yagi kon inakó.

WAHYU 7:9

Nopaḷut mako kon tua akuoi in nokoontongpa bui kon intau inta modamaḷ totok, diádon tobatúmai in intau in mokoiyap kon kobayongnea tua. Mosia tua in intau mita inta nongkon bayongan bangusa, suku, negara bo bahasa. Mosia in sinimindog kon tayowon in tampat pomomarentaan tatua bo kon tayowon i Adí in Domba. Mosia komintan nogiḷambung in jubah nobudó bo kokada-kadai doman tanga in kayu palem.