YEHEZKIEL 40:1 - Alkitab Singog In Mongondow Masa In Tanaa

¹ Kon singgai impuḷúnea kon buḷan imitánea, kon taong indoyowa nopuḷú bo ḻima kon pinoḷumbúan kon inami, mopuḷú bo opat notaong naonda in Yerusalem sinaḷow, kawasa i Tuhan in nongawasa kon inakó, bo dinia-Nea in akuoi minayá.

YEHEZKIEL 40:1 ပူးပေါင်းရင်းမြစ်များ

IḶUAIAN 12:3

Potaaudon in parenta tanaa kon bayongan bangusa Israel: Kon tanggal mopuḷú buḷan tanaa, intau mita ḷoḷaki in musti moratá kon ki adí in domba tobatú sin kaanon moyotakin in intau kon bonu in baḷoi.

IḶUAIAN 12:41

Kon singgai imbuit in taong 430 tua, bayongan umat i Tuhan nonaḷámaidon kon butá in Mesir.

IḶUAIAN 40:2

“Posindogdon in Ḷoḷaigan-Ku kon tanggal imitánea kon buḷan dungkuḷ.

YEHEZKIEL 11:24

Kon bonu in oontongon tatua, Roho i Allah nobingkat kon inakó bo dinia bui pinobayá kon intau mita intau iḷumbú kon Babel. Onda intua diádon inontong in oontongon tatua.

YEHEZKIEL 29:17

Kon singgai imitánea kon buḷan doman imitánea kon bonu in taong indoyowa nopuḷú bo pitu kon sempo in pinoḷumbúan kon inami, ki Tuhan in noguman kon inakó,

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

YEHEZKIEL 3:22

Kinorasaanku in ropot in kinoangoian i Tuhan bo dinongogku in Sia noguman kon inakó, “Pobangondon bo bayádon kon ḷopá. Kon tua Akuoi in mopoyaput in singog kon inimu.”

YEHEZKIEL 32:1

Kon singgai imitánea kon buḷan impuḷú bodoyowá kon taong impuḷú bodoyowá kon pinoḷumbúan kon inami, ki Tuhan in noguman kon inakó,

YEHEZKIEL 32:17

Kon singgai nogimpuḷú bo ḻima kon buḷan imitánea kon bonu in taong impuḷú bodoyowánea kon sempo in pinoḷumbúan, ki Tuhan in noguman bui kon inakó,

YEHEZKIEL 33:21

Kon singgai noginḻima buḷan impuḷúnea, kon taong impuḷú bodoyowá kon sempo in pinoḷumbúan kon inami, intau tobatú inta nokoḷagui nongkon Yerusalem namangoi kon inakó bo nopotaau kon Yerusalem in noḷabúdon.

YEHEZKIEL 37:1

Akuoi kinawasaan i Tuhan, bo Roho-Nea in nodia kon inakó nosiḻig kon ḷopá inta nopuḻing in tuḷan.

YEHEZKIEL 8:1

Kon singgai iḻimanea kon buḷan inggonomnea kon taong inggonomnea kon sempo in pinoḷumbúan kon inami, itoi mita in intau mita inta iḷumbú kon Yohuda in namangoi kon baḷoiku bo iḻimitú takinku. Bo daḻídon in kawasa i Tuhan Inta Totok in moḷantud nongawasa kon inakó.

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.