YEHEZKIEL 39:7 - Alkitab Singog In Mongondow Masa In Tanaa

⁷ Táe kon yua-yuak in intau in Israel, poniata-Kubí in tangoi-Ku inta motusi, bo tangoi-Ku tatua in diá bidon tamakon bui. Dá kotaauandon in bangusa mita kon Akuoibí in ki Tuhan, Allah inta motusi nongkon Israel.”

YEHEZKIEL 39:7 ပူးပေါင်းရင်းမြစ်များ

MAZMUR 103:1

Nongkon i Daud. Dayowdon ki Tuhan, ei dimukudku, ḻimbatú in ginaku, dayowdon in tangoi-Nea inta mokudus.

IḶUAIAN 20:7

Dika morotag kon tangoi-Ku, sin Akuoi, ki Tuhan Allahmu, in mohukumbí kon i ineka inta mopomia ibo-ibog kon tangoi-Ku.

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

YESAYA 37:23

Kinotaauanmu degá mongo ki ine in sinibáan bo siningkuḻemu tua? Akuoi, ki Allah in Israel, Allah inta motusi.

YESAYA 43:14

Ki Tuhan in mopoposaḷamatmu, Inta Mokudus Israel, noguman, “Popisí in moiko, Akuoi nopotabá in tontara minayá in Babel, bo dinangatan-Ku in bonoboi mita in ngara mita in ponjara; giow mita in intau in Kasdim binaḷuian-Ku nobaḻí amui.

YESAYA 43:3

Sin Akuoibí, in ki Tuhan, Allahmu, ki Allah mokudus in Israel, mopoposaḷamatmu. Mesir in ogoi-Ku nobaḻí tontobutmu, Sudan bo Syeba in nobaḻí toḻiumu.

YESAYA 45:11

Ki Tuhan, Allah mokudus in Israel noguman, “Poḻibódon kon i-Nakó in soaḷ kobiagan moiduduimai. Táe dika moḻibó soaḷ adí-Ku mita, andeka mokiaid in onuka kon i-Nakó.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 55:5

Moiko in mogoiníbí kon bangusa mita ango-angoi, bo mosia in ḷagidon mamangoi kon inimu, podoyon kon i-Nakó, ki Tuhan Allahmu, Allah mokudus in Israel, sin Akuoi in nopoḷantudon kon i monimu.”

YESAYA 60:14

Adí mita in intau mita inta nondorot kon inimu in mamangoibí tumungkud, inta nokoimontandon noningkuḻe kon inimu in mohoromatbí, iko in tangoionbí ‘Kotá in Tuhan’, ‘Sion, Kotá i Allah Mokudus in Israel’.

YESAYA 60:9

Tuata in kapaḷ mita inta namangoi sinumubu nodia kon umat i Allah nobui nongkon butá moyayú. Saḷaka bo buḷawan dinianea noyotakin sin modayow kon i Tuhan Allahmu; kon i Allah in Israel Inta Totok in motusi, inta nomaḻí kon umat-Nea ihoromat.

YEHEZKIEL 20:14

Táe diábí inaidan-Ku intua popisí in moḷukad kon tangoi-Ku, sinbá tangoi-Ku diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:39

Ki Tuhan Inta Totok in moḷantud in noguman, “Ei intau mita in Israel, tanaa in taaudon kon inimu. Kumudungdon in mogaid kon dosa pongin mosumba kon berhalamu mita! Táe toropdon kon naonda in mopaḷut mako kon tua moiko in mustibí tumoḷutui kon i-Nakó bo diádon moporaa-raatmai kon tangoi-Ku inta motusi pongin modia kon sosumba kon berhalamu mita tatua.

YEHEZKIEL 20:9

Táe diábí inaidan-Ku intua, sinbá tangoi-Ku in diá singkuḻeon in bangusa mita inta kon pinogutunan monia. Sin kon tayowon in bangusa mita tatua, Akuoi in nopotaaudon kon bangusa Israel in diaan-Kudon ḷumuai nongkon Mesir.

YEHEZKIEL 36:23

Poniata-Kubí in kototusi in tangoi-Ku inta moḷoben tua, tangoi inta ain kinotor monimu kon yua-yuak in bangusa mita, dá kotaauandon monia kon Akuoibí in ki Tuhan. Akuoi, ki Tuhan Inta Totok in moḷantud ain nosingog. Pakéon-Ku in moiko kon moponiata kon bangusa mita kon Akuoi naa in motusi, ki Tuhan Inta Totok in motusi.

YEHEZKIEL 36:36

Dá bangusa mita topodiugmai inta oyúonpa, in monotaaudon kon Akuoi, ki Tuhan, ain noposindog bui in kotá mita inta ain norimumud, bo nononggobá bui kon gobá mita inta ain noḷogat. Akuoi, ki Tuhan, ain nosingog bo notantúbí kon mopoaid intua.”

YEHEZKIEL 38:16

Bo sinubumu in umat-Ku Israel naonda bo deḷang nondangat kon dunia. Aka wakutunea moiangoidon, iko in potabá-Ku sin mongawasa kon butá-Ku. Takin aid-Ku pongin inimu, ei Gog, bayongan bangusa in monotaaudon mongo ki ine in Akuoi, tuata in ki Allah inta motusi.

YEHEZKIEL 38:23

Natuata in aid-Ku moponiata kon bayongan in bangusa kon Akuoi in moḷantud bo motusi. Dá kotaauandon monia kon Akuoibí in ki Tuhan.”

YEHEZKIEL 39:22

Pangkoiondon kon tua intau in Israel monotaaudon kon Akuoibí in ki Tuhan Allah monia.

YEHEZKIEL 39:25

Ki Tuhan Inta Totok in moḷantud in noguman, “Táe tanaa Akuoi in motabi bidon kon umat-Ku Israel buí i Yakub, bo baḻíon-Ku bui in mosia mobiag motompia. Tua in aidan-Ku sinbá tangoi-Ku umuran horomaton.

YEHEZKIEL 39:8

Ki Tuhan Inta Totok in moḷantud in noguman, “Totuu, singgai inta sinangoi-Ku tua in moiangoibí.

IMAMAT 18:21

Dika mobogoi in adímu tongáka tobatú sin pokuruban kon bonu in posumbaan kon i dewa Molokh, sin oaid tatua mopoompábímai kon tangoi i Allah, ki Tuhanmu.